MATHAI 4:24 - Bawm Common Language Bible Version

²⁴ Chun, Siria ram zawzawngah a thâwng a thang le, chun mi damlo zawzawng damlonâk leh nganfâknâk kip tuar tla, khuri vawnh tla, rualthlû tla, mi khêng tla a sinah an hawng put le, a damh ver na.

MATHAI 4:24 ပူးပေါင်းရင်းမြစ်များ

2 SAMUEL 8:6

An ram ah kawrsen mun a dirh le, amah minung an hawng si le, a sinah siah an châwi. LALPA nih mun kip ah nehtu ah a siam.

1 Lal 10:1

Seba lalnu nih Solomon minthang zia a theih le, thu har tatak nik ding leh deih ding hen Solomon sinah Jerusalem leiah a va kal.

1 Lal 4:31

Mi zawzawng lakah a fing chem: Ezrahit mi Ethan leh Heman, Kalkol leh Darda, Mahol fapa tla ngâk hen khawm a fing dauh. A finghnâk chu amah hen anna tlâi mi ram zawzawngah a thang rawh.

1 CHRONICLES 14:17

Ram kip ah David chu a min a thang le, LALPA nih phun zawzawng amah a ṭihtir na.

1 CHRONICLES 29:2

Biakin rangah a ruakhâu ding zeizawng ka tikho ri hen ka siam, ngûn, tangka, dâr, thîr, thing, lungsung, lungmantam, ruk siamnâk lung leh lungvâr tam zat tla ka siam.

EXODUS 15:26

“Thudik ka ruat mi leh ka thupêk nan zûl hep chun Aigupta tlûnah râi ka tlungtir mi hen kan rêp na lai loh,” a ti. “Kei, LALPA, a nan damh natu kasi,” a ti.

MATHAI 12:22

Chu liau chun mitchâw hawlh kho lo mi, khuri vuanh pakhat an hawng put le; chun, anih nih chun a damh le, chun a hawlh kho lo mi chu a hawng hawlh kho hen a hawng muh kho rawh.

MATHAI 14:1

Chu liau chir chun lal Herod nih Jisu thâwngthâng chu a theih le,

MATHAI 15:22

Chun, chu ram mi chu Kanaan nunau pakhat a hawng suak le, “Lalpa, David Fapa, hawng ka zângfah rawh, ka fanu khuri nih a tleih thlir asi,” ti hen a âu.

MATHAI 17:15

“Lalpa, ka fapa khi zângfah rawh, rualthlû asi, thungâi a tuarzia a fâk; vei tam tak mei ah a tlû le, vei tam tak tî lakah a tlû tâwn asi.

MATHAI 17:18

Chun, Jisu nih khuri chu a fâi le, a sung ah mi a suak rawh; chu dâr thawk hen chun ngâksia chu a dam rawh.

MATHAI 4:23

Chun, Jisu nih anna pûmnâk in tla ah sîntir na hen Ram Thâwngthâng Ṭha chu sim hen, mi le tla lakah nganfâk kip leh chaklonâk kip damh hen Galili ram zawzawng a ṭawl.

MATHAI 8:28

Chun, varâl lei Gadarin mi tla ram chu a va tlung rawh chun, khuri vuanh panih thlân khur thawk hen suak mi nih an hawng tawng le; ṭihnung an kâi thlo le, chuvachun chu lampi ah chun âukhawm an kal ngam lo.

MATHAI 8:33

Chun, a vulhtu tla chu an tek le, khua ah chun an kal le, zeizawng an sim rawh, khuri vuanh tla tlûnah thil hawng tlung mi tla khawm chu.

MATHAI 8:6

“Lalpa, ka to-aw a khêng le, in ah a rîl ko, thungâi a nganfâk a zual asi,” ti hen, a ngiar chiam.

MATHAI 9:26

Chun, chu thawk hen chun a thâwngthâng chu ram zawzawng ah chun a hawng thang khap rawh.

MATHAI 9:35

Chun, Jisu nih anna pûmnâk in tla ah sîntir na hen, Ram Thâwngthâng Ṭha chu sim hen, damlo kip leh nganfâk kip tla damh hen, khua lian leh khuatê tla zawzawng a ṭawl.

MARK 1:28

Chun, Galili ram kiangkam zawzawng ah ram kip ah a thâwngthâng a thang sawm.

MARK 1:32

Chun, zânleibâi ah nî a tlâ nûnah chun damlo zawzawng leh khuri vuanh tla a sinah an hawng put.

MARK 2:3

Chun, mi khêng pakhat, minung pali nih zawnh hen a sinah an hawngpi.

MARK 2:4

Chun, zapi ruangah a kiang tek ah an kal kho lo ruangah a umnâk in tlûn an siat le; chun, an pemh thluh rawh chun a tangphah chu a tlûnah mi khêng zâu bû hen an thlâk.

MARK 2:9

Mi khêng sinah hin, ‘Na sual tla ngaihdam asi rawh,’ ti leh, ‘Na tangphah lâk le, kê hen kal rawh, ti hi, a zei mi a sim awl dauh’?

LUK 2:2

Chu chu Siria ram ah Kurini chu governor asi liauah min rîn masa chem chu asi.

LUK 4:14

Chun, Jisu chu Thlarau thiltikhonâk put hen Galili ram ah a kîr le; chun a thâwngthâng chu, chu ram kiangkam kip ah a thang rawh.

LUK 4:38

Chun, a thawk le, pumhnâk in ah mi chu a suak le, Simon in ah a lût rawh. Chun, Simon nupi nu chu a damlo a zual ngâi le, chun a rangah an ngiar piak.

LUK 5:15

Sikhawmsele, a thâwng chu a thang zual khun; mi zapi cherkhet a thu theih duh leh nganfâk tla dam duh hen an hawng a pûm chiam.

LUK 5:24

Zeikhawm si sele, laikulh ah hin Minung Fapa nih hin sual ngaihdam khonâk a nei ti nan theihnâk ding hen,” a ti le, a khêng mi sinah chun, “Thawk le, na tangphah lâk le, na in ah kal rawh ka nan ti,” a ti.

LUK 7:17

Chun, chu thu chu Judai ram zawzawng leh a kiangkam ram kip ah a thang rawh.

JOHAN 10:21

A zeimaw mi nih, “Hi bang thu hi khuri nei thusim asi lo; khuri nih mitchâw mit a deitir kho mazei?” an ti.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

THILTI 15:23

Chun, hi hâwi hen lasui an rîn le, an kut ah an kuat: “Mifial tla leh upa tla, nan unau tla nih Antiokei khua tla, Siria ram tla leh Kiliki ram ah Phundang unau um tla chibai kan bûk na.

THILTI 15:41

Chun, kawhmi murui tla chu birhtir vima hen Siria leh Kiliki ram a ṭawl rawh.

THILTI 28:9

Chu thluh chun, chu tikulh ah mi a dang nganfâk nei mi vial an hawng kal le, a damh na.

THILTI 8:7

Mi tam tak thawk hen thlarau nâwmtâm tla chu hâu fâk tak a âu hen an hawng suak. Zeng leh kekhêng tam tak tla khawm damh an si.

JOSUA 6:27

Churawhchun, LALPA chu Josua sinah a um le, chun ram pumpi ah a min a thang rawh.