MATHAI 26:58 - Bawm Common Language Bible Version

⁵⁸ Sikhawmsele, Peter nih lât tak thawk hen amah chu a zûl le, Bâwlpu Lalchem in kulh sung tualmâi tiang hen; chun, a va lût le, a dawnghnâk muh ding hen vêngtu tla lakah a va to bâk.

MATHAI 26:58 ပူးပေါင်းရင်းမြစ်များ

MATHAI 26:3

Chu liau chun Bâwlpu Lalchem Kaiapha an ti mi inkulh sung tualmâi ah chun bâwlpu lal tla leh zatlâng upa tla chu anna pûm;

MATHAI 5:25

“Na leido chu lampi ah munkhat hen nan kal liauah remh sawm rawh, chu lo chun na leido nih chun lâirêltu an tleihtir lai le, lâirêltu nih chun kawrsen sinah a nan pêk lai le, rêngin ah a nan khumh sual lai.

LUK 22:54

Chun, an tleih le, an ruai le, bâwlpu lalchem in ah chun an kalpi rawh. Chun, Peter nih râllâtpi hen a zûl.

JOHAN 18:25

Chun, Simon Peter nih dîr bû hen mei â aih. Chun, “Nang khawm a ṭhiruai lakah tel bâk na si mu?” an ti. Peter lam nih chun, “Ka si lo,” ti hen â pheh.

JOHAN 19:6

Chun, bâwlpu lal tla leh vêngtu tla nih chun amah an muh kâ hen an âu le, “Kraws ah khenhbêk rawh! Kraws ah khenhbêk rawh!” an ti. Pilat nih an sinah, “Nanmah nih kalpi ule, kraws ah khenhbêk u; kei lam nih chun zeikhawm a sualnâk ka muh lo,” a ti.

JOHAN 7:32

Chun, Farisai tla nih a tlûnah mi zapi tla nih a thup hen anna chaihnâk thu tla chu an theih le; chun, bâwlpu lal tla leh Farisai tla nih tleih ding hen tleihtu tla an fial rawh.

JOHAN 7:45

Chun, vêngtu tla chu bâwlpu tla leh Farisai tla sinah an hawng chun, annih nih chun an sinah “Zei rangah nan hawngpi lo?” an ti.

THILTI 5:22

Sikhawmsele, vêngtu tla chu an va kal le, rêngin ah chun annih chu an muh na loh; chun an kîr nawlh le,

THILTI 5:26

Chun, hotu chu a mi le tla hen chun an va kal le, zatlâng an ṭih ruangah tluang tak hen an hawngpi na le, chu lo chun lung hen seh an ṭih.