MATHAI 3:7 - Bawm Common Language Bible Version

⁷ Sikhawmsele, Farisai tla leh Sadukai tla tam tak baptis ding hen an hawng kal mi a muh kâ hen an sinah, “Rûl thlâk tla, thinrunhnâk hawng tlung ding mi hi tektâk ding hen âunih an simh na?

MATHAI 3:7 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

THUFING LASUIBU 28:4

Dân siarlo tak hen na um chun, misual leikâng ṭângṭawm mi na si le; sikhawmsele dân zûltu na si chun misual dotu na si.

ISAI 59:5

Thilsual ti ding nan dawn mi chu thihnâk rûl tûrnei ti hâwi asi! A ti chu a keuh le, rûl a suak! Sikhawmsele nan thiltum nih chun zeikhawm an ṭhattir na lai lo, mâimawrâng bâw puan hâwi hen mang tlâklo asi.

JEREMIA 51:6

Babulon mi tla lakah mi chu tek u! Nan nungnâk hum ding hen tek u! Babulon mi tla sual ruangah a thahtir lah u. Tuah lehrûl ka sam lai le, amah hen dêng cho hen ka rêp awt.

JEREMIA 6:10

Kei nih ka sâng le, “An sinah thu ka sim hen ka simhkan na chun âunih an ka ngâi piak awt? Mi lungkhung an si le, na thuchah khawm an ngâi duh lo; sim ding hen thu na ka simh mi hi an nihsuak tâwk cho lai.

MATHAI 12:24

Sikhawmsele, Farisai tla nih chun chu chu an theih kâ hen, “Hi minung nih hin khuri lal Belzebul thiltikhonâk ruangah lo chun khuri tla a nar lai lo,” an ti.

MATHAI 12:34

Rûl thlâk tla, nannih sual ko bû hen zeitin me thu ṭha nan sim kho lai? Thinlung ah khat hen a liam mi chu kâ nih a sim tâwn asi.

MATHAI 15:12

Chu liau chun a ṭhiruai tla an hawng kal le, a sinah, “Farisai tla nih kha thu kha an theih le, an thinthawk mi kha na theih ma?” an ti.

MATHAI 16:1

Chun, Farisai tla leh Sadukai tla an hawng kal le, amah niknâk ding hen vân thawk hen singsiahnâk anmah zauhtir ding hen an deih.

MATHAI 16:6

Chun, Jisu nih an sinah, “Farisai tla leh Sadukai tla thilnu lakah chun a vêng ule, a thiamthih u,” a ti.

MATHAI 22:15

Chu liau chun Farisai tla nih chun a thusim lakah an tleih khonâk ding kâng anna thluk.

MATHAI 22:23

Chu ni ber ah chun, Sadukai tla thawknawlhnâk um lo titu tla chu Jisu sinah an hawng kal.

MATHAI 22:34

Farisai tla lam nih chun Jisu nih Sadukai tla chu a êl le, a dawngh thlo na ti an theih hen anna pûm rawh.

MATHAI 23:33

Rûl tla, rûl thlâk tla, Gehena lâirêlnâk chu zeitin nan âwl kho lai?

MATHAI 5:20

Nanna repnâk nih Dân sîntirtu tla leh Farisai repnâk hi a khûp lânlo chu Vân Ram ah nan lût kho lai loh ti ka nan simh na.”

MARK 12:13

Chun, a thusim ah tleih ding hen Farisai tla leh Herod murui lakah mi âu tla mawh a sinah an fial.

MARK 12:18

Chun, Sadukai tla, thawknawlhnâk a um lo titu tla chu Jisu sinah an hawng kal le, a sinah,

MARK 8:15

Chun, anih nih chun an sinah, “Farisai tla leh Herod thilnu lakah chun a vêng ule, a thiamthih u,” a ti thlir.

LUK 16:14

Chun, Farisai, tangka sunhsaktu tla nih chun chubang thu zawzawng an theih le, an nihsanh.

LUK 18:11

“Farisai chu a dîr le, amah lâwng hen hi hâwi hen thla a cham: ‘Pathian, midang hâwi hen lêp mang le, replo le, ṭângdang pawmtâktu kasi lo ruangah leh hi siah khawlhtu hâwi khawm hi kasi lo ruangah na tlûnah ka lâwm.

LUK 7:30

Farisai tla leh Dân sîntirtu tla lam chu a sinah baptis rawh mi an si lo le, anmah rangah Pathian nih rem a ruat piak na mi kha an duh lo.

JOHAN 1:24

An mifial tla chu Farisai tla le sinah mi an si.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

JOHAN 9:40

Chun, a sinah Farisai um mi tla nih chun chubang thu chu an theih le, a sinah, “Kannih khawm hi mitchâw kan si bak bei ne?” an ti.

THILTI 15:5

Sikhawmsele, Farisai murui lakah mi âu tla mawh lungtu an thawk le, “Phundang tla chu an fêm tan ding asi. Mosi Dân zûl ding hen an sinah thu pêk thlir ding asi,” an ti.

THILTI 20:31

Churuangah ruat tet u; kum thum thlo mitthli tlâk bû hen, a sûn a zân hen mikip nunsimh ka bâng lo kha, theihkumza u.

THILTI 26:5

A tîr thawk hen ka thâwngthâng an theih, kha hâwi hen kan phung-leh-lam kermê chem dân hâwi vima hen Farisai ah ka um kha, an duh chun an hawng ka simpi kho asi.

THILTI 5:17

Chun, Bâwlpu Lalchem leh a hâwi tla zawzawng an hawng a thawh le, (chubang a hâwi tla chu Sadukai murui an si le,) thungâi an nahsuah na;

ROM 1:18

Thutak rep lo tak a khamtu tla Pathian sunhsaklonâk leh replonâk zawzawng tlûnah vân thawk hen Pathian thinthawknâk a hawng lang asi.

ROM 5:9

Chun, a thisen ah mawhlotir a kan um rawh nûnah hin amah ruangah Pathian thinthawknâk lakah mi chu ruangsuah hen kan um ngelchel lai.

HEBRAI 11:7

Lungnâk hen Noa chu thil a lang lo rih mi leikâng thu ah Pathian simhkannâk thu a ngâi le, Pathian thu zâwt hen a dâwngsung tla ruangsuaknâk ding hen lawng a sâi; chu nih chun laikulh chu a mawhtir rawh. Churuang chun, lungnâk ruangah repnâk chu Pathian thawk hen â ting rawh.

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

1 JOHAN 3:10

Hi lak hin Pathian fa tla leh Diabol fa tla chu â theih asi. Âuzawng thil dik ti lotu mawh, a unau zângfah lotu chu Pathian fa asi lo.