MATHAI 27:32 - Bawm Common Language Bible Version

³² Chun, an suak liauah, Kurini mi, a min Simon an muh le; chu minung chu a kraws put ding hen an tleih.

MATHAI 27:32 ပူးပေါင်းရင်းမြစ်များ

1 Lal 21:10

Mirualo nupa Pathian leh lal siatbarhtu ti hen mawhtir ding hen. Khuapi lênglei ah suah ule, lung hen thi thlo hen seh u," ti hen a rîn.

1 Lal 21:13

Chu mirualo panih chu zatlâng theih hen Pathian leh lal simsâwitu asi ti hen an phiar. Churuangah khuapi lênglei ah an suah le, lung hen thi thlo hen an seh.

LEVITICUS 4:12

chu an riaknâk mun lênglei mun thenhlimh ah a lâk lai le, vachâm lawnhnâk mun ah thing châr pawng lakah a duah lai.

LEVITICUS 4:21

Mah rangah sual bâwlnâk ah chawchal ap mi hâwi hen chawchal chu an riaknâk mun lenglei ah an duah ding asi. Chu chu zapi sual thiangnâk ding ah thil ap chu asi.

LEVITICUS 4:3

Bâwlpu Lalchem sualnâk ruangah zapi tla tlûnah mawhnâk a tlung chun, chawchal sâwinâk umlo mi sual bâwlnâk ding ah LALPA sinah a pêk ding asi.

MATHAI 16:24

Chun, Jisu nih a ṭhiruai tla sinah, “Âuzawng hawng ka zûl a duh mi nih chun mah hamhnâk siarlo hen, a kraws put hen hawng ka zûl seh.

MATHAI 5:41

Chun, mêl khat kal ding hen an êngtu zawng sinah chun mêl nih kal rawh.

MARK 15:21

Chun, mi velvâ pakhat, ram lei thawk hen khuapi lei a hawng mi, kawrsen tla nih chun Jisu kraws put ding hen an nawrh. (Simon hi Kurini ah mi Alekzandar leh Rufa pa asi.)

LUK 23:26

Chun, an kalpi liauah chun Simon, Kurini khua mi, ram lei thawk hen a hawng mi an tleih le Jisu dunglei ah put ding hen a tlûnah kraws chu an thâng.

JOHAN 19:17

Chun, anih chu mah rangah kraws put hen, “Luruh mun,” an ti mi, Hebrai hawlh hen Golgotha an ti mi chu, chu mun tiang chun a va suak.

THILTI 11:20

Sikhawmsele, an lakah zeimaw mi chu Kupra tikulh leh Kurini khua mi tla an si le, chu minung tla nih chun Antiokei khua chu an tlung hen Greek tla sin khawm ah thu an sim le, Lalpa Jisu Thâwngthâng Ṭha chu an sim vima rawh.

THILTI 13:1

Chun, Antiokei khua mi kawhmi tla lakah chun khuavâng tla leh sîntirtu tla an um: Barnaba, Simeon, (Niger an ti mi), Kurini khua mi Lukia lal Herod unau ding, Manain leh Sawl tla an si.

THILTI 2:10

Phrugia leh Pamphulia ram ah um mi tla, Aigupta leh Kurini khua kiangkam Libia ram ah um mi tla, zeimaw mi Rom khua Khual Judai leh phun lût tla hen kan si le;

THILTI 6:9

Sikhawmsele, sal suak mi tla pumhnâk an ti mi lakah mi zeimaw mi leh Kurini khua mi tla, Alekzandria khua mi tla lakah mi zeimaw mi tla leh Kilikia ram mi tla, Asia ram mi tla pumhnâk lakah mi zeimaw mi tla chu an hawng thawk le, Stephen chu an hawng êl.

THILTI 7:58

khua thawk hen an nar le, lung hen an seh. A theihtu tla nih chun tlangvâl pakhat a min Sawl kê bul ah chun an puan tla an siah.