MATHAI 27:35 - Bawm Common Language Bible Version

³⁵ Sikhawmsele, a tem le, a din duh lo. Chun, kraws ah an khenh thluh rawh chun chamchawh hen a nipuan tla anna ṭhen.

MATHAI 27:35 ပူးပေါင်းရင်းမြစ်များ

SAM 22:16

Misual murui nih ui râng tla hâwi hen an ka kulh le, an ka naih; ka kut leh kê an sâm ver.

SAM 22:18

Ka nipuan tla chamchawh hen anna ṭhen.

LUK 23:34

Chun, Jisu nih, “Pa, annih hi ngaihdam na rawh; an thilti hi an theih lo asi,” a ti. Chun, chamchawh hen a nipuan tla chu anna ṭhen rawh.

JOHAN 20:20

Chun, chu chu a sim thluh rawh chun a kut leh a nâk an sinah a zauhtir. Chun, Lalpa chu an muh rawh chun ṭhiruai tla chu anna lâwm rawh.

JOHAN 20:25

Chuvachun, ṭhiruai dang tla nih chun, a sinah, “Lalpa chu kan muh rawh,” an ti. Sikhawmsele, Thom nih chun an sinah, “A kut ah thîr khenhnâk masî tla ka muh hen leh thîr khenhnâk masî tla ka kutdawng ka purh hen, a nâk ah ka kut hen ka tham lo chun ka lung rîlmâl lai loh,” a ti.

JOHAN 20:27

Chun, Thom sinah chun, “Na kutdawng hen hawng tham le, ka kut tla hi zauh rawh; na kut hawng banh le, ka nâk tham rawh; lunglo hen um lah le, lung rawh!” a ti.

THILTI 2:23

Kha minung kha Pathian ruat chia leh theihkan hâwi hen an tleihtir le, nannih nih misual kut ah kraws ah nan khenh le, nan thah rawh.

THILTI 4:10

nannih zawzawng nih theih u rawh, chun, Israel mi zawzawng khawm nih theih na seh, Nazaret Jisu Krist, kraws ah nan khenhbêk mi Pathian nih mithi lakah thawk hen thawh nawlh mi kha, amah min ngelchel hen hi minung hi hinah nan mâika ah dam hen a hawng dîr rawh asi hi.