MATHAI 25:35 - Bawm Common Language Bible Version

³⁵ Ka sung a vâng liauah nannih nih ei ding nan ka pêk le; ka tî a hâl liauah din ding nan ka pêk le; khual kasi liauah nan ka tlungtir.

MATHAI 25:35 ပူးပေါင်းရင်းမြစ်များ

1 Lal 17:11

Numeinu chu tî lâk ding hen a kal liauah, “Sang khawm tâwm hen zângfahtê hen hawng ka put sih,” a ti.

JOB LASUIBU 31:32

Khualtlâwng mi minung tla tualmâi ah ittir na lo hen, ka in ah ka kawh na.

THUFING LASUIBU 14:21

Lâwmnâk na duh chun, mipâm tla sinah vêlnei tak hen um. A zei mi tal na zauhnawmh chun sual asi.

THUFING LASUIBU 14:31

Mi pâm tla rangah na nâuneh na chun, anmah siamtu Pathian na siarlo mi asi. Sikhawmsele mipâm lakah na vêlneihnâk na langh chun, Pathian rangah na sawnh mi asi.

THUFING LASUIBU 19:17

Mipâm sinah thil na pêk mi chu LALPA rangah na lângtir mi asi le, LALPA nih a nan rulh nawlh lai.

THUFING LASUIBU 22:9

Hawk le, mipâm rangah na buh ṭhenh na. Na ṭhenh na mi ruangah malsâwm hen na um lai.

THUFING LASUIBU 25:21

Na mêlma a sung a vâng chun ei ding pêk le, a tî a hâl chun din ding tî pêk rawh.

EZEKIEL 18:16

Âukhawm a nehsawh hen a rawk na lo. Pûktirtu nih a pûktir mi khawm amah tê hen a rulh nawlh. Mi sungvâng rangah ei ding a pêk na le, takkaro um mi rangah nipuan a pêk na.

EZEKIEL 18:7

Âukhawm a perpet hen a râwk na lo. Him ziar hen amah rangah thil lanhtu chu a pêk nawlh le; mi sungvâng rangah buh a pêk le, takkaro hen um mi rangah nipuan a pêk na.

DANIAL 4:27

Churuangah Bâwipa, ka thusim hi ngâi rawh. Sual thilti bâng le, thil dik ti rawh, mipâm tla lakah khuaruat. Chu tikah na sul-le-lam a tluang lai,” a ti.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

MATHAI 25:40

Chun, Lalchem nih chun an sinah, ‘Thungâi tak hen ka nan simh na, hi bang ka unau mê chem mi tla lakah pakhat tlûnah nan ti mi chu ka tlûnah ti nan si, ti hen,’ a sâng na lai.

MATHAI 26:11

Mipâm tla chu nan sinah um kumza ding an si lo mazei, kei lam chu nan sinah um kumza ding kasi lo.

MARK 14:7

Mipâm tla chu kumleza hen nan sinah um an si le, nan duh tik zawng ah annih chu nan zângfah kho mi; kei lam chu kumleza hen nan sinah um ding kasi lo.

LUK 11:41

Sikhawmsele, a sungah thil um chu mipâm sinah pêk ding hen mang u; chun, nan rangah zeizawng a thenhlimh lai.

JOHAN 13:29

Zeimaw mi nih, Juda chu tangka tawbala a kil ruangah, “Jisu nih, ‘Kût rangah thil kan herh phung tla va châwk rawh,’ a ti mi mawh ‘Mipâm tla sinah zeilo pêk ding, a ti mi mawh,” an ti asi.

THILTI 10:31

‘Kornelia, na thlachamnâk kha theih hen a um rawh, mi sinah na thilpêk tla khawm kha Pathian nih a theihkumza.

THILTI 11:29

Chun, ṭhiruai tla nih chun an ti kho ri chiau hen Judai ram unau tla sinah chun ṭangpinâk ding kuat an tum.

THILTI 16:15

Chun, amah leh a dâwngsung tla hen baptis an si rawh chun, Lalpa lungtu tak hen nan hawng ka ruat chun ka in ah hawng tlung u,” ti hen hawng kan ngiar chiam le, hawng kan thloh rawh.

THILTI 4:32

Chun, a lungtu mi zapi tla chu thinlung munkhat leh dawnruatnâk munkhat hen an um; an lakah pakhat khawm nih an thil neih, “Ka tâ bîk asi,” an ti lo; thil zawzawng anna bâwm ver tâwn.

ROM 12:13

mi thenhlimh tla samhphângnâk ah chun, ṭangpi ule, khual tla rangah lawmh kumza na u.

ROM 12:20

Churuangah, na mêlma a sung a vâng chun, ei ding pêk rawh, a tî a hâl chun, din ding pêk rawh; chu hâwi na ti chun a thilti diklonâk tla lakah na mualphoh kho lai.

ROM 16:23

Kei leh kawhmi tla tlungnâk in dâwngpupa Gaia nih chun chibai ka nan bûk na. Khuasung sum zauhkhenhtu Erasta leh kan unaupa Kuarta nih chun chibai an bûk na.

EPHESI 4:28

Fîr mang nih chun fîr lah rawh sele, a samphâng mi sinah chun pêk ding a nei khonâk ding hen a kut ah thil ṭha hen a hamh dauh seh.

1 TIMOTHE 5:10

chun, thil ṭha ti lakah a minthang mi: nunau mah fa le zauhkhenh thiam, a in ah khual tla tlung hen, Pathian mi le kê ṭâwl leh an nawknâk ah ṭangpi hen, thil ṭha tinâk kip ah â pêk mi asi ding asi.

PHILEMON 1:7

Unaupa, nangmah zârah mi thenhlimh tla thinlung a hawng thawk ruangah na dâwtnâk ah chun ka lâwm hen thungâi ka lungngam asi.

HEBRAI 13:16

Sikhawmsele, thil ṭha ti leh a ṭangpi tawnhnâk hi philh lah u, chubang hâwi bâwlnâk nih chun Pathian a lawmhtir.

HEBRAI 6:10

Tu ah nan ti liau hâwi hen, Kristian unau tla sinah Pathian min hen dâwtnâk ruangah nan ti mi leh nan ṭangpi na nâk tla chu philh ding hen Pathian chu mi replo asi loh.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.