MATHAI 26:41 - Bawm Common Language Bible Version

⁴¹ Lêmnâk ah nan lût lonâk ding hen râlring kumza hen thlacham u. Thlarau lam nih chun a huam le, taksa lam chu a chak lo asi,” a ti.

MATHAI 26:41 ပူးပေါင်းရင်းမြစ်များ

SAM 119:1

An nungnâk sual tel lo mi chu an thaw a suak, LALPA dân hâwi hen um mi chu.

SAM 119:115

Nannih misual tla, ka sinah mi kal ving u, ka Pathian thupêk tla chu ka zûl awt.

SAM 119:117

Hawng ka tleih le, ka him lai, chun na thupêk ka ngâi kumza lai.

SAM 119:32

Theihthiamnâk tam dauh na ka pêk awt ruangah lâwm tak hen na dân thu ka zûl lai.

MATHAI 24:42

Churuang chun a ringrâwn u, zei ni ah me nan Lalpa a hawng kal awt nan theih lo ruangah.

MATHAI 25:13

Chuvachun, ringrâwn hen um u, a ni leh a tik chu nan theih lo ruangah.

MATHAI 26:38

Chun an sinah, “Ka thinlung thungâi a ngaihsia, thihnâk rê asi; hinah hin um ule, hawng ka vêngpi u,” a ti.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

MARK 14:38

Lêmnâk ah nan lût lonâk ding hen râlring kumza hen thlacham u. Thlarau lam nih chun a huam le, taksa lam chu a chak lo asi,” a ti.

LUK 11:4

Kan sual tla hawng kan ngâihdam, kannih khawm kan sinah battu zawzawng kan ngâihdam tâwn asi. Lêmnâk ah hawng kan lûttir lah,’ ” a ti.

LUK 21:36

A ringrâwn u, Minung Fapa mâika ah nan dîr khonâk ding hen leh thil hawng tlung ding mi tla zawzawngah him ding leh chaknâk nan nei khonâk ding hen thlacham u,” a ti.

LUK 22:40

Chun, a mun chu a va tlung rawh chun an sinah, “Lêmnâk ah nan lût lonâk ding hen thlacham u,” a ti.

LUK 22:46

an sinah, “Zei rangah nan it? Lêmnâk ah nan lût lonâk ding hen thawk ule, thlacham u, a ti.

LUK 8:13

Chun, lungpher tlûnah chî a tlâ mi chu an theih kâ hen thu chu lâwm tak hen tleih mi tla an si; sikhawmsele, ram an nei lo; sâwtlotê chu an lung le, lêmnâk tawng tikah an bângtâk nawlh tâwn.

ROM 8:3

Taksa chaklonâk ruangah Dân nih ti kho lo mi chu Pathian nih a ti kho. Amah Fapa ngelchel taksa sual hâwi put hen sual bâwlnâk ding ah hawng fial hen, taksa lakah sualnâk um mi chu mawh a phurhtir rawh asi.

1 KORIN 10:13

Minung tuar kho ri nûnlêm chun lêmnâk rerêng nan lakah a tlung lai loh. Pathian lam chu zumh a kâi asi, anih nih chun nan tuar kho tâwk nûnlêm chun lêmnâk nan tawng a siang lai loh; nan tuar khonâk ding hen lêmnâk rual hen teknâk lampi a siam sawm lai.

1 KORIN 16:13

A vêng ule, lungnâk ah chun dîr thlir ule, nan râl a ṭhattir ule, chak tak hen um u.

1 KORIN 9:27

Chu hâwi ber hen boruak eng lo hen ka sualpi tâwn, ka taksa ka êng chiam le, sal ah ka siam tâwn. Chu lo chun midang tla sinah ka phuang nûnah khawm zei zeimawh ti hen keimah ngelchel hi lawnh hen ka um lebang lai.

GALATIA 5:24

Chun, Krist Jisu mi le nih chun taksa chu a sual dawnnâk leh a duhnâk tla hen an khenhbêk rawh.

EPHESI 6:18

thlachamnâk leh deihnâk kip hen zeiliau zawng ah Thlarau a thlacham hen chu leikângah chun mi thenhlimh zawng rangah ṭhanemsemsê ngâi tak hen leh deih thlir hen a ringrâwn u.

1 PETER 4:7

Thil zawzawng dawnghnâk chu a nâi rawh. Thla nan cham khonâk ding hen mah lakah sûm leh ringrâwn hen nan um ding asi.

1 PETER 5:8

Ruat tet ule, a ringrâwn u: Nan leido Diabol chu chakeibaknei hâwi hen âumawh veih ding hâwl hen nan kiangkam ah a hûk asi.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.

THUPHUANG 16:15

Ngainik, mifîr hawi hen ka hawng kal awt, râlring hen nipuan aih kumza hen a um mi chu a thaw a suak, chu lo chun takkaro leh mualpho hen a um sual lai.

THUPHUANG 3:10

Felfê tak hen ka thupêk tla na pawm ruang khan, tual ah mi zapi an um mi tla nik ding hen, laikulh zawzawng tlûnah tik hawng tlung ding mi lakah chun kei khawm nih ka nan hum lai.