MATHAI 27:52 - Bawm Common Language Bible Version

⁵² thlân tla â awng le, mi thenhlimh it rawh mi tla taksa tam tak khawm thawk hen an um rawh.

MATHAI 27:52 ပူးပေါင်းရင်းမြစ်များ

2 Lal 13:21

Veikhat chu ruak an vûi liau chirah rûntu tla lakah mi murui khat an muh le, ruak chu Elisa thlân lakah an lawnh thlap le, an tek hep. Chu ruak nih Elisa ruh chu a va tawngh kâ hen a hawng nung nawlh le, a dîr dan.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ISAI 26:19

Kan minung thi rawh mi tla chu an hawng nung nawlh lai! An taksa nungnâk nei hen an hawng kîr nawlh lai. An thlân ah it rawh mi zawzawng tla chu an hawng a ṭhang lai le, lâwm hen la an sak lai. Dâmtî nih tual a thartir mi hâwi hen sâwt tak a thi rawh mi tla chu LALPA nih a nungtir nawlh lai.

DANIAL 12:2

Chu lakah mi tam tak thi rawh mi tla an hawng nung nawlh lai: a zeimaw mi chu zungzâl nungnâk ah anna lâwm lai le, a zeimaw mi chu zungzâl ningzaknâk an tuar lai.

HOSEA 13:14

Hi minung tla hi laikulh thihnâk lakah mi leh thihnâk thiltikhonâk lakah mi ka hum na awtlo. Laikulh thihnâk, siat leh râwknâk hi bang minung tla tlûnah hin hawng tlungtir khawm le, pawi ka ti awtlo.

JOHAN 11:11

Chubang thu chu a sim le; chun, chu nûnah chun an sinah, “Kan hâwi Lazar chu a it rawh; a it mi va ṭhangh ding hen ka kal awt asi,” a ti.

THILTI 7:60

Chun, a siksidîr le, hâu fâk tak hen a âu le, “Lalpa, an thilsual ti hi an tlûnah mawh phurhtir lah na,” a ti. Chun, chu thu chu a sim thluh kâ hen a thi rawh.

1 KORIN 11:30

Churuangah, nan lakah mi tam tak chak lo hen nan ngawr asi, nêptuai nan thi lo.

1 KORIN 15:20

Sikhawmsele, Krist chu mithi lakah mi thawh hen a um tatak asi, hi hi asi a birhnâk chu mithi zâu rawh mi tla khawm an thawknawlh awt asi.

1 KORIN 15:51

Ngâinik u, thuthup dik tak ka nan simh na awt hi: Kan ektê hen kan thi lêm lai lo le, sikhawmsele kan ektê hen dârlâwi madung chem a âwn tikah chun sâwtlotê ah,

1 THESALONIKA 4:14

Jisu a thi le, a thawknawlh rawh ti kan lung ṭung chun Jisu lakah thi mi tla chu Pathian nih amah rual hen a hawngpi na bâk lai.

1 THESALONIKA 5:10

kan nung khawm ah kan thih khawm ah amah hen munkhat a kan nung khonâk ding hen anih chu kan thih rûlah a thi asi.