MATHAI 25:34 - Bawm Common Language Bible Version

³⁴ Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

MATHAI 25:34 ပူးပေါင်းရင်းမြစ်များ

SAM 2:6

“Ka tlâng thenhlimh Zion ah, ka lal chu ka toh rawh,” a ti.

THUFING LASUIBU 11:17

Vêl na nei liauah ṭhat suahtu na si. Ṭhatlo na rawt chun nangmah nganfâk na pêk mi asi.

ISAI 33:22

Chubang meilawng tla lakah ri rêngnâk tung chu zeikhawm asi lai lo; a zawhtu tla khawm nih puanzâr an pharh kho lai lo! Mêlma kawrsen neihnâk zawzawng chu kan tleih lai le, a tam dân chu mi khêng tla men nih tingvo an nei kho lai. LALPA amah tak chu kan lalchem asi lai le; kan tlûnah lâi a rêl lai le, hawng kan hum lai,

ISAI 6:5

Kei nih, “Kei rangah lungumnâk a um lo rawh! Thu sual ka simnâk mûr ruangah mi vânduai kasi, thu sual simtu nâwngah um mi kasi. Sikhawmsele, ka mit ngelchel nih Lalchem, LALPA Zeizawng tikho chu ka muh rawh,” ka ti

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

DANIAL 9:25

Hi hi singsiah le, theihthiam rawh, Jerusalem sak nawlh ding hen thu pêknâk thawk hen Pathian nih ruitu a thîm mi a hawng tiang chu hun sarih leh kum sarih a ral lai. Jerusalem chu a khua lâi leh a kulh hen sak nawlh asi lai le, hun sarih leh kum sâwmruk leh kum nih kar a dîr lai, sikhawmsele chu chu nawknâk hun asi lai.

ZEPHANIAH 3:15

LALPA nih an rêp na mi a dawngtir rawh, nan mêlma tla khawm a kiangtir ver rawh. LALPA, Israel Pathian chu nan sinah a um le, tu chun zeikhawm ṭih ding a um lo rawh.

MATHAI 13:35

Khuavâng nih, “Tahṭhimh thu hen ka kâ ka âng lai le, tual tuah tîr thawk hen thil thup chu ka sim lai,” ti hen a sim mi kha a hawng tlung khonâk ding hen.

MATHAI 19:29

Chun, mikip, in tla mawh, unau tla mawh, farnu tla mawh, pa mawh, nu mawh, fa tla mawh, ram tla mawh, ka min ruangah kaltâktu zawng nih chun a leh zâ a tawng lai le, zungzâl nungnâk anna ting lai.

MATHAI 20:23

Anih nih chun an sinah, “Ka hâi din ding mi chu nan din ngelchel lai; sikhawmsele, ka vawrhlei ah leh ka kehlei ah to ding thu chu kei pêk ding asi lo le, ka Pa nih a timhtuah piak mi tla rangah asi dauh lai,” a ti.

MATHAI 21:5

na sinah a hawng kal awt ti hen, Zion fanu chu simh rawh,” ti hen, khuavâng kâ ah a sim mi kha a hawng tlung khonâk ding hen chubang chu a hawng um rawh asi.

MATHAI 25:21

Anih nih chun a sinah, ‘To-aw ṭha leh zumhkâi, na ti zia a ṭha, tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 25:23

A pu nih chun a sinah, ‘To-aw ṭha leh zumhkâi na ti zia a ṭha; tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 25:40

Chun, Lalchem nih chun an sinah, ‘Thungâi tak hen ka nan simh na, hi bang ka unau mê chem mi tla lakah pakhat tlûnah nan ti mi chu ka tlûnah ti nan si, ti hen,’ a sâng na lai.

MATHAI 25:41

“Chu thluh chun, a kehlei ah mi tla sinah khawm chun, ‘Siatbarh mi tla, zungzâl mei Diabol leh mifial tla rangah an timhtuah mi lakah chun hawng ka kaltâk u,

MATHAI 27:37

A phiarnâk, “HI JISU HI JUDA TLA LALCHEM ASI,” ti hen rîn mi a lû tlûnah an bêk.

MATHAI 3:2

“Rim u, Vân Ram chu a nâi rawh,” ti hen, Judai ramkaro ah thusim hen a hawng kal.

