MATHAI 26:75 - Bawm Common Language Bible Version

⁷⁵ Chun, Peter nih chun, Jisu nih, “Âr a khuang lânah nangnih veithum na ka pheh lai,” a ti mi thu kha a hawng theih nawlh rawh. Chun, a suak le, ngaihsia tak hen a ṭap rawh.

MATHAI 26:75 ပူးပေါင်းရင်းမြစ်များ

MATHAI 10:33

Sikhawmsele, âuzawng mi le tla mâika ah an hawng ka phehtu zawng ka Pa vân ah mi mâika ah ka pheh bâk lai.

MATHAI 26:34

Jisu nih a sinah, “Thungâi tak hen ka nan simh, tuzân ah âr khuang lânah veithum na ka pheh lai,” a ti.

MATHAI 26:74

Chun, anih nih chun, “Chu minung chu ka theih loh,” ti hen hawlh siat â barh le, siat â sirh rawh. Chun, âr a khuang sawm.

JOHAN 13:38

Jisu nih, “Keimah ruangah na nungnâk na pêk awt mu? Thungâi tak hen ka nan simh, nangnih veithum na ka pheh lânlo chu âr a khuang lai loh,” a ti le, a sâng.

1 KORIN 4:7

Nang âunih me a nan ti bîk? Na ting lo mi chu zei me na nei? Na ting asi chun zei rangah ting lo hâwi hen na sawr phah?

GALATIA 6:1

Unau tla, mi nih sual zeital a ti liauah tanh sut hen um sele, nannih Thlarau mi le tla, “Lêmnâk ka tawng sual bâk lai,” ti a vêng bû hen chu hâwi mi chu dawnhkho tak hen dirh nawlh u.

1 PETER 1:5

Ruangsuahnâk tik dawnghlei ah hawng lang ding mi timhtuah chia chu tawng ding hen lungnâk ruangah Pathian thiltikhonâk hen vêng mi chu nan si.