MATHAI 26:18 - Bawm Common Language Bible Version

¹⁸ Chun, anih nih chun, “Khuapi ah âumawh sinah kal ule, a sinah, ‘Sîntirtu nih chun ka tik a nâi rawh; ka ṭhiruai le hen Kalkanh Kût na in ah kan mang lai, a ti,’ va ti u,” a ti.

MATHAI 26:18 ပူးပေါင်းရင်းမြစ်များ

MATHAI 21:3

Chun, âuzawng nih nan sinah zeizawng an sim chun, ‘Lalpa nih a duh asi,’ nan ti lai le; chun anih nih chun a hawng fial sawm ko lai,” a ti.

MATHAI 23:10

Ruitu ti ding hen um lah u, nan Ruitu chu pakhat cho asi, Mesia chu.

MATHAI 23:8

Nannih lam chu ‘Sîntirtu,’ ti ding hen um lah u, an sîntir natu chu pakhat asi le, nannih vial chu unau nan si.

MATHAI 26:19

Chun, Jisu nih an sinah a ti mi hâwi hen ṭhiruai tla nih chun an ti, chun Kalkanh Kût buh chu an timhtuah rawh.

MATHAI 26:2

“Ni nihnâk ah Kalkanh Kût a hawng um awt ti nan theih, Minung Fapa hi khenh ding hen an tleihtir awt asi,” a ti.

MATHAI 26:49

Chun, Jisu chu a va fûk sawm le, “Chibai, Rabbi” ti hen, a châwchawk chiam.

MARK 5:35

A hawlh liau chirah, pumhnâk in hotu in thawk hen mi an hawng kal le, “Na fanu a thi rawh; zei rangah Sîntirtu hi na hamhtir nget awt?” an ti.

LUK 22:53

Pathian Biakin ah nan sinah nisiar ka um liau khan tleih ding hen nan ka awtlo. Sikhawmsele, tu hi nan changh tik asi, mûi thuneihnâk hen,” a ti.

JOHAN 11:28

Chun, chu thu chu a sim thluh kâ hen a kal le, a unau nu Mari chu a thup hen a kawh le, “Sîntirtu hinah a um le, a nan kawh,” a ti.

JOHAN 12:23

Chun, Jisu nih a sâng le, an sinah, “Minung Fapa chawnglawmh hen a um ding tik chu a tlung rawh.

JOHAN 13:1

Tuhin Kalkanh Kût lânah mi ni asi. Jisu nih hi laikulh a kaltâk ding mi leh Pa sinah a kal ding tik a rangah a tlung rawh ti a theih. Laikulh ah amah tâ tla chu a dâwt kumza na le, chun a dawngh tiang hen a dâwt na.

JOHAN 17:1

Chubang thu chu Jisu nih a sim le; vân lei zauh hen, “Pa, a tik a tlung rawh. Na Fapa chawnglawmh rawh, Fapa nih a nan chawnglawmhnâk ding hen;

JOHAN 20:16

Jisu nih a sinah, “Mari,” a ti. Anih chu â her le, a sinah Hebrai hawlh hen, “Rabboni,” a ti; chu chu “Sîntirtu” tinâk asi.

JOHAN 7:30

Chuvachun, anih chu tleih an tum le, sikhawmsele a tik a tlung lo rih ruangah âukhawm nih a tlûnah kut an thlâk lo.

JOHAN 7:6

Chun, Jisu nih an sinah, “Ka tik a tlung lo rih; nannih tik lam chu a tlung kumza asi.

JOHAN 7:8

Nannih kûtnâk ah va kal u, kei lam chu kûtnâk ah hin ka kal awtlo rih, ka tik a tlung lo rih ruangah,” a ti.