MATHAI 28:20 - Bawm Common Language Bible Version

²⁰ Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

MATHAI 28:20 ပူးပေါင်းရင်းမြစ်များ

GENESIS 39:21

LALPA chu Josef sinah a um le, mal a sâwm; churawhchun rêngtlâk vêngtu nih a lawmh thlo.

1 Lal 1:36

Benaiah nih, “Kan ti lai, LALPA na Pathian nih birhtir seh.

1 CHRONICLES 16:36

LALPA Israel Pathian chu sawr u! Tuah leh zungzâl hen amah chu sawr u! Mi zawzawng nih, “Amen,” an ti le, LALPA chu an sawr rawh.

SAM 46:11

Pathian zeizawng tikho kan sinah a um; Jakob Pathian chu kan himnâk asi.

SAM 46:7

LALPA thil zeizawng tikho chu kan sinah a um; Jakob Pathian chu kan himnâk asi.

SAM 72:19

A min rokual chu zungzâl hen sawr u, a rokualnâk nih tual zawzawng hi khattir seh. Amen! Amen!

EXODUS 3:12

Pathian nih, “Na sinah ka um lai le, Aigupta ram ah mi ka mi tla na hawngpi na tikah chun hi tlângah hin nan ka sawnh lai. Chu chu keimah nih ka nan fial asi ti theihnâk asi lai,” ti hen a sâng.

EXODUS 8:27

LALPA nih thu hawng kan pêk mi hâwi hen ramkaro ni thum kal ah a sinah bâwlnâk kan pêk ding asi,” a ti.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

JEREMIA 26:2

“Zapi minung Juda khuapi thawk hen chunah Pathian sawnh ding hen hawng mi tla sinah, sim ding hen thu ka nan pêk mi zawzawng Biakin kulh sungah va dîr le, phuang rawh. Zeikhawm relh lah.

EZEKIEL 46:10

Lal chu zapi minung an lût tikah a lût bâk lai le, an suak tikah a suak bâk lai.

MATHAI 13:49

Laikulh dawngh tikah chun chu hâwi ber hen a um lai. Vânmifial tla chu an hawng suak lai le, mirep lakah mi misual tla chu an thlei na lai;

MATHAI 18:20

Minung panih mawh pathum mawh ka min hen anna pûmnâk zawng ah an lakah ka um tâwn,” a ti.

MATHAI 24:3

Chun, Oliv Tlângah chun a to liauah ṭhiruai tla anmah lâwng hen a sinah an hawng kal le, “Chubang chu zeitik ah me a hawng um lai? Na hawng kal nawlhnâk leh laikulh dawnghnak singsiahnâk chu zei me si lai? Hawng kan simh rawh,” an ti.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

MARK 16:20

Chun, annih chu an suak le, ram kip ah thu an sim rawh le, Lalpa nih anmah tla a ṭuanpi na le; a zûltu singsiahnâk tla hen thu chu a birhtir vima.] 9 [Nunau tla chu Peter leh a hâwi tla sinah an kal le, thâwngthang an sinah simh hen a um mi zawzawng chu a tâwikâng hen an simh na. 10 Chu nehnûnah, Jisu ngelchel nih suahlei thawk hen tlâklei ah a ṭhiruai tla chu zungzâl ruangsuahnâk thu thenhlimh leh nung chu phuang ding hen a fial na.]

THILTI 2:42

Chun, mifial tla sîntir hen, kawmhnâk hen, munkhat buhkhêng dûm hen leh thlacham hen ṭhanemngâi tak hen an um vima.

THILTI 20:27

Pathian ruat zawzawng a ektê hen nan sinah simh kâ sûm lo kha.

1 KORIN 11:2

Chun, zeizawng ah nan hawng ka theihkumza ruangah leh thurovuih ka nan simh na hâwitê hen nan kil thlir ruangah ka nan sawr na.

1 KORIN 11:23

Thu ka nan simh na singsuan mi kha Pathian sinah thawk hen ka tawng mi asi: Kha hâwi hen Lalpa Jisu nih tleihtir hen a um zân ah sang a lâk le,

1 KORIN 14:37

Âuzawng thusimtu ah mawh, thlarau mi ah mawh â ruat chun nan sinah ka thurîn hi Lalpa thupêk asi ti hawng theih seh.

DEUTERONOMY 12:32

“Thu ka nan pêk na mi zawzawng ti ule, chu lakah mi chu zeikhawm sap lah ule, lawnh ber lah u.

DEUTERONOMY 5:32

“Israel mi tla, LALPA nan Pathian nih thu an pêk na mi thil zeizawng nan ti mi chu theih u. A dân pêk pakhat khawm zûl lo hen um lah u.

KOLOSA 1:28

mikip Krist ah chun ṭha rangtling a kan dîr khonâk ding hen, mikip simhfâi hen, mikip finghnâk kip a sîntir hen a thâwngthâng kan sim tâwn mi hi,

2 TIMOTHE 4:17

Thâwngthâng Ṭha keimah ruangah simh chiau hen a um khonâk ding hen, Phundang tla zawng nih an theih khonâk ding hen, Lalpa nih chun a ka ṭanh le, a ka chaktir lehlam asi; chun chakeibaknei kâ ah mi kha suah hen ka um rawh asi.

JOSUA 1:5

Josua, nang rangah neh khotu ding na dam karah âukhawm an um lai lo. Mosi sinah ka um hâwi ber hen na sinah ka um lai, na sinah ka um kumza lai le, zeiliau khawm kan kaltâk lai lo.

2 PETER 3:2

Khuavâng thenhlimh tla thu simhkan leh nan mifial tla kâ ah leh, Lalpa leh Ruangsuahtu thupêk chu nan theihkumza ding hen ka nan duh na asi.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.

THUPHUANG 22:14

An nipuan thiang tak hen suktu leh nungnâk thing rah ei hen khuapi kawtkâ ah a lût khotu tla chu an thaw a suak.