MATHAI 25:41 - Bawm Common Language Bible Version

⁴¹ “Chu thluh chun, a kehlei ah mi tla sinah khawm chun, ‘Siatbarh mi tla, zungzâl mei Diabol leh mifial tla rangah an timhtuah mi lakah chun hawng ka kaltâk u,

MATHAI 25:41 ပူးပေါင်းရင်းမြစ်များ

SAM 119:115

Nannih misual tla, ka sinah mi kal ving u, ka Pathian thupêk tla chu ka zûl awt.

SAM 119:21

Mi â zûm mi chu na simhfâi le, na dân thupêk zûllotu tla chu siatbarh hen an um.

SAM 139:19

Pathian, mi ṭhalo tla chu thah le ka duh â! Mi râwktu tla nih keimah lâwng hawng ka siah na sele ka duh a!

SAM 6:8

Nannih misual tla, kal ving u! LALPA nih ka ṭap mi a theih le,

ISAI 66:24

“An suak liauah ka lakah hel mi ruak tla an muh lai. Anmah eitu tholung tla a thi lai lo, anmah khanghtu mei khawm a mit lai lo. Minung mitmuh ah fihnungkâi an si lai,” a ti.

JEREMIA 17:5

LALPA nih, “Ka lakah mi hawng ka hawitâk hen minung a thi kho mi chaknâk ah â ngauh mi chu ka mawhtir awt.

MATHAI 13:40

Chuvachun, fâng telê tla chu an pumh hen mei ah an duah hâwi hen laikulh dawnghnâk ah chun a um lai.

MATHAI 13:42

meipi ah an lawnh na lai; chunah chun ṭap leh hachang rial chu a um lai.

MATHAI 13:50

meipi lakah an lawnh lai; chunah chun ṭap leh hachang rial chu a um lai,” a ti.

MATHAI 18:8

“Chun, na kut nih mawh na kê nih mawh a nan sualtir chun tan le, lawnh ving. Kut panih mawh kê panih mawh nei hen zungzâl mei ah lawnh ngâk chun suak sual hen mawh kekhêng hen mawh nungnâk ah lût na rangah a ṭha dauh.

MATHAI 25:42

ka sung a vâng liauah nannih nih ei ding nan ka pêk lo; ka tî a hâl liauah din ding nan ka pêk lo;

MATHAI 25:46

Chun, chubang chu zungzâl rêpnâk ah an kal lai; mirep tla lam chu zungzâl nungnâk ah an kal lai,” a ti.

MATHAI 3:12

A kut hen a zâpnâk a put lai le, a chîlnâk mun ah a zâp phin lai le, a siahnâk ah fâng a râwn lai, a hî lam chu mei mit kho lo hen a duah hep lai.”

MATHAI 4:10

Chu ka hen Jisu nih a sinah, “Setan, kal ving! ‘Lalpa na Pathian sawnh le, amah rian cho ṭuan rawh,’ ti rîn asi,” a ti.

MATHAI 5:22

Kei lam nih chun, ‘Âuzawng a unau tlûnah thinruntu vial chu lâirêlnâk ah dîr ṭihnungkâi tak hen a um lai le, âuzawng a unau sinah, ‘Nang, mido-tla-lo,’ titu vial chu lâirêltu tla rêl piak ding ṭihnungkâi tak hen a um lai; chun, âuzawng ‘Nang mi â’ titu vial chu Gehena mei ah lawnh ṭihnungkâi tak hen a um lai ti ka nan simh na.

MATHAI 7:23

Chu ni ah chun ‘Nannih thilsual titu tla, ka nan theih na loh, ka sin thawk hen kal u,’ ti hen, annih chu ka simh na teh lai.

LUK 13:27

Chun, anih nih, ‘Ka nan simh na, kha zei lei mi me nan si ka nan theih na lo’ nannih thilsual ti zawzawng tla: ka sinah mi kal ver u,’ a ti teh lai.

LUK 16:24

Chun, a âu le, ‘Pu, Abraham, hawng ka zângfah le, Lazar kha hawng fial, a kutdawng pâr tî ah chinh sele, ka lei daihnâk ding hen; meialh ah hin thungâi ka hamh asi,! a ti.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

2 THESALONIKA 1:9

Chu ni ah chun, a mi thenhlimh tla lakah chawnglawmh a um ding leh lungtu zawzawng tla lakah chun chu thu kan theihtir na mi kha nan lung ruangah chê ti ding hen a hawng kal tik chun chubang Pathian theihlo mi leh kan Lalpa Jisu Thâwngthâng Ṭha lunglo mi tla nih chun rêp an tuar lai, Lalpa sin thawk leh a chaknâk rokualnâk thawk hen zungzâl veihnâk chu.

HEBRAI 6:8

Sikhawmsele, ling tla leh bua tla a suah chun zeirang khawm ah a tlâktlâi loh, Pathian siatbarh ṭihnungkâi nâk ah a um le, chun mei hen duah asi lai.

2 PETER 2:4

Vânmifial tla nih thil an sual liau khan Pathian nih a zuah lo le, rêpmun ah a lawnh le, lâirêl piak ding ni ngâk hen khur mûi ah a khumh rawh.

1 JOHAN 3:10

Hi lak hin Pathian fa tla leh Diabol fa tla chu â theih asi. Âuzawng thil dik ti lotu mawh, a unau zângfah lotu chu Pathian fa asi lo.