MATHAI 28:8 - Bawm Common Language Bible Version

⁸ Chun, lâu leh lâwm tak bû hen thlân thawk hen chun an kal rereh le, a ṭhiruai tla simh na ding hen an tek rawh.

MATHAI 28:8 ပူးပေါင်းရင်းမြစ်များ

SAM 2:11

Ṭih bû hen LALPA rian chu ṭuan ule;

MATHAI 28:7

Chun, kal rereh ule, a ṭhiruai tla sinah, ‘Mithi lakah mi a thawknawlh rawh asi; chun Galili ram ah nan mâi leiah a kal; chunah chun amah chu nan muh lai, ti hen, simh na u. Ngâinik u, ka nan simh na rawh hi,” a ti.

MATHAI 28:9

Chun, lâkkhatko ah, Jisu nih annih chu a tawng na le, “Chibai,” a ti. Chun, annih nih chun a kezaphah tla chu an tham le, an mâimûk.

MARK 16:8

Chun, an thir le, chê an ti ruangah an suak le, thlân thawk hen chun an tek chiam le; an ṭih ruangah âu sinah khawm zeikhawm an sim lo.

JOHAN 16:20

Thungâi tak hen ka nan simh na, nannih nan mitthli a tlâ lai le, nan ṭap chiam lai le, laikulh lam chu anna lâwm lai; nannih nan ngaihsia lai le, sikhawmsele nan ngaihsiatnâk chu lâwmnâk ah â chang lai.

JOHAN 16:22

Chun, tu ah nan lawksawng le, sikhawmsele ka nan muh nawlh na lai, nan thinlung â lâwm lai le, nanna lâwmnâk chu âukhawm nih an lâk piak na lai loh.