MATHAI 26:56 - Bawm Common Language Bible Version

⁵⁶ Sikhawmsele, khuavâng lasui rîn tla chu a tlung khonâk ding hen hi bang zawzawng hi a hawng um rawh asi hi,” a ti. Chu liau chun ṭhiruai tla zawzawng nih chun amah chu an thlahthlamh le, an tek ver.

MATHAI 26:56 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

ISAI 44:26

Sikhawmsele, ka to-aw nih simkannâk a sim hen, ka thiltum langhtir ding hen mi ka fial chun, chubang tumnâk tla leh simkannâk tla chu dik tak hen ka tlungtir. Jerusalem ah minung an um nawlh ding mi thu ka sim le, Juda khuapi tla khawm sak nawlh ding thu tla ka sim. Chubang khuapi tla râwk an si rawh mi chu dirh nawlh hen a um lai.

LUNGFÂKNÂK 4:20

LALPA nih a thîm mi lalchem hawng kan rûntu lakah humtu ah kan rinhsanh mi kan nungnâk bulpi chu an tleih rawh.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

DANIAL 9:26

Chu chu hun dawngh ah chun Pathian nih ruitu a thîm mi chu diklo tak hen thah hen a um lai. Lâirêltu thiltikho tak rûntu kawrsen tla nih khuapi leh Biakin khawm an râwk lai. A dawnghnâk chu tîlian hâwi hen Pathian nih a timhtuah mi râltuk leh siatnâk a hawng tlung lai.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MATHAI 21:42

Jisu nih an sinah, “Pathian lasuibu ah: ‘In saktu tla lung duh lo kha, chu tak chu a kil ah lung herh chem a hawng si rawh. Chu chu Lalpa ti asi le, kan mitmuh ah a chê asi,’ ti hi nan rêl lo mazei?

MATHAI 26:24

Minung Fapa hi a thâwngthâng an rîn hâwitê khan a kal awt asi. Sikhawmsele, Minung Fapa tleihtirtu ding minung tlûn chu a pit! Chu minung chu suak lah sele a rangah a ṭha dauh lai,” ti hen a sâng.

MATHAI 26:31

Chun, Jisu nih an sinah, “Tuzân hin nan ektê hen nan ka kaltâk ver lai; ‘Dawrâ vêngtu chu ka vuak lai le, dawrâ rual chu anna rek ver lai,’ ti rîn asi ruangah.

MATHAI 26:54

Sikhawmsele, ngiar menza khawmsele zeitin Pathian lasui thu hi hâwi hen a hawng um ding mi thu hi a hawng tlung kho lai?” a ti.

JOHAN 16:32

Ngâi u, a tik a tlung awt; asi, a hawng tlung liau asi, chu tik chun mah in chiauah nanna rek ver lai le, keimah lâwng hen nan ka kaltâk lai; sikhawmsele Pa ka sinah a um ruangah mah lâwng hen ka um lo.

THILTI 1:16

“Unau le tla, Thlarau Thenhlimh nih, David kâ ah, Jisu tleihtu tla ruitu Juda thu a simhkan mi kha, kha Pathian lasui thu kha a hawng tlung ding rêng asi.

THILTI 2:23

Kha minung kha Pathian ruat chia leh theihkan hâwi hen an tleihtir le, nannih nih misual kut ah kraws ah nan khenh le, nan thah rawh.

2 TIMOTHE 4:16

ka mawh lo zia thu ka sim masa tan ah âukhawm nih an ka ṭangpi lo le, an ka thlawrhthlau ver lehlam asi. Mawh phurhtir hen um lah na seh.