MATHAI 26:61 - Bawm Common Language Bible Version

⁶¹ A nehnûn ah lam chun minung panih an hawng kal le, “Hi minung nih hin ‘Pathian Biakin siat hen ni thum sung ah ka sak nawlh kho lai,’ a ti,” an ti.

MATHAI 26:61 ပူးပေါင်းရင်းမြစ်များ

GENESIS 19:9

Sikhawmsele, annih nih, “Lampi hawng kan kham lah, nang ramdang um mi nih! Nang lebang zei minung me na si, na kan simh rih? A kiang ving, nangmah lehlam anmah ngâk hen na tuar salam lai,” an ti. Lot chu an tûl le, inkhâr râwk ding hen an fûk.

1 Lal 22:27

Chun, rêngin ah thlâk sele, him tak hen ka hawng kîr nawlh lânlo chu tî leh râwl khawp ual lo hen pêk na seh,” a ti.

2 Lal 9:11

Jehu chu a hâwi tla sinah a kîr le, annih nih chun a sinah, “Thil zeizawng a tluang ma? Kha mi â pa nih zei rangah an duh?” an ti. Jehu nih a sâng le, “A duh mi chu nan theih ko kha ta a,” a ti.

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

ISAI 53:3

Kan zauhnawmh le, amah chu kan nawng; nganfâk leh tuarnâk leikângah â dawnh kho. Zeikhawm asi lo mi hâwi hen âukhawm nih an zauh duh lo le, kan âwva lo.

MATHAI 12:24

Sikhawmsele, Farisai tla nih chun chu chu an theih kâ hen, “Hi minung nih hin khuri lal Belzebul thiltikhonâk ruangah lo chun khuri tla a nar lai lo,” an ti.

MATHAI 26:62

Chun, Bâwlpu Lalchem chu a dîr le, a sinah, “Zeitin khawm na sâng lo mu? Hi bang tla nih an phiarnâk hi zei ti zia mesi?” a ti.

MATHAI 26:71

Chun in kulh kawtkâ ah a va suak kâ hen nungâk dang nih anih chu a muh le, chunah mi tla sinah chun, “Hi khawm hi Nazaret mi Jisu sinah um mi kha asi hi,” a ti.

MATHAI 27:40

“Nang, Pathian Biakin siat hen ni thum ah sak nawlhtu, a hum rawh; Pathian Fapa na si chun kraws thawk hen hawng ṭum ko me,” ti hen an sîrleih.

MATHAI 27:5

Chun, anih nih chun tangka shekel chu mun thenhlimh sungah a lawnh le, a kal ving le, thi thlo hen â âwk rawh.

MARK 14:58

“Hi minung nih hin, ‘Hi Pathian Biakin hi ka siat lai le, ni thum karah biakin dang, kut hen sak lo mi, ka sak lai,’ a ti, ti kan theih,” an ti.

MARK 15:29

Chun, mi anna vel mi kip nih an lû lei bû hen, “I hi! Nang Pathian Biakin siat hen ni thum ah sak nawlhtu, a damh le,

LUK 23:2

Chun, “Hi minung nih hin kan phun tla a râwk le, Kaisar sinah siah châwi a khap le, Mesia, Lalchem â ti mi kan theih,” ti hen an phûm rawh.

JOHAN 9:29

Pathian nih Mosi a sawnh ti kan theih, hi minung lam hi chu zei thawk hen hawng suak me asi ti kan theih loh,” an ti.

THILTI 17:18

Chun, Epikuria mi leh Stoik mi lakah mi fing âumawh khawm nih anih chu an hawng êlpi. A zeimaw mi nih, “Hi mi katam nih hin zei me sim a tum?” an ti. A zeimaw mi nih Jisu thu leh thawknawlhnâk thu a sim ruangah, “Ramdang pathian tla thusimtu asi bei a!” an ti.

THILTI 18:13

“Hi minung hi dân lo hâwi hen Pathian sawnh ding hen mi a lêm tâwn asi,” an ti.

THILTI 22:22

Chun, chu tiang chu a ngâi le, chun hâu fâk tak hen, “Hi bang hâwi mi hi laikulh thawk hen tlâutir u; nung tlâk asi lo,” an ti rawh.