MATHAI 28:17 - Bawm Common Language Bible Version

¹⁷ Chun, amah an muh rawh chun mâi an mûk; zeimaw mi nih chun an zumhmaih.

MATHAI 28:17 ပူးပေါင်းရင်းမြစ်များ

SAM 2:12

thir bû hen amah chu mâimûk u, chu lo chun a thinthawk sawm lai le, nan thi chawlh lai. Amah hum ding hen a sinah kaltu chu an lâwptlo.

SAM 45:11

Na dawhnâk nih lal thinlung a thawktir lai, amah chu na hotu asi, a thu na ngâi ding asi.

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

MATHAI 28:9

Chun, lâkkhatko ah, Jisu nih annih chu a tawng na le, “Chibai,” a ti. Chun, annih nih chun a kezaphah tla chu an tham le, an mâimûk.

MARK 16:11

Sikhawmsele, annih nih chun, a nung nawlh le, muh khawm a muh ti an theih ko na hen an lung lo.

MARK 16:13

Chun, annih nih chun ṭhiruai dang tla an va simh le, annih khawm chu an lung lêm lo.

MARK 16:14

Chun, chu nûn khawm ah chun, buh an dûm liauah leikhat tla sinah tak â langh le, a thawknawlh nûnah a muhtu tla thu chu an lung lo ruangah leh an thinlung chang leikâng thu ah a fâi na rawh.

JOHAN 5:23

mi zawzawng nih Pa an zah hâwi hen, Fapa khawm an zahnâk ding hen. Âuzawng Fapa zahlo chu, Pa a fialtu khawm zahlo asi.

THILTI 1:3

Chu mifial tla sinah chun hamhnâk chu a tuar nûnah theihtirnâk tam tak leh nung hen â zauhtir le, ni sâwmli tiang an sinah â langh le, Pathian Ram thu a sim tâwn.

1 KORIN 15:6

chu nûnah chun veikhat ah amah zûltu mi zanga ngâk a tam dauh sinah a hawng a langh nawlh.