MATHAI 3:2 - Bawm Common Language Bible Version

² “Rim u, Vân Ram chu a nâi rawh,” ti hen, Judai ramkaro ah thusim hen a hawng kal.

MATHAI 3:2 ပူးပေါင်းရင်းမြစ်များ

1 Lal 8:47

na mi tla thlachamnâk ngâi piak na rawh. Sal ah kalpi hen an umnâk ram ah an sual tla an phuang hen an rim chun an thlachamnâk ngâi piak na rawh LALPA.

JOB LASUIBU 39:12

Na fângzûnnâk ah kalpi hen, na fâng pumh leh chîltu ah mang kho ding hen na ruat ma?

JOB LASUIBU 42:6

Churawhchun, thu ka sim mi zawng ruangah thungâi ka ning a zak le, vachâm leh valeidip lakah ka rim rawh,” a ti.

EZEKIEL 33:11

Kei, LALPA Zahkâi Pathian nung kasi sung zawng chu ka mitmuh hen misual a thi mi lakah lâwmnâk ka nei kho lo ti simh na. An sual rim hen an nung mi muh ka duh dauh asi. Israel, na thilsual ti bâng rawh. Zei rangah thi ding na duh eu?

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

MATHAI 10:7

Chun, nan kal liauah, “Vân Ram chu a hawng nâi rawh,” ti hen, sim vima u.

MATHAI 11:20

Chun, an rim lo ruangah a thilchê ti tamnâk chem khua tla chu a fâi rawh:

MATHAI 12:41

Ninevi khua mi tla chu lâirêl ni ah chun tu san mi le tla sinah hin an dîr lai le, an mawhtir na lai, Jona thusim lakah an rim ruangah; ngâinik u, Jona ngâk hen rokual dauh hinah hin a um asi.

MATHAI 13:11

Chun, anih nih chun a sâng le, an sinah, “Vân Ram thuthup tla chu nannih theih lam chu siang asi, annih theih lam chu siang asi lo.

MATHAI 13:24

Tahṭhimh thu dang an sinah a sim nawlh le: “Vân Ram chu mi a lo ah chî ṭha vawrhtu hen tahṭhimh asi;

MATHAI 13:31

Tahṭhimh thu dang an sinah a sim nawlh le: “Vân Ram chu anṭam chî mal khat mi nih a lâk le, a lo ah a vawrh mi hâwi chu asi.

MATHAI 13:33

Tahṭhimh thu dang an sinah a sim nawlh le: “Vân Ram chu thilnu nunau nih a lâk le, sangvut seah thum lakah a ektê hen zunh ver tiang hen a phûm mi hâwi chu asi,” a ti.

MATHAI 13:47

“Chun, Vân Ram chu lênkhang tisumsumriat ah vawrh hen, chi kip fûn khup mi hâwi chu asi nawlh fâwn:

MATHAI 13:52

Chun, anih nih chun an sinah, “Chu hâwi asi chun, Dân sîntirtu Vân Ram lampi sîntir hen um mi vial chu in dâwngpu a robâwm lakah mi thil thar tla leh thil li tla thuak tâwntu hâwi chu asi,” a ti.

MATHAI 18:23

“Churuangah chun, Vân Ram chu, lalchem âunih mawh a to-aw tla sinah sum thâwngthâng ruat fiang ding mi hen tahṭhimh asi.

MATHAI 20:1

“Vân Ram chu, in dâwngpu a grep dûm ah rianṭuantu tla ṭuantir na ding hen zîngtê ah suak mi hâwi chu asi.

MATHAI 22:2

“Vân Ram chu lalchem âumawh a fapa rangah lâwinâk puai tuah mi hen tahṭhimh asi.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

MATHAI 25:1

Chu tik chun Vân Ram chu nungâk thenhlimh parâ an khâwnvâr put hen mo dâwngpu dawng ding hen suak mi tla hen tahṭhimh asi rawh lai.

MATHAI 25:14

“Mi, ram dang ah kal awt hen, a to-aw tla kawh hen, a sum tla an sinah a kiltir na mi hâwi chu asi.

MATHAI 4:17

Chu ri rawh chun Jisu nih chun, “Rim u, Vân Ram a nâi rawh,” ti hen sim a dawmh rawh.

MATHAI 4:23

Chun, Jisu nih anna pûmnâk in tla ah sîntir na hen Ram Thâwngthâng Ṭha chu sim hen, mi le tla lakah nganfâk kip leh chaklonâk kip damh hen Galili ram zawzawng a ṭawl.

MATHAI 5:10

“Repnâk ruangah nehsawh tuar rawh tla chu an thaw a suak; Vân Ram an tâ asi ruangah!

MATHAI 5:3

“Thlarau leikâng ah thinlung hamh mi tla chu an thaw a suak; Vân Ram an tâ asi ruangah!

MATHAI 6:10

Na Ram hawng tlung seh. Na duhzia vânah mi nih anti hâwi hen, tualah mi nih khawm ti seh.

MATHAI 6:33

Pathian Ram leh a repnâk chu hâwl masa dauh u, chuvachun chubang zawzawng chu a nan pêk sap na awt asi.

MARK 1:15

“Tik chu a hawng tlung rawh, Pathian Ram khawm a hawng nâi rawh; rim ule, Thâwngthâng Ṭha hi lung u,” a ti vima.

MARK 1:4

Johan ramkaro ah Baptistu kha sual ngaihdamnâk ding rimnâk baptisma thu sim hen a hawng kal.

MARK 6:12

Chun, an suak le, rimnâk thu an sim le;

LUK 1:16

Israel thlâk tla tam tak Lalpa an Pathian leiah a hawitir nawlh lai.

LUK 11:20

Sikhawmsele, kei nih Pathian thiltikhonâk ruangah khuri tla nar tâwn kasi chun, Pathian Ram nan sinah a hawng tlung rawh mi asi lai.

LUK 13:3

Si loh e, ka nan simh na, nannih khawm nan rim lo chun chu hâwi ber hen nan vei ver lai.

LUK 13:5

Si loh e, ka nan simh na, nannih khawm nan rim lo chun chu hâwi ber hen nan vei ver lai,” a ti le, a sâng.

LUK 15:10

Ka nan simh na chu hâwi ber hen Pathian vânmifial tla lakah chun misual pakhat a rim mi tlûnah anna lâwm tâwn asi.”

LUK 15:7

Ka nan simh na, chu hâwi ber hen mirep sâwmkua leh pakua rim ding nei lo tla ngâk hen chun misual pakhat a rim mi tlûnah hin vân ah lâwmnâk a um dauh lai.”

LUK 16:30

Chun, anih nih chun, ‘Pa Abraham, silo, mithi lakah mi ngelchel an sinah va kal sele an rim lai, a ti.

LUK 21:31

Chu hâwi ber hen nannih khawm nih chubang a hawng tlung mi nan muh tikah chun Pathian Râm a nâi rawh ti theih u.

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

LUK 6:20

Chun, a vân a tâu le, a ṭhiruai tla chu a zauh na le, “Nannih ngâkṭah tla, nan thaw a suak, Pathian Ram nan tâ asi ruangah!

LUK 9:2

Chun, Pathian Ram thu sim ding leh damlo tla damh ding hen a fial na rawh.

THILTI 11:18

Chun, chubang thu chu an theih hen an dâisip rawh, “Chu hâwi asi chun Pathian nih Phundang tla nung ding hen rim a siang rawh ma chu!” ti hen, Pathian an sawr rawh.

THILTI 17:30

Pathian nih chun amah kan theihlo liauah a ngaihzia hawng kan thiam piak tâwn le; sikhawmsele, tuah ramkipah mi zawzawng rim ding thu a pêk rawh asi,

THILTI 2:38

Chun, Peter nih chun an sinah, “Rim ule, nan sual tla ngaihdamnâk ding hen Jisu Krist min hen baptis hen um chiau u, chun Thlarau Thenhlimh pêk mi hi nan tawng lai.

THILTI 20:21

Juda tla leh Greek tla sinah khawm Pathian leiah thinlung lêttirnâk thu leh kan Lalpa Jisu Krist leiah lungnâk thu ka theihtir tâwn kha.

THILTI 26:20

a tîrah Damaska khua mi tla sinah, chu nûnah chun Jerusalem khua mi tla sinah, Juda ram kip mi tla sinah, Phundang tla sinah khawm rim min put tlâk hen thilti, rim hen, Pathian leiah anna hernâk ding hen ka sim dauh tâwn asi.

THILTI 3:19

Churuangah nan sual tla tlâutir asi khonâk ding hen rim ule, a her nawlh u.

2 KORIN 7:10

Pathian duhzia hâwi hen ngaihsiatnâk nih chun ruangsuahnâk ding hen sîrnâk cho silo hen rimnâk a siam tâwn; laikulh ngaihsiatnâk nih chun thihnâk a siam dauh tâwn.

KOLOSA 1:13

Anih nih chun mûi thuneihnâk lakah mi hawng kan suah hen a Fapa zângfah tak ram ah hawng kan ṭhial rawh le;

2 TIMOTHE 2:25

do ding a tuah mi tla chu dawnhkho tak bû hen sîntir lehlam ding asi; chuvachun Pathian nih thudik chu an theih rangtlingnâk ding hen a rimtir ving hen,

HEBRAI 6:1

Krist thu dawmhtîrnâk sim lo rawh hen, upat lei kan fûk lai rawh, rianṭuannâk mangtlâklo tla leh Pathian leikângah lungnâk tla,

2 PETER 3:9

Mi zeimaw mi nih Lalpa chu fûm hen an ruat hâwi hen a thutiam leikângah chun a fûm lo, âukhawm tlâu ding siang lo hen, mi zawzawng rim duh hen, nan lakah â dawnhkho mi asi dauh.

THUPHUANG 2:21

Chun, a sual rimnâk ding tik ka ruat piak le, sikhawmsele, a hurnâk sual chu a rim duh lo.

THUPHUANG 2:5

Churuangah, na tlûk khalh rawh mi kha theihkumza le, rim hen thilti masa chem kha ti nawlh rawh; chu lo chun na sinah ka hawng lai le, na rim lo chun na meichêu kha a mun ah mi ka ṭhial ving lai.