MATHAI 3:17 - Bawm Common Language Bible Version

¹⁷ Chun, ngâinik, vân thawk hen aw-hâu nih, “Hi hi ka Fapa duhtak, thungâi ka lawmh mi chu asi,” a ti.

MATHAI 3:17 ပူးပေါင်းရင်းမြစ်များ

SAM 2:7

“LALPA nih a sim mi chu ka phuang awt” Lalchem nih a ti. ‘LALPA nih ka fapa na si, tusûn hin na pa kasi,’ a ti.

ISAI 42:1

LALPA nih, “Hi hi ka to-aw ka chaktir mi, ka mi thîm pakhat, ka lungnâ tlâ tak mi chu asi. Ka thlarau hen ka khattir le, phunkip sinah diknâk a tlungtir lai.

ISAI 42:21

LALPA chu hum ding hen duhtu Pathian asi le, a sîntirnâk leh a dân tla chu â putso le, a mi le tla nih an zah ding hen a duh na.

LEVITICUS 15:15

Bâwlpu nih pakhat chu sual thil ap rangah a mang lai le, pakhat chu duahphung thil ap rangah a mang lai. Hi hâwi hen mi a thenhnâk dân chu a siam ding asi.

MATHAI 12:18

“Zauhnik, ka to-aw ka thîm mi, ka duhtak, ka thinlung nih thungâi a lawmh mi hi. A tlûnah ka Thlarau ka siah lai le, chun phundang tla sinah lâirêlnâk thu a sim lai.

MATHAI 17:5

A sim liau chir ah, sûm vâr tak nih anmah a phenh na rawh; chun, sûm thawk hen aw-hâu nih, “Hi hi ka Fapa duhtak, ka lawmh mi chu asi, amah thu ngâi u,” a ti.

MARK 1:11

Chun, “Nang, ka Fapa duhtak na si le, na tlûnah thungâi ka lâwm asi,” ti hen, vân thawk hen aw-hâu a hawng suak.

MARK 9:7

Chun, anmah tla liah hen sûm a hawng zîng le, chun sûm ah chun aw a hawng suak le, “Hi hi ka Fapa duhtak asi, amah thu ngâi u,” a ti.

LUK 3:22

chun Thlarau Thenhlimh chu taksa put hen vaṭhu hâwi hen a hawng ṭum le, a tlûnah a fû. Vân thawk hen aw a hawng suak le, “Nang ka Fapa duhtak na si, na tlûnah thungâi ka lâwm,” a ti.

LUK 9:35

Chun, sûm ah chun aw-hâu a hawng suak le, “Hi hi ka Fapa, ka thîm mi chu asi, amah thu ngâi u,” a ti.

JOHAN 5:20

Pa nih Fapa a dâwt le, a thilti zawzawng a sinah a zauhtir tâwn; hi ngâk a thilti rokual dauh hi a sinah a zauhtir teh lai, chê nan ti ding ah.

JOHAN 5:37

Pa hawng ka fialtu khawm nih chun ka thâwngthâng a theihtir rawh. Nannih nih zeiliau khawm ah a aw-hâu nan theih dahlo, a mêl khawm nan muh dahlo.

KOLOSA 1:13

Anih nih chun mûi thuneihnâk lakah mi hawng kan suah hen a Fapa zângfah tak ram ah hawng kan ṭhial rawh le;

2 PETER 1:17

Anih nih chun Pa Pathian sin thawk hen rokualnâk leh chawnglawmhnâk pêk asi liau khan kan um ko asi, Chungnungchem aw-hâu chu a tlûnah hi hâwi hen a hawng suak, “Hi hi ka Fapa duhtak, ka lawmh ngâi mi chu asi,” ti hen.

1 JOHAN 5:9

Minung nih theihpitu an pêk mi ngâk chun Pathian nih theihpitu a pêk mi chu a ṭha dauh ti kan lung asi. Pathian nih theihpitu hawng kan pêk mi chu a Fapa thâwngthâng hi asi.

THUPHUANG 14:2

chun, vân thawk hen zeilo hâu, tî tam tak sâitâr ah â khâwk mi hâu hâwi leh khuarît fâk tak hâu hâwi ka theih le, chun, ka hâu theih chu ṭingṭang tumtu tla nih an ṭingṭang an tum mi hâu hâwi asi.