MATHAI 28:2 - Bawm Common Language Bible Version

² Chun, lâkkhatko ah lî fâk tak hen â nîn le; Lalpa vânmifial vân thawk hen a hawng ṭum le, lung chu a ṭhial le, a tlûnah a to rawh.

MATHAI 28:2 ပူးပေါင်းရင်းမြစ်များ

MATHAI 27:60

amah thlân thar lung a ker mi lakah chun a zâutir le; thlân kawtkâ ah chun lung lianpi mi hen a khâr le, a kal rawh.

MATHAI 27:66

Chun, vêngtu kawrsen tla hen an va kal le, thlân chu an vêngtir na le, lung chu an singsiah.

JOHAN 20:1

Chun, ni sarih ni lakah ni masa chem ah, zîngtê, a mûi rih liauah, Mari Magdala mi chu thlân ah a va kal le, lung chu thlân ah mi ṭhinh hen a muh.

THILTI 16:26

Chun, lâkkhat ko ah lî fâk tak a hawng a nîn le, chun rêngin lungphûm tla chu â nîn; chun, inkhâr zawzawng â awng sawm le, mikip rêngkhimh tla chu â sût rawh.

THILTI 5:19

Sikhawmsele, zân ah Lalpa vânmifial pakhat nih inkhâr tla chu a hawng awng le, a suakpi na le,

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

1 PETER 1:12

Tuah thudik leikâng thu an sim mi nan theih hâwi hen Pathian nih chun khuavâng tla sinah a rianṭuan chu an rangah ṭhatvaknâk rang ding silo hen, nanmah ṭhatvaknâk rang ding dauh hen Pathian chu khuavâng tla sinah â langh asi. Thâwngthâng ṭha simtu mifial tla, vân thawk hen Thlarau thiltikhonâk hen fial mi nih chun hi thudik hi a nan simh na asi. Hi thudik tla hi asi, vânmifial tla khawm nih theih an duh mi chu.

THUPHUANG 11:19

Chun, vân ah Pathian biakin chu â awng le, chun, a biakin sungah Thudântuk Bâwm chu a hawng lang rawh; chun, mîmthlalek tla, aw-hâu tla, khuarît tla, lînîn tla, rial chawp tak tla thungâi a hawng um rawh.