MATHAI 25:46 - Bawm Common Language Bible Version

⁴⁶ Chun, chubang chu zungzâl rêpnâk ah an kal lai; mirep tla lam chu zungzâl nungnâk ah an kal lai,” a ti.

MATHAI 25:46 ပူးပေါင်းရင်းမြစ်များ

DANIAL 12:2

Chu lakah mi tam tak thi rawh mi tla an hawng nung nawlh lai: a zeimaw mi chu zungzâl nungnâk ah anna lâwm lai le, a zeimaw mi chu zungzâl ningzaknâk an tuar lai.

MATHAI 13:43

Chu tikah chun mirep tla chu an Pa Ram ah nî hâwi hen an chêu lai rawh. Nâ nei nih chun theih seh!

MATHAI 19:16

Chun, minung pakhat Jisu sinah a hawng kal le, “Sîntirtu, zungzâl nungnâk ka nei khonâk ding hen thil ṭha zei me ka ti lai?” a ti.

MATHAI 19:29

Chun, mikip, in tla mawh, unau tla mawh, farnu tla mawh, pa mawh, nu mawh, fa tla mawh, ram tla mawh, ka min ruangah kaltâktu zawng nih chun a leh zâ a tawng lai le, zungzâl nungnâk anna ting lai.

MATHAI 25:41

“Chu thluh chun, a kehlei ah mi tla sinah khawm chun, ‘Siatbarh mi tla, zungzâl mei Diabol leh mifial tla rangah an timhtuah mi lakah chun hawng ka kaltâk u,

MATHAI 25:45

Chun, anih nih chun, an sinah, ‘Thungâi tak hen ka nan simh na, hi bang mi mê chem tla lakah pakhat tlûnah nan ti lo chun ka tlûnah ti lo nan si,’ ti hen, a sâng na lai.

LUK 16:26

Hi lo khawm ah, hi thawk hen nan sinah kal duh tla chu an kal kho lonâk ding hen leh âukhawm kha thawk hen kan sinah an hawng kho lonâk ding hen kannih leh nannih karah hin tual kak thûk tak an siam asi,’ a ti.

JOHAN 17:2

kha hâwi hen mi zawzawng tlûnah thu nei hen na siam mi nih khan, a sinah na pêk mi vial tla sinah zungzâl nungnâk a pêk khonâk ding hen.

JOHAN 3:36

Âuzawng Fapa zumh mi zawng nih zungzâl nungnâk an nei rawh; sikhawmsele, âuzawng Fapa thu ngâilotu vial nih nungnâk an nei lai lo le, Pathian thinrunhnâk an tlûnah a um kumza dauh asi,” a ti.

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JOHAN 5:24

“Thungâi tak hen ka nan simh na, âuzawng ka thu theih hen, hawng ka fialtu lung nih chun zungzâl nungnâk a nei rawh, mawh hen a um lo le, thihnâk thawk hen a suak le, nungnâk ah a lût dauh asi.

JOHAN 5:29

thil ṭha titu tla chu nungnâk ting hen an thawknawlh lai le, thilsual titu tla chu mawhnâk ting hen an thawknawlh lai.

JOHAN 6:27

Buh ral kho mi ruangah ṭuan lah u, zungzâl tiang hen nungnâk um kumza ding mi buh, Minung Fapa nih a nan pêk na ding mi ruang chun ṭuan u; Pa Pathian nih chun anih chu a birhtir rawh dangâiah,” a ti le, a sâng.

JOHAN 6:40

Chun, hi hi ka Pa duhzia asi, âuzawng Fapa muh hen, zumhtu zawng nih zungzâl nungnâk nei sele; chun, kei nih ni dawnghnâk ah chun annih chu ka thawh na lai,” a ti.

THILTI 13:46

Chun, Pawl leh Barnaba nih chun râlṭha tak hen an sim le, “Pathian thu hi nanmah tla sinah sim masa ding rêng asi; sikhawmsele, nan nar le, zungzâl nung tlâklo hen nanna ruat rawh nûnah hin theih u, Phundang leiah kanna her lai rawh.

THILTI 13:48

Chun, Phundang tla nih chun chubang thu chu an theih hen anna lâwm le, Pathian thu an chawnglawmh. Chun, zungzâl nung ding a ruat mi vial chu an lung rawh.

THILTI 24:15

Chun, mirep tla leh replo tla thawknawlhnâk a um lai ti Pathian leiah ka lungum le, hi bang tla khawm nih hin chubang tla chu an lung bâk.

ROM 5:21

Sual nih chun thihnâk hen lâi a rêl hâwitê hen Pathian zângfahnâk nih chun repnâk hen zungzâl nungnâk ting kho rê hen kan Lalpa Jisu Krist ruangah lâi a rêl khonâk ding hen.

ROM 6:23

Sual man chu thihnâk asi; Pathian thilthawt pêk lam chu kan Lalpa Jisu Krist ruangah chun zungzâl nungnâk asi.

GALATIA 6:8

Mah taksa leiah tuhtu nih chun taksa mi siatnâk a ât lai; Thlarau lei tuhtu lam nih chun Thlarau a mi zungzâl ah mi nungnâk a ât awt asi.

2 THESALONIKA 1:9

Chu ni ah chun, a mi thenhlimh tla lakah chawnglawmh a um ding leh lungtu zawzawng tla lakah chun chu thu kan theihtir na mi kha nan lung ruangah chê ti ding hen a hawng kal tik chun chubang Pathian theihlo mi leh kan Lalpa Jisu Thâwngthâng Ṭha lunglo mi tla nih chun rêp an tuar lai, Lalpa sin thawk leh a chaknâk rokualnâk thawk hen zungzâl veihnâk chu.

1 JOHAN 2:25

Amah Jisu Krist nih pêk ding hen hawng kan tiamh mi chu zungzâl nungnâk asi.

JUD 1:21

Kan Lalpa Jisu Krist nih a khuaruatnâk ruangah zungzâl nungnâk a nan pêk na mi chu ngâk hen Pathian zângfahnâk ah chun a kil u.

THUPHUANG 20:10

Chun, anmah perpettu Diabol chu, sarâng leh khuavâng telê umnâk mei leh kât zur ah an lawnh rawh, chun, zungzâl hen sûn leh zân hen rêp hen an um lai rawh.

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.