MATHAI 28:18 - Bawm Common Language Bible Version

¹⁸ Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

MATHAI 28:18 ပူးပေါင်းရင်းမြစ်များ

SAM 89:19

A lânah hun sâwt tak langhnâk ah na to-aw zumhkâi tla sinah thu na sim le, “Kawrsen minthang tak ka ṭangpi; zapi lakah mi pakhat ka thîm mi sinah laltophah ka pêk.

SAM 89:27

Ka fapa tîr ah leh lal zawzawngah a lianchem ah ka nan siah lai.

THUFING LASUIBU 8:15

Lal tla rangah lâi ka rêlpi na hen, lâirêltu tla dân ṭha ka siampi na.

MATHAI 11:27

“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

MATHAI 26:64

Jisu nih a sinah, “Si ta a. Sikhawmsele, ka nan simh, hi nûnah Minung Fapa hi thiltikhonâk vawrhlei ah to hen, a vân sûm tlûnah a hawng kal mi nan muh awt asi,” a ti.

LUK 10:22

“Ka Pa nih thil zeizawng hawng ka kiltir rawh; Pa cho lo nih chun Fapa chu âu mesi ti âukhawm nih an theih loh! Pa khawm chu âu me asi ti, Fapa leh an sinah Fapa nih a phuang duh mi tla cho lo nih chun âukhawm nih an theih loh,” a ti.

JOHAN 13:3

Jisu nih chun Pa nih thiltikhonâk rangtling a pêk ti a theih; Pathian sinah thawk hen a hawng kal mi leh Pathian sinah a kal awt ti a theih.

JOHAN 17:2

kha hâwi hen mi zawzawng tlûnah thu nei hen na siam mi nih khan, a sinah na pêk mi vial tla sinah zungzâl nungnâk a pêk khonâk ding hen.

JOHAN 3:31

“Tlûnlei thawk hen a hawng kal mi chu mi zawzawng ngâk hen chungnung chem asi; tual ah suak mi chu tual ah mi asi le, tual thu a sim tâwn, vân thawk hen a hawng kal mi chu mi zawzawng ngâk hen chungnung chem asi.

JOHAN 3:35

Pa nih Fapa a dâwt le, a thiltikhonâk ah thil zeizawng a pêk rawh.

THILTI 10:36

Anih nih chun lungngamnâk Thâwngthâng Ṭha Jisu Krist kâ ah sim hen, Israel thlâk tla sinah thu a kuat le, (Jisu chu mi zawzawng Lalpa asi.)

THILTI 2:36

“Chun, Jisu nan khenhbêk mi ngelchel kha Pathian nih Lal leh Mesia si hen a siam rawh ti Israel phun kip nih theih chiau seh,” a ti.

ROM 14:9

Krist thihnâk leh a hawng nung nawlhnâk san chu, minung leh mithi Lalpa asi khonâk hi asi.

1 KORIN 15:27

Pathian lasui thu nih, “Pathian nih thil zeizawng a kê tangah a siah asi, ti hen a sim ruangah. “thil zeizawng” ti mi nih hin Pathian tel lo hen Krist tangah thil zeizawng siah ver ti nâk asi.

KOLOSA 2:10

Amah lakah chun nan rangtling rawh le; anih chu lalnâk leh thuneihnâk zawzawng lû asi.

HEBRAI 1:2

sikhawmsele ni dawngh lei tla ah chun a Fapa mang hen kan sinah thu a sim. Chu a Fapa chu zeizawng ah rotingtu ah a siam; chu nih chun laikulh khawm hi a siam.

HEBRAI 2:8

Na thilsiam zawzawng tlûnah hotu ah na siam,” ti hen. Chu chu Pathian nih “thil zeizawng tlûnah hotu ah a siam,” tinâk asi, hi nih hin zeizawng a uap sih ver asi. Sikhawmsele, tu ah thil zeizawng tlûnah minung nih lâi a rêl mi lam chu kan muh lo rih.

1 PETER 3:22

Jisu chu vân ah kal hen Pathian vawrhlei ah a to rawh. Vânmifial zawzawng tla leh vân ah thuneitu tla leh thiltikhonâk tla tlûnah lâi a rêl.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 19:16

Chun, a puan leh a kê ah min rîn, “lal tla Lal leh hotu tla Hotu,” ti hen a um.