MATHAI 3:16 - Bawm Common Language Bible Version

¹⁶ Chun, Jisu baptis asi ka hen ti a mi a suak sawm le, chun, ngâinik, a rangah vân â awng le, Pathian Thlarau chu vaṭhu hâwi hen a hawng ṭum hen, a tlûnah a fû mi a muh.

MATHAI 3:16 ပူးပေါင်းရင်းမြစ်များ

ISAI 11:2

LALPA thlarau nih finghnâk a pêk lai le, a mi tla lâirêl ding hen theihnâk leh thiamnâk a pêk lai. LALPA duhzia a theih hen a zah lai,

ISAI 42:1

LALPA nih, “Hi hi ka to-aw ka chaktir mi, ka mi thîm pakhat, ka lungnâ tlâ tak mi chu asi. Ka thlarau hen ka khattir le, phunkip sinah diknâk a tlungtir lai.

ISAI 59:21

Nan sinah thudântuk ka siam asi: Nan tâ si kumza ding hen ka thiltikhonâk leh sîntirnâk ka nan pêk na, tu thawk hen ka thu tla nan zâwt hen, nan fa tla leh nan thlâk tla tik a hawng um ding mi zawzawng lakah zûl kumza ding hen sîntir na u,” a ti.

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

EZEKIEL 1:1

Kum sâwmthumnâk a thla linâk ninga ni ah kei, bâwlpu Ezekiel, Buzi fapa leh Juda saltâng tla hen Babulon ah Kebar tiva kiangah kan um. Vân â awng le, Pathian muhtirnâk ka muh.

MARK 1:10

Tî ah mi a suak kâ hen vân â awng le, Thlarau Thenhlimh vaṭhu hâwi hen a tlûnah a hawng ṭum mi a muh.

JOHAN 1:51

Chun, Jisu nih a sinah, “Thungâi tak hen ka nan simh, vân â awng hen, Pathian vânmifial tla Minung Fapa tlûnah hin ṭum leh kâi nan muh teh lai,” a ti,

JOHAN 3:34

Pathian fial mi nih chun Pathian thu a sim tâwn; anih nih chun a Thlarau khatnâk rangtling a pêk.

THILTI 7:56

“Zauhnik u! Vân â awng mi ka muh le, Pathian vawrhlei ah Minung Fapa a dîr mi khawm ka muh, a ti.

1 JOHAN 5:6

Jisu Krist chu â baptisnâk tî leh a thihnâk thisen hen a hawng kal asi, tî cho hen a hawng mi silo le, tî leh thisen hen asi dauh. Thlarau chu thutak asi ruangah chun, Thlarau nih chun thudik asi ti a theihtir asi.