MATHAI 26:70 - Bawm Common Language Bible Version

⁷⁰ Sikhawmsele, anih nih chun, “Na thusim chu ka theih lo thlo,” ti hen an ektê mâika ah a pheh.

MATHAI 26:70 ပူးပေါင်းရင်းမြစ်များ

THUFING LASUIBU 28:26

Mah ngaihdân hen umtu chu âtkâi tak asi. Mah ngâk hen fing mi sîntirnâk zûl le, na him lai.

THUFING LASUIBU 29:23

Zauhnawmh mang chu mah niamtirtu asi. Sikhawmsele, na nâutir chun, mi zah hen na um lai.

THUFING LASUIBU 29:25

Mi nih an ruat mi hâwi hen thinlung put chu ṭihnung a kai le, sikhawmsele LALPA lakah ngauhtu na si chun na him lai.

ISAI 57:11

LALPA nih, “Ka sinah âwkrâwl thusim hen hawng ka philh hep ding hen an ṭhih natu tla hi zei pathian me an si? Sâwt tak ka dâisip ruangah keimah nan ka zah ding mi chu nan bâng mu?

JEREMIA 17:9

“Âunih minung thinlung theih kho? Chu tluk hen perpet mang thil dang zeikhawm a um lo; damh ding hen a zual tuk rawh.

MATHAI 26:51

Chun, Jisu murui lakah mi pakhat nih chun a kut hen a banh le, nâmsâu a phâwi le, Bâwlpu Lalchem sal chu a lengh le, a nakhaw tla phak hen a themh.

MATHAI 26:56

Sikhawmsele, khuavâng lasui rîn tla chu a tlung khonâk ding hen hi bang zawzawng hi a hawng um rawh asi hi,” a ti. Chu liau chun ṭhiruai tla zawzawng nih chun amah chu an thlahthlamh le, an tek ver.

MATHAI 26:58

Sikhawmsele, Peter nih lât tak thawk hen amah chu a zûl le, Bâwlpu Lalchem in kulh sung tualmâi tiang hen; chun, a va lût le, a dawnghnâk muh ding hen vêngtu tla lakah a va to bâk.

MATHAI 26:69

Chun, Peter chu lêng ah inkulh sung tualmâi ah a to le; chun nungâk pakhat a sinah a hawng kal le, “Nang khawm Jisu sinah Galili ram ah um mi kha na si hi,” a ti.

MATHAI 26:71

Chun in kulh kawtkâ ah a va suak kâ hen nungâk dang nih anih chu a muh le, chunah mi tla sinah chun, “Hi khawm hi Nazaret mi Jisu sinah um mi kha asi hi,” a ti.

LUK 22:57

Peter lam nih chun, “Nunau, anih chu ka theih lo!” ti hen a pheh.

ROM 11:20

Hi hi a dik asi: An lunglonâk ruangah khiak hen an um le; nang na lungnâk ruangah na dîr asi.

1 KORIN 10:12

Churuangah, dîr hen a râlring mi chu a thiamthih seh, chu lo chun a tlû lebang lai.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.