MATHAI 27:54 - Bawm Common Language Bible Version

⁵⁴ Chun, kawrsen zâ hotu leh a sinah Jisu vêng hen um bâk mi tla nih chun lînîn leh thil umzia tla chu an muh rawh chun thungâi an ṭih le, “Hi Minung hi Pathian Fapa asi chiammâm,” an ti.

MATHAI 27:54 ပူးပေါင်းရင်းမြစ်များ

MATHAI 26:63

Jisu lam chu a dâisip. Chun, Bâwlpu Lalchem nih chun a sinah, “Pathian nung min hen ka nan fâi. Mesia, Pathian Fapa chu na si ma? Hawng kan simh,” a ti.

MATHAI 27:36

Chun, chunah chun an to le, an vêng.

MATHAI 27:40

“Nang, Pathian Biakin siat hen ni thum ah sak nawlhtu, a hum rawh; Pathian Fapa na si chun kraws thawk hen hawng ṭum ko me,” ti hen an sîrleih.

MATHAI 27:43

Pathian a lung si lo ma, amah hi a duh chun tuhin Pathian nih ruangsuah seh,! ‘Pathian Fapa kasi,’ a ti dangâi ah,” an ti.

MATHAI 27:51

Chun, Pathian Biakin puanzâr chu a tlûnlei thawk hen a tanglei tiang hen suak dak hen a tlêk rawh. Chun, lî a hawng nîn le, lungpi tla a kak le;

MATHAI 4:3

Chun, Diabol chu a hawng kal le, “Pathian Fapa na si chun hi bang lung hi sang ah chang ding hen thu pêk rawh,” a ti.

MATHAI 8:5

Chun, Kapernaum ah a lût rawh chun a sinah Rom kawrsen zâ hotu a hawng kal le,

MARK 15:39

Chun, a mâilei zâwn kraws kiangah kawrsen zâ hotu dîr mi nih chun chu hâwi Jisu thih dân a muh rawh chun, “Hi minung hi Pathian Fapa asi ta tak asi,” a ti.

LUK 22:70

Chun, an ektê hen, “Nang hi Pathian Fapa chu na si ma ne?” an ti. Chun, anih nih chun an sinah, “Si ta a,” a ti.

JOHAN 19:7

Juda tla nih chun a sinah, “Kan Dân pakhat a um, chu Dân hâwi vima hen Pathian Fapa ah â siam ruangah a thi ding asi,” an ti le, an sâng.

THILTI 10:1

Chun, Kaisari khua ah a min, Kornelia, minung pakhat a um, “Itali Kawrsen Murui,” an ti mi lakah kawrsen zâ hotu asi.

THILTI 2:37

Chun, chubang thu chu an theih hen an thinlung ah sunh hâwi hen an hawng si rawh le, Peter leh mifial dang tla sinah chun, “Unau tla zeitin me kan ti lai?” an ti.

THILTI 21:32

Chun, anih nih chun kawrsen tla leh kawrsen hotu tla a kalpi sawm na le, an sinah tek hen an va ṭum le; chun annih nih chun hotu lianchem leh kawrsen tla chu an muh kâ hen Pawl an vuak mi chu an bâng rawh.

THILTI 23:17

Chun, Pawl nih chun kawrsen zâ hotu pakhat a kawh le, “Hi tlangvâl hi hotu lianchem sinah kalpi rawh; a sinah thu zeimawh sim ding a nei asi lai,” a ti.

THILTI 23:23

Chun, kawrsen zâ hotu panih a kawh le, “Zân dâr kua ah Kaisari khua tiang kal ding hen kawrsen zanih hen, rang tlûnah chuan murui sâwmsarih hen, fei put mi zanih hen a tîm u,” a ti.

THILTI 27:1

Chun, Itali leiah lawng ah kal ding hen thu an thlûk kâ hen, Pawl leh rêngtlâ dang âumawh chu Rom kawrsen zâ hotu, Lalchem an ti mi lak mi Julius sinah an ap.

THILTI 27:43

Sikhawmsele, kawrsen zâ hotu nih Pawl rangah hum ding a duh le, an thiltum chu a khap na; tiliau thiam vial tisumsumriat ah khâwk hen tlâng lei kâi masa ding leh midang chu a zeimaw mi thing phel tlûn tla ah,

ROM 1:4

thenhlimhnâk thlarau lei thu ah chun mithi lakah thawk hen a thawknawlhnâk nih chun, Pathian Fapa a sizia fâk tak hen a theihtir.

THUPHUANG 11:13

Chun, chu liau tak chun, lî thungâi thlâk â nîn le, khua chu munrâ ṭhen hen mun khat a chim rawh, lînîn lak chun mi sâng sarih an thi le, an thibang tla chu thungâi an lâu le, Pathian vân ah a um mi chu an chawnglawmh rawh.