MATHAI 3:12 - Bawm Common Language Bible Version

¹² A kut hen a zâpnâk a put lai le, a chîlnâk mun ah a zâp phin lai le, a siahnâk ah fâng a râwn lai, a hî lam chu mei mit kho lo hen a duah hep lai.”

MATHAI 3:12 ပူးပေါင်းရင်းမြစ်များ

JOB LASUIBU 21:18

Pathian nih a thinthawknâk hen misual chu fabû thli nih a ranh ving hâwi leh ruah nih valeidip a fenh mi hâwi hen a rêp dah tâwn ma?

SAM 1:4

Misual tla lam chu chu hâwi an si lo; Fabû thli nih a ranh phin mi hâwi an si.

SAM 35:5

LALPA vânmifial nih a ṭhâwl na ruangah fahi thli nih a ranh mi hâwi hen um na seh!

ISAI 1:31

Meichi nih fapawn a khangh mi hâwi hen mi thiltikho tla chu an thilsual ti nih a veih na lai le, chu siat leh râwknâk chu âukhawm nih an khap kho lai loh.

ISAI 17:13

Phun tla chu tîlian a tlung mi hâwi hen an hawng le, sikhawmsele Pathian nih nun a simh na le, dunglei an kîr le, pangdâr mi valeidip leh fapawn thli nih a ranh mi hâwi an si.

ISAI 27:4

Grep zûn thu ah ka thin a thawk lai lo rawh. Ling leh bua lâwng do ding um mi sele ka duah hep lai rawh.

ISAI 28:28

Fâng chu vei salam ding hen bâng lo thlo hen an chîl lo le, kari chu fângmal mân lo ding hen a khalh liau khawm ah chîl ding dân chu an theih ko.

ISAI 30:24

Chawchal leh sanatung phâisen nâwntu nih râwl ṭha chem leh duhkâi chem an ei lai.

ISAI 41:16

Boruak ah na vawrh phin lai le thli nih a ranh ving lai, thlipi nih a thektham hep lai. Churawhchun, kei na Pathian kasi ruangah na lâwptlo lai rawh; Israel Pathian thenhlimh chu na ka sawr lai rawh.

ISAI 5:24

Churuang chun LALPA Zeizawng tikho, Israel Pathian thenhlimh nih hawng kan sîntir mi na duh lo ruangah, fapawn leh belh châr mei nih a khangh mi hâwi na si lai le, na ram tla a pawng hen na pâr tla a châr lai le, sêm ving na si lai.

ISAI 66:24

“An suak liauah ka lakah hel mi ruak tla an muh lai. Anmah eitu tholung tla a thi lai lo, anmah khanghtu mei khawm a mit lai lo. Minung mitmuh ah fihnungkâi an si lai,” a ti.

JEREMIA 15:7

Ram sungah khuapi kip ah fapawn hâwi hen thli lakah ka nan lawnh na. Ka mi tla, nan thilsual ti nan bâng duh lo ruangah ka nan veih na le, nan fa tla ka thah na.

JEREMIA 17:27

Sikhawmsele, ka thu an zûl hen Dinhni chu thenhlimh tak hen an ulh ding asi. Chu ni ah chun Jerusalem kulh kawtkâ ah zei thilrit khawm an lûtpi ding asi lo, an lûtpi chun Jerusalem kulh kawtkâ chu mei hen ka duah awt. Mei nih chun Jerusalem ah lal in tla a khangh lai le, âukhawm nih mih kho asi lai lo,” a ti.

JEREMIA 4:11

Ramkaro thawk hen thli lum anmah leikângah a hawng râng ding mi thu Jerusalem mi tla simh ding tik chu a tlung rawh. Fahî tla cho ranh ding mi thli salam asi awtlo.

JEREMIA 51:2

Thli nih fapawn a ranh phin mi hâwi hen ramdang minung Babulon veih ding hen ka fial awt. Siatnâk ni a hawng tlung tik chun a ker kip thawk hen an hawng do lai le, ram chu a karo hen mâk asi lai.

JEREMIA 7:20

Churuang tak chun, Kei, LALPA Zahkâi nih, hi Biakin ah hin ka thinthawknâk fâk tak ka tawih awt. Ran tla tlûnah leh minung tla tlûnah khawm, thing leh thlâi tla tlûn khawm ah ka tawih awt. Ka thinthawknâk chu âukhawm nih a mih kho lo mi mei hâwi asi lai.

HOSEA 13:3

Churuangah hi bang minung tla hi zînglei ah mi dâmtî a vei ving mi hâwi an si lai. Fâng khâwngnâk ah fapawn thli nih a ranh mi hâwi leh palang lakah mi meikhû a suak mi hâwi an si lai.

AMOS 9:9

“Israel minung tla chu thu ka pêk lai le, ṭawlâwn ah fâng an khei mi hâwi hen anna nîn lai. Mi rualo tla zawzawng chu phun tla nâwngah ka ninh na lai le, ka lawnh ving na awt.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

MATHAI 13:30

Fâng ât tiang hen munkhat hen kho ko na seh; chun fâng ât tikah fâng âttu tla sinah, ‘Fâng telê chu pumh masa tâ ule, duah ding hen têl u, fâng lam chu ka fângbâwk ah thiar u, ka ti teh lai,’ a ti,” a ti.

MATHAI 13:41

Minung Fapa nih hin a vânmifial tla chu a fial lai le, a ram thawk hen sualtirtu tla leh thilsual titu tla zawzawng chu a khawk na lai le,

MATHAI 13:42

meipi ah an lawnh na lai; chunah chun ṭap leh hachang rial chu a um lai.

MATHAI 13:43

Chu tikah chun mirep tla chu an Pa Ram ah nî hâwi hen an chêu lai rawh. Nâ nei nih chun theih seh!

LUK 3:16

Johan nih chun a sâng le, an ektê sinah, “Kei nih chun tî hen ka nan baptis na tâwn le; sikhawmsele, keimah ngâk hen mi rokual a hawng kal awt, a pheikawk rî sût tlâk khawm kasi lo; anih nih chun Thlarau Thenhlimh leh mei hen a nan baptis na lai.

LUK 3:17

A kut hen a ṭawlâwn a put lai le, a chîlnâk mun thiang rel a zâp lai, a pang ah fâng a râwn lai; a hî lam chu mei mit kho lo hen a duah phin lai,” a ti.

JOHAN 15:2

Keimah lakah mi ṭeng rah lo mi vial a lawnh tâwn; a rah mi vial a thenhlimhtir tâwn, a rah tam khunnâk ding hen.