MATHAI 26:24 - Bawm Common Language Bible Version

²⁴ Minung Fapa hi a thâwngthâng an rîn hâwitê khan a kal awt asi. Sikhawmsele, Minung Fapa tleihtirtu ding minung tlûn chu a pit! Chu minung chu suak lah sele a rangah a ṭha dauh lai,” ti hen a sâng.

MATHAI 26:24 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

SAM 55:15

A tik lânah ka mêlma tla chu thi na seh, a nung bû hen laikulh thihnâk ah kal na seh! Sualnâk chu an thinlung leh an in lakah a um.

SAM 55:23

Sikhawmsele, Pathian, nangnih mi thahtu leh mi âwkrâwl tla chu an san lâikhing khawm asi lânah an thlân ah na kaltir na lai. Kei lam chu nangmah ka nan rinhsanh lai.

DANIAL 9:26

Chu chu hun dawngh ah chun Pathian nih ruitu a thîm mi chu diklo tak hen thah hen a um lai. Lâirêltu thiltikho tak rûntu kawrsen tla nih khuapi leh Biakin khawm an râwk lai. A dawnghnâk chu tîlian hâwi hen Pathian nih a timhtuah mi râltuk leh siatnâk a hawng tlung lai.

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MATHAI 18:7

Mi zapi tla zumhnâk khamtirtu thil tla ruangah laikulh tlûn a pit! Tlûknâk chu um ding rêng asi. Sikhawmsele, tlûknâk umtirtu tlûn chu a pit!

MATHAI 26:31

Chun, Jisu nih an sinah, “Tuzân hin nan ektê hen nan ka kaltâk ver lai; ‘Dawrâ vêngtu chu ka vuak lai le, dawrâ rual chu anna rek ver lai,’ ti rîn asi ruangah.

MATHAI 26:54

Sikhawmsele, ngiar menza khawmsele zeitin Pathian lasui thu hi hâwi hen a hawng um ding mi thu hi a hawng tlung kho lai?” a ti.

MATHAI 26:56

Sikhawmsele, khuavâng lasui rîn tla chu a tlung khonâk ding hen hi bang zawzawng hi a hawng um rawh asi hi,” a ti. Chu liau chun ṭhiruai tla zawzawng nih chun amah chu an thlahthlamh le, an tek ver.

MARK 14:21

Minung Fapa hi a thâwngthâng an rîn mi hâwitê khan a kal awt asi; sikhawmsele, Minung Fapa tleihtirtu ding minung tlûn chu a pit! Chu minung chu suak lah sele a rangah a ṭha dauh lai,” a ti.

MARK 9:12

Chun, anih nih chun an sinah, “Elija chu a hawng kal masa ding asi rerêng; zeizawng a remh awt asi; thil tam tak tuar hen mi zauhnawmh hen a um ding asi ti Minung Fapa thâwngthâng zei hâwi hen me an rîn?

LUK 22:22

Minung Fapa hi an ruat hâwi hen a um awt asi; sikhawmsele, a tleihtirtu ding mi minung tlûn chu a pit!” a ti.

LUK 24:46

Chun, an sinah, “Hi hâwi hen rîn asi: ‘Mesia nih chun hamhnâk a tuar lai le, ni thum ni ah mithi lakah mi a thawknawlh lai le,

JOHAN 17:12

An sinah ka um liau khan, nangnih kei na ka pêk mi tla hi na min hen ka hum tâwn; annih chu ka vêng le, an lakah pakhat khawm an vei lo, a tlâu ding mi pa lo kha chu; Pathian lasui thu a hawng tlung khonâk ding hen.

JOHAN 19:24

Churuangah annih nih chun, “Kan thlêk lai loh, âu tâ ding si lai kan chamchawh lai,” an ti. Pathian lasui thu, “Ka nipuan tla anna ṭhen le, ka kawrdawh chu an chamchawh,” ti, a tlungnâk ding hen. Chubang thil chu kawrsen tla nih an ti.

JOHAN 19:28

Chu nûnah chun, Jisu nih thil zeizawng tu ah a rangtling rawh ti a theih le, Pathian lasui thu kha a tlungnâk ding hen, “Ka tî a hâl,” a ti.

THILTI 2:23

Kha minung kha Pathian ruat chia leh theihkan hâwi hen an tleihtir le, nannih nih misual kut ah kraws ah nan khenh le, nan thah rawh.

THILTI 28:23

Chun, ni an tiamh le, chu ni chun a tlungnâk in ah mi tam tak an hawng kal le, zîngtê thawk hen zânlei tiang an sinah chu thu chu a simhfiang le, Pathian Ram thu a theihtir na le, Mosi Dân lasuibu thu leh khuavâng tla lasuibu thu hen Jisu leiah anmah tla a lêm tlawtlawt na.

THILTI 4:28

na kut hen leh na thinlung hen hawng tlung ding a ruatkan mi vial kha ti ding hen.

1 KORIN 15:3

A masa chem hen, ka tawng bâk mi chu ka nan simh singsuan na kha, kha hâwi hen Krist chu Pathian lasui thu hâwi vima hen kan sual ruangah a thi le,