MATHAI 27:51 - Bawm Common Language Bible Version

⁵¹ Chun, Pathian Biakin puanzâr chu a tlûnlei thawk hen a tanglei tiang hen suak dak hen a tlêk rawh. Chun, lî a hawng nîn le, lungpi tla a kak le;

MATHAI 27:51 ပူးပေါင်းရင်းမြစ်များ

2 CHRONICLES 3:14

Mun Thenhlimh Chem kardangnâk puanzâr chu puan mangṭhia leh thil a ruakhâu dang hen siam asi. Chu chu a dumpâwl, senduk, a sen mi hen suang mi asi, chunah thilsiam thla lem an chuangtir.

SAM 18:15

Tisumsumriat taw chu lâwng tlo hen a siah le, tual ram chu a lang têt LALPA na mêlma tla chu na simhfâi chun na thin hen râp na.

SAM 18:7

Pathian a thinrun ruangah tual chu a thir le, â nîn; tlâng tla chu â vâm le, â ṭhen.

EXODUS 40:21

Churawhchun, bâwm chu Puanin ah a siah le, a kar dangnâk puan a zâr. Chu hâwi hen LALPA nih thu a pêk mi hâwi hen Thudântuk Bâwm chu a kilkâwi.

ISAI 25:7

Hinah hin phun zawzawng tlûnah ngaihsiatnâk sûmpi a um mi chu zeikarlo ah a kiangtir ving awt.

LEVITICUS 16:2

“Na unaupa Aron chu tuhin Mun Thenhlimh Chem ah puanzâr pîn leiah a kal ding hen a tik tak ah a kal ding asi ti simh, Thudântuk Bâwm sinh tlûnah sûm lakah ka langh ruangah. A ngâilo chun thah asi lai.

LEVITICUS 21:23

Sikhawmsele, an taksa leiah sâwinâk nei an si ruangah puanzâr thenhlimh kiang leh ka mâichâm kiangah an hawng kal ding asi lo. Hi thil thenhlimh tla hi a nâwmtir ding asi lo, Kei, LALPA nih ka thenhlimh tir na mi asi ruangah,” a ti.

HABAKUK 3:10

Tlâng tla nih an muh chun an thir; Vân lei thawk hen tî a hawng tlê. Tual tangah mi tî tla chu an rûm le, tî tlingtlawk tla chu an hawng lian le, an sâng.

HABAKUK 3:13

Na mi le tla ruangsuah na ding leh na lal thîm ruangsuah ding hen na suak rawh. Misual tla ruitu chu na thlûk le, a hâwi zûltu tla khawm na veih hep na.

NUMBER 4:5

LALPA nih Mosi sinah hi bang hâwi sîntirnâk tla hi a pêk. Um mun ṭhial tikah Aron leh a fapa tla chu Puanin sungah an va lût lai le, Thudântuk Bâwm mâika mi puanzâr chu an lâwm lai le, chu hen chun Bâwm chu an khuh lai.

MATHAI 27:54

Chun, kawrsen zâ hotu leh a sinah Jisu vêng hen um bâk mi tla nih chun lînîn leh thil umzia tla chu an muh rawh chun thungâi an ṭih le, “Hi Minung hi Pathian Fapa asi chiammâm,” an ti.

MATHAI 28:2

Chun, lâkkhatko ah lî fâk tak hen â nîn le; Lalpa vânmifial vân thawk hen a hawng ṭum le, lung chu a ṭhial le, a tlûnah a to rawh.

MARK 15:38

Chun, Pathian Biakin puanzâr chu a tlûnlei thawk hen a tanglei tiang hen suak dak hen â thlêk rawh.

LUK 23:45

nî chêu a reh rawh le, chun, Pathian Biakin puanzâr chu a lâi ah â thlêk rawh.

LUK 23:47

Chun, kawrsen zâ hotu nih chun thil umzia chu a muh rawh chun, “Hi minung hi zei ti khawm hen mirep asi ngelchel lai,” ti hen, Pathian a sawr rawh.

HEBRAI 6:19

Kan thinlung tla rangah thir cha-âi hâwi hen hi lungumnâk hi kan nei, chu chu himnâk leh diknâk asi, chun vân Pathian Biakin puanzar pîn leiah mun thenhlimh sung khet ah a lût.

HEBRAI 9:3

Chun puanzâr panihnâk pîn leiah chun sawnhnâk puanin Mun Thenhlimh Chem an ti mi chu a um.

THUPHUANG 11:13

Chun, chu liau tak chun, lî thungâi thlâk â nîn le, khua chu munrâ ṭhen hen mun khat a chim rawh, lînîn lak chun mi sâng sarih an thi le, an thibang tla chu thungâi an lâu le, Pathian vân ah a um mi chu an chawnglawmh rawh.

THUPHUANG 11:19

Chun, vân ah Pathian biakin chu â awng le, chun, a biakin sungah Thudântuk Bâwm chu a hawng lang rawh; chun, mîmthlalek tla, aw-hâu tla, khuarît tla, lînîn tla, rial chawp tak tla thungâi a hawng um rawh.