MATHAI 3:11 - Bawm Common Language Bible Version

¹¹ Kei lam nih chun nan rimnâk ding hen tî hen ka nan baptis na; sikhawmsele, ka dunglei ah a hawng kal ding mi chu keimah ngâk hen a rokual dauh le, a pheikawk put tlâk khawm kasi lo, anih nih chun Thlarau Thenhlimh leh mei hen a nan baptis na lai.

MATHAI 3:11 ပူးပေါင်းရင်းမြစ်များ

ISAI 4:4

LALPA nih a thiltikhonâk hen phun tla chu lâi a rêl piak hen a thiangtir na lai le, Jerusalem ah sualnâk tla leh thisen suah mi tla chu a ṭâwl peng lai.

ISAI 44:3

“Ram châr chu tî ka pêk lai le, tual châr lakah tiva tla ka luangtir lai. Ka thiltikhonâk nan fa le tlûnah ka tawih lai le, ka malsâwmnâk chu nan thlâk tla tlûnah ka tlungtir lai.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

MATHAI 3:6

an sual tla thutluang vâwr hen Jordan Va ah chun amah sinah baptis an si rawh.

MARK 1:4

Johan ramkaro ah Baptistu kha sual ngaihdamnâk ding rimnâk baptisma thu sim hen a hawng kal.

LUK 1:17

Chun, pa le tla thinlung chu fa tla leiah hawitir ding hen leh mi thu ngâi lo tla chu mirep tak finghnâk leiah hawitir ding leh Lalpa rangah mi a tîm zet ding lebang ah timhtuah ding hen Elija thinlung leh a thiltikhonâk put hen Lalpa mâika ah a kal lai,” a ti.

LUK 3:16

Johan nih chun a sâng le, an ektê sinah, “Kei nih chun tî hen ka nan baptis na tâwn le; sikhawmsele, keimah ngâk hen mi rokual a hawng kal awt, a pheikawk rî sût tlâk khawm kasi lo; anih nih chun Thlarau Thenhlimh leh mei hen a nan baptis na lai.

LUK 3:3

Chun, anih chu Jordan Va kiangkam ram kip ah a kal le, thilsual ti ngaihdamnâk ding hen rimnâk baptisma thu a sim vima.

JOHAN 1:15

Johan nih a thu a theihtir le, a âu le, “Ka dung leiah hawng ka zûltu nih khan hawng ka lehkhalh rawh asi, keimah lânah um asi rawh ruangah,’ ti hen a thu ka sim mi kha amah hi asi,” a ti.

JOHAN 1:30

Hi hi asi, ‘Minung pakhat hawng ka lehkhanh mi nih khan hawng ka zûl awt, ka lânah a um rawh asi, ka ti mi kha,’

THILTI 1:5

“Johan nih khan tî hen a baptis tâwn le, sikhawmsele ni sâwtlotê ah Thlarau Thenhlimh hen baptis nan si lai,” a ti.

THILTI 19:4

Chun, Pawl nih chun, Johan nih chun mi sinah ‘Ka dunglei ah hawngtu ding mi, Jisu chu nan lung ding asi,’ ti hen rimnâk ruangah baptisma hen a baptis tâwn asi kha,” a ti.

THILTI 8:36

Chun, lampi ah an kal liauah tî umnâk ah an tleng le; chun tilkhei nih chun, “Zauhnik, hinah tî a um, baptis ding hen zei nih me hawng ka kham chem?” a ti.

THILTI 8:38

Chun, kari a dinhtir le, an panih hen, Philip leh tilkhei chu tî lakah chun an va kal le, chun, Philip nih chun anih chu a baptis rawh.

1 KORIN 12:13

Kan ektê hen, Juda mawh, Phundang mawh, sal mawh, sal lo mawh taksa pumkhat a um ding hen Thlarau pumkhat cho ah baptis hen kan um chiau le, Thlarau pakhat cho hawng kan dintir chiau fâwn.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

TITA 3:5

thil rep tak hen ti mi, kanmah ngelchel nih ti mi tla chu, chu ruang silo hen, siamtharnâk ṭâwlnâk leh Thlarau Thenhlimh siamthar nawlhnâk nih chun a zângfahnâk hâwi vima hen ruang hawng kan suah rawh.

1 PETER 5:5

Chu hâwi ber hen, nannih seino tla, upa tla thu ngâi u. Nan ektê hen rian a ṭuan piak tawnh ule, thinlung nâunâk hen a thuam u. Pathian nih mizûm tla a do le, â nâutir mi tla lam chu zângfahnâk a pêk tâwn ruangah.