MATHAI 5:19

Chuvachun, âuzawng hi bang thupêk mê chem lakah hin pakhat mawh buar hen, chu hâwi ti bâk ding hen mi le tla sîntirtu zawng chu Vân Ram ah mi mêchem an ti lai; khawmsele, âuzawng Dân zâwt hen, sîntir bâktu zawng chu Vân Ram ah chun mi lian an ti lai.

MARK 10:17

Chun, kal ding hen Jisu a suak liauah minung pakhat amah leiah a hawng tek le, a mâika ah a siksidîr le, a sinah, “Sîntirtu ṭha, zungzâl nungnâk ka ting khonâk ding hen zei me ka ti lai?” ti hen a deih.

MARK 10:40

Sikhawmsele, ka vawrhlei ah mawh ka kehlei ah mawh to ding thu chu kei pêk ding asi lo le, an timhtuah piak na mi tla rangah asi dauh lai,” a ti.

LUK 11:28

Sikhawmsele, anih lam nih chun, “Pathian thu theih hen zâwttu tla hi mi vânṭha an si dauh, ti sim a ṭha dauh,” a ti.

LUK 11:50

Chuvachun, Abel thisen suak thawk hen Zekaria, mâichâm leh biakin karah thah mi thisen suak tiang khan, khuavâng zawzawng thisen, tual um tîr thawk hen suak mi chu, tûliau san mi tla tlûnah hin phû an lam kho lai,’ a ti kha. Ka nan simh na, tûliau san mi tla tlûn khawm hin phû an lam lai.

LUK 12:32

“Murui tâwm tla, lâu lah u; ram an pêk na mi hi nan Pa lawmhkâng tak asi.

LUK 19:38

“Lalpa min hen Lalchem a hawng kal mi chu a thaw a suak! Vân ah rem thu lêng seh. Pathian sinah rokualnâk um seh!” ti hen, Pathian an sawr rawh.

JOHAN 1:49

Nathanael nih, “Sîntirtu, Pathian Fapa na si, Israel tla Lalchem na si hi,” ti hen a sâng.

JOHAN 12:13

Tûmkâu tla an put le, amah dawng ding hen an va suak le, “Hosana, Lalpa min hen Israel Lalchem a hawng kal mi chu a thâw a suak,” ti hen, an âu.

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

JOHAN 19:15

Chun, annih chu an âu le, “Thah rawh, thah rawh, kraws ah khenhbêk rawh!” an ti. Pilat nih an sinah, “Nan Lalchem hi kraws ah ka khenhbêk lai ma?” a ti. Bâwlpu lal tla nih, “Rom Lalchem lo chu lalchem kan nei lo,” an ti le, an sâng.

THILTI 15:18

Laikulh siam tîr thawk hen hi bang thu theihtir tâwntu Lalpa nih chun a ti,’ ti rîn hi.

THILTI 3:26

Pathian nih a to-aw chu a ruat le, nan sual tla hertâk tir chiau ding hen mal a nan sâwm na ding hen nanmah sinah a hawng fial masa chem asi hi,” a ti.

ROM 8:17

Chun, fa tla kan si chun ro tingtu tla kan si le, Pathian ro tingtu, Krist tingpitu tla kan si. Jisu kan tuarpi tatak chun a sinah chawnglawmh hen kan um bâk lai.

1 KORIN 15:50

Unau le tla, taksa leh thisen nih hin Pathian Ram chu a luah kho lai loh; thû kho nih hin thû kho lo chu a luah kho lai loh ti ka sim asi.

1 KORIN 2:9

Pathian lasui thu nih, “Mit nih muh dahlo, nâ nih theih dah loh, minung thinlung a lût dah loh, Pathian nih a dâwt mi rangah a timhtuah mi vial tla chu,” ti hen, a sim hâwi khan.

1 KORIN 6:9

Asi chun, mirep lo tla nih chun Pathian Ram an luah lai loh ti nan theih lo masi? Perpet hen um lah u; pung-le-lêng mang tla mawh, ruk sawnh tla mawh, ṭângdang pawmtâktu tla mawh, mi hur tla mawh, tawkua hur tla mawh,

GALATIA 5:21

nahsuahnâk, zû rîtnâk, zû mun ah lâwmnâk tla, hi bang tla hi: Chubang tla chu a lânah, chu hâwi thil ti mang tla nih chun Pathian Ram anna ting lai loh ti ka nan simhkan na hâwi khan ka nan simhkan na hi.

EPHESI 5:5

Pung mang leh mi nâwmtