MATHAI 27:30 - Bawm Common Language Bible Version

³⁰ Chun, amah chu chil an sah le, lâiluang chu an suh le, a lû ah an vuak.

MATHAI 27:30 ပူးပေါင်းရင်းမြစ်များ

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

ISAI 50:6

An hawng ka vuaktu tla lakah ka kêng ka dawnh. An ka zauhnawmh liauah ka khap na lo le ka khamul an phâwi hen ka mêl ah chil an ka sah liau khawm ka khap na lo.

ISAI 52:14

Mi tam tak nih amah an muh tikah an lâu khit lai; râwk asi tuktarâi le, zauhnâk ah minung a bangh lo re.

ISAI 53:3

Kan zauhnawmh le, amah chu kan nawng; nganfâk leh tuarnâk leikângah â dawnh kho. Zeikhawm asi lo mi hâwi hen âukhawm nih an zauh duh lo le, kan âwva lo.

ISAI 53:7

“Fâk tak a nehsawh hen a um le, sikhawmsele nâu tak hen â dawnh le; tâwm khawm hâu a suah lo. Thah ding mi dawrâ fa hâwi hen leh a mul mêt ding mi dawrâ hâwi hen tâwm khawm a hâu a suah lo.

MIKAH 5:1

Jerusalem mi tla, na kawrsen rual pumh na! Hual hen kan um rawh, Israel ruitu an do na rawh!

MATHAI 26:67

Chun, a mêl ah chil an sah le, an vuak le; zeimaw mi nih chun,

MARK 10:34

Chun, annih nih chun a tlûnah thi ding hen thu an thlûk lai le, Phundang tla sinah an pêk lai; chun annih nih chun nihsuak siamnâk ah an mang lai le, chil an sah lai le, an vuak lai le, an thah lai; chun, ni thumnâk ah a thawknawlh lai,” ti hen, a tlûnah thil hawng tlung ding mi tla chu an sinah a sim rawh.

MARK 14:65

Chun, a zeimaw mi nih chun chil an sah mâimî le, a mêl an tuam le, an sut le, a sinah, “Âunih an vuak, sim rawh,” an ti. Chun, vêngtu tla nih chun an tleih dîr le, thungâi thlâk hen an bengh.

MARK 15:19

Chun, a lû ah chun lâiluang hen an vuak le, chil an sah le, siksidîr hen chibai an bûk.