MATHAI 26:39 - Bawm Common Language Bible Version

³⁹ Chun, tâwm hen mâi leiah a va kal le, a bawkbukhup le, “Ka Pa, tikho asi chun hi hâi nih hin hawng ka lanh seh; sikhawmsele keimah thu silo hen, nangmah thu thu si dauh seh,” ti hen thla a cham.

MATHAI 26:39 ပူးပေါင်းရင်းမြစ်များ

GENESIS 17:3

Abram chu tual tawngh khet hen a kûn; chun,

2 SAMUEL 15:26

Sikhawmsele, a duhzia lo asi chun, a duhzia zawng ka tlûnah tlungtir ko seh,” a ti.

1 CHRONICLES 21:16

David nih vânmifial a nâmsâu put hen Jerusalem râwk ding sek hen vân lâi ah dîr mi a muh. Churawhchun, David leh zapi tla ruitu zawzawng nih salâpuan anna aih le; an mêl tual tawngh khet hen an kûn.

ISAI 50:5

LALPA nih theihthiamnâk hawng ka pêk le, A lakah ka hel lo mawh kâng dang lei khawm ka hawitâk lo.

ISAI 53:12

Churuangah zahkâinâk leh rokualnâk leh mi thiltikho tak sinâk ka pêk lai. Misual tla thi ding rûlah thi hen siang tak hen a nungnâk a pêk. Misual tla mun a luah le, ngaihdam an si khonâk ding hen thla a cham piak na,” a ti.

EZEKIEL 1:28

Chu chêu mitser rê mi nih chun LALPA a um mi a zauhtir.

NUMBER 14:5

Churawhchun, Mosi leh Aron chu mi zapi zawzawng mâika ah an buk thlo.

NUMBER 16:22

Sikhawmsele Mosi leh Aron chu an mêl tual lei hawih hen an kûn le, “Pathian, nang chu nungnâk bul zawzawng na si. Minung pakhat sual ruangah zapi minung tlûnah na rothawk na maw?” an ti.

MATHAI 20:22

Jisu nih, “Nan deih mi chu nan theih lo asi. Ka hâi din ding mi chu nan din kho lai mazei,” a ti le, a sâng. Annih nih a sinah, “Ti kho e,” an ti.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

MATHAI 26:42

Chun, veinihnâk ah a va kal le, thla a cham nawlh le, “Ka Pa, din lo hen hi hâi nih hin hawng ka lanh kho lo thlo chun nangmah thu thu si seh,” a ti.

MARK 13:22

Mesia telê tla leh khuavâng telê tla an hawng suak awt dangâiah. Chu tla nih chun singsiahnâk leh thilchê tla an ti lai; tikho sele, thîm tla men an perpet khonâk ding hen.

LUK 17:16

Chun, Jisu kê bul ah a bawkbukhup le, a lâwmthu a sim. Chu minung chu Samaria mi asi ngengê.

JOHAN 11:41

Chun, lung chu an ṭhial rawh, Chun, Jisu chu a vân a tâu le, “Pa, ka thu na hawng ka ngâi piak ruangah na tlûnah ka lâwm.

JOHAN 14:31

Sikhawmsele, kei nih Pa ka dâwt leh Pa nih thu hawng ka pêk hâwi vima hen thil ka ti; laikulh nih an theih khonâk ding hen asi hi. “Thawk u, hin a mi hi kan kal lai.”

JOHAN 18:11

Chun, Jisu nih Peter sinah, “Nâmsâu kha a kâwng ah khumh nawlh rawh; Pa nih hâi hawng ka pêk mi hi ka din lo lai ma?” a ti.

JOHAN 5:19

Chun, Jisu nih an sinah, “Thungâi tak hen ka nan simh na, Fapa nih amah ko hen zeikhawm a ti kho lo, Pa thilti a muh mi cho lo chu; thil a ti mi hâwi zawng chu, Fapa khawm nih a ti bâk tâwn.

JOHAN 5:30

“Keimah thu hen zeikhawm ka ti kho lo; Pa nih hawng ka simh hâwi vima hen lâi ka rêl tâwn, ka lâirêl chu dik tak asi, keimah thu thu hen um ka tum lo le, hawng ka fialtu duhzia hen um ka tum tâwn ruangah.

JOHAN 6:38

Mah duhzia ti ding hen vân thawk hen hawng ṭum kasi lo le, hawng ka fialtu duhzia ti ding hen hawng ṭum kasi dauh.

THILTI 10:25

Chun, Peter chu a lût awt liau takah Kornelia nih chun a va dawng le, a kê bulah a bawkbukhup le, Pathian hâwi hen a mâimûk.

PHILIPI 2:8

Chun, minung hâwi a um hen, â nâutir le, thih phah rê hen thu zâwt hen a hawng um rawh, Kraws a thihnâk tak chu.

HEBRAI 5:7

Jisu chu tual ah a um liau tla ah khan thihnâk lakah amah sansuah khotu Pathian sinah fâk tak hen âu leh mitthli tlâ rê bû hen thlachamnâk leh ngiarnâk tla a ap le, nâu tak hen â pêknâk ruangah Pathian nih a ngâi piak.

THUPHUANG 19:10

Chun, amah chu sawnh ding hen a kebul ah ka kûn le, sikhawmsele, anih nih ka sinah, “Kha hâwi hen ti lah, kei chu nangmah unau leh Jisu thusim zâwttu tla hâwi hen to-aw kasi, Pathian lam sawnh rawh,’ a ti. Jisu nih thudik a sim mi chu khuavâng tla lakah thaw khumh hen thu sim asi.