MATHAI 26:55 - Bawm Common Language Bible Version

⁵⁵ Chu liau tak chun Jisu nih mi zapi tla sinah chun, “Nâmsâu tla, talhbo tla put hen rawkmang tleih ding hâwi hen hawng ka tleih ding hen nan hawng suak mu? Pathian Biakin ah nisiar sîntir na hen ka to le, nan ka tleih ṭung lo.

MATHAI 26:55 ပူးပေါင်းရင်းမြစ်များ

MATHAI 21:23

Chun, Pathian Biakin ah a lût nûnah a sîntir na liauah chun bâwlpu lal tla leh zatlâng upa tla chu an hawng kal le, a sinah, “Âu thu hen me hi bang thil hi na ti? Âunih thu a nan pêk?” an ti.

MATHAI 26:47

Chun, a sim liau chirah Juda, leinih tla lakah pakhat chu a hawng tleng rawh. Amah rual hen bâwlpu lal leh zatlâng upa tla sin thawk hen mi zapi cherkhet nâmsâu leh talhbo put hen an hawng tleng bâk.

MARK 10:1

Chun, Jisu chu a thawk le, chu thawk hen chun Judai ram ah leh Jordan râl ah a kal le; chun, mi zapi tla chu a sinah an hawng a pûm nawlh le; chun, a ti dân kumza hâwi hen a sîntir nawlh na.

MARK 12:35

Chun, Jisu nih Pathian Biakin ah a sîntir liauah anmah tla a sawnh na le, “Mesia chu David fapa asi ti Dân sîntirtu tla nih zei zia hen sim me an si?

LUK 19:47

Chun, nisiar Pathian Biakin ah chun a sîntir tâwn; chun, bâwlpu lal tla leh Dân sîntirtu tla leh mi zatlâng lakah hotu dauh tla nih amah veih ding an tum.

LUK 20:1

Chun, ni khat chu Pathian Biakin ah mi tla a sîntir na. Thâwngthâng Ṭha a sim liauah, bâwlpu lal tla leh Dân sîntirtu tla chu upa tla hen a sinah an hawng sut le,

LUK 4:20

Chun, lasuibu chu a zual le, kilkâwitu sinah a pêk nawlh le, a to rawh. Chun, pumhnâk in ah mi zawzawng mit chu amah lakah a um.

JOHAN 7:14

Chun, kût lâikhing ah, Jisu Pathian Biakin ah a va kal le, a sîntir na.

JOHAN 7:28

Churuang chun Jisu nih Pathian Biakin ah a sîntir na pah hen a âu le, “Nannih nih nan ka theih, zei thawk hen ka hawng kal ti nan theih. Sikhawmsele mah thu hen hawng kasi lo, hawng ka fialtu chu mi dik tak asi, anih chu nan theih lo.

JOHAN 8:2

Chun, zîng ah Pathian Biakin ah a lût nawlh le, mi zawzawng a sinah an hawng kal le, chun, anih chu a to le, anmah tla a sîntir na.

JOHAN 8:20

Chubang thu chu Pathian Biakin ah a sîntir na liauah, thawhlâwm siahnâk mun ah a sim le; âukhawm nih amah an tleih lo, a tik a tlung lo rih ruangah.