MATHAI 27:4 - Bawm Common Language Bible Version

⁴ “Sual nei lo ka tleihtir mi kha thil ka ti sual asi,” a ti. Annih nih chun, “Chu chu kan rangah zei a pawi lai? Nangmah duhzia zawng hen ti,” an ti piak.

MATHAI 27:4 ပူးပေါင်းရင်းမြစ်များ

1 Lal 21:27

Elija nih thu a sim thluh rawh chun Ahab nih a puan a thlêk le, a lawnh ving le, salâpuan â aih; buh khawm ei lo hen salâpuan aih hen a it le, lawksawng leh zûr hen â sawk mang.

2 Lal 24:4

Lalchem Manaseh nih thilsual tam tak a ti ruangah leh a bîk hen thilsual tilotu tla a thah na ruangah LALPA nih a ngaihdam kho lo le, Juda tla chu a mitkâ thawk hen veih dep ding hen hi hi LALPA thupêk a hawng tlung mi asi.

JOB LASUIBU 13:4

Âwkrâwl hen theihlo ko na hen theih na rêl. Âukhawm damh kho lo mi daktawr hâwi nan si.

SAM 94:21

Mi ṭha phiartu leh sual nei lo thahtu hen khawm na rem lo.

EXODUS 12:31

Chu zân chun lalchem nih Mosi leh Aron chu a kawhtir na le, “Nan ka deih mi hâwi hen nannih leh Israel fa tla ka ram thawk hen suak ule, LALPA chu va sawnh u.

EXODUS 9:27

Lalchem, nih Mosi leh Aron a kawhtir na le, an sinah, “Tutan lam chu ka sual ngâk; LALPA chu a dik asi, ka minung leh kei kan diklo.

THUFING LASUIBU 12:8

Theihthiamnâk nei mi na si chun, sawr na lawh lai le; mi mâwl na si chun, mi nih a nan zauhnawmh lai.

JEREMIA 26:15

Sikhawmsele hi hi theih u: hi simhkannâk hi an pêk na ding hen LALPA nih hawng ka fial mi asi ruangah nan ka thah mi asi chun, nannih leh hi khuapi ah um mi tla chu sual nei lo mi thahtu misual nan si lai,” a ti.

JONA 1:14

Churawhchun, LALPA an auh le, “LALPA, hi minung thih ruang hin hawng kan rêp lah. LALPA, hi bang zawzawng hi a titu nangmah na si ruangah mawhphurh rawh,” an ti.

MATHAI 27:19

Chun, lâirêlnâk tophah ah chun a to liauah, a nupi nih, “Kha mirep tak tlûnah khan zeikhawm ti lah; tusûn hin amah ruangah mang leiah thil tam tak ka tuar asi,” ti hen, a chah.

MATHAI 27:54

Chun, kawrsen zâ hotu leh a sinah Jisu vêng hen um bâk mi tla nih chun lînîn leh thil umzia tla chu an muh rawh chun thungâi an ṭih le, “Hi Minung hi Pathian Fapa asi chiammâm,” an ti.

LUK 23:22

Chun, anih nih chun a veithumnâk ah an sinah, “Zei rangah me? Hi minung nih hin zei thil me a sual? Thihnâk khawp rê hen a lakah zeikhawm ka muh lo; chuvachun, ka vuak lai le, ka suah awt ko asi,” a ti.

LUK 23:41

Kannih lam chu rêp ding rêng kan si; kan thilti diklo man kan tawng asi hi; hi minung nih hin zeikhawm a sual lo,” a ti.

LUK 23:47

Chun, kawrsen zâ hotu nih chun thil umzia chu a muh rawh chun, “Hi minung hi zei ti khawm hen mirep asi ngelchel lai,” ti hen, Pathian a sawr rawh.

JOHAN 19:7

Juda tla nih chun a sinah, “Kan Dân pakhat a um, chu Dân hâwi vima hen Pathian Fapa ah â siam ruangah a thi ding asi,” an ti le, an sâng.

THILTI 13:28

A thihnâk khawp rê hen a tlûnah zeikhawm an muh lo khawm ah Pilat sinah thah ding hen an ngiar.

ROM 3:19

Dân nih zeizawng a sim mi vial chu Dân thu thu hen um mi tla sinah a sim asi ti kan theih; kâ kip a chîp khonâk ding hen leh laikulh ah mi zawzawng Pathian lâirêl hen an um khonâk ding hen.

1 TIMOTHE 4:2

Chubang mi âwkrâwl tla chu anmah sia leh ṭha theihnâk ngelchel hen thîr lîn hen belh mi hâwi an si le,

TITA 1:16

“Pathian kan theih” ti hen, anna ṭang tâwn le, sikhawmsele fihnungkâi tla, ê-aw ngâilo tla, thil ṭha kip ti leikângah Pathian duh lo mi zât an si, an thilti hen an phehtâk tâwn.

HEBRAI 7:26

Churuangah, Jisu kan pawiherh tla pêktu Bâwlpu Lalchem asi. Anih chu a thenhlimh asi amah lakah sualnâk leh mawhnâk a nei lo, misual tla lakah thawk hen â thlei le, vân tlûnlei ah lâk hen a um.

1 PETER 1:19

Dawrâ Fa simsâwinâk um lo leh nâwm kawplo mi Krist thisen sung hen tlanh nan si ti nan theih ruangah.

1 JOHAN 3:12

Kain misual lakah mi mah unau thahtu hâwi khan kan um ding asi lo le, zeiruang me Kain nih anih chu a thah? Amah thilti a diklo le, a unau Abel thilti chu a dik ruangah.

THUPHUANG 11:10

Hi mi panih an thi ruangah, tual ah mi zapi tla chu anna lâwm lai le, lâwmnâk an siam lai le, thilpêk tla anna kuat lai, hi khuavâng panih tla nih tual ah mi zapi tla chu an hamhtir na ruangah.

1 SAMUEL 15:24

Saul nih chun, “Asi ngâk, ka sual asi, LALPA thupêk leh na thusim ka ngâilo ngâk. Ka mi tla nih an duh duh hen thil an ti mi thungâi hen a pawi.

1 SAMUEL 15:30

Saul nih a sâng le, “Ka sual ngâk asi, sikhawmsele, Israel mi le ruitu zawzawng mâika ah na khuaruatnâk tâwmtal hawng ka muhtir. Ka sinah hawng kîr nawlh le, LALPA na Pathian chu ka sawnh nawlh khonâk ding hen,” a ti.

1 SAMUEL 19:5

Goliath lakah khawm thi ding â siang siar le, LALPA nih Israel rangah rokual tak hen a neh piak. Nang khawm nih na muh le, na lâwm. Chu hâwi mi lakah tuah thilsual tilo mi David chu a san zeikhawm um lo hen a lakah thil diklo ti ding na duh êu?” a ti.