MATHAI 27:46 - Bawm Common Language Bible Version

⁴⁶ Chun, dâr thumnâk ding ah chun Jisu chu hâu fâk tak hen, “Eli, Eli, lema sabakthani?” ti hen a âu le, chu chu ‘Ka Pathian, ka Pathian, zei rangah na ka kaltâk?’ tinâk asi.

MATHAI 27:46 ပူးပေါင်းရင်းမြစ်များ

SAM 22:1

Ka Pathian, ka Pathian, zei rangah na ka kaltâk? Lungdawng rê hen ṭangpi deih hen ka âu le, sikhawmsele a hawng rerêng lo!

SAM 71:11

“Pathian nih a kaltâk rawh; a dunglei ah kan ṭhâwl lai le, kan tleih lai, amah sanhtu ding âukhawm an um lo,” an ti.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

LUNGFÂKNÂK 1:12

Amah paltu sin kip ah, “Hawng ka zauhnik u!” ti hen a ṭap. Ka nganfâk LALPA nih a thinthawk liauah ka tlûnah A tlungtir mi hâwi hi âukhawm nih an tuar dahlo.

MATHAI 27:47

Chun, a kiangah zeimaw mi dîr tla nih chu chu an theih le, “Hi minung nih hin Elija a kawh asi,” an ti.

MARK 15:34

Chun, sûnnilei dâr thumnâk ah chun aw-hâu fâk tak hen, “Eloi, Eloi, lema sabakthani?” ti hen, a âu le, chu chu, “Ka Pathian, ka Pathian, zei rangah na ka kaltâk?” tinâk asi.

LUK 23:46

Chun, Jisu chu hâu fâk tak hen a âu le, “Pa, na kut ah ka thlarau ka nan kiltir,” a ti. Chun, chu chu a ti thluh rawh chun a nukrî a chat rawh.

HEBRAI 5:7

Jisu chu tual ah a um liau tla ah khan thihnâk lakah amah sansuah khotu Pathian sinah fâk tak hen âu leh mitthli tlâ rê bû hen thlachamnâk leh ngiarnâk tla a ap le, nâu tak hen â pêknâk ruangah Pathian nih a ngâi piak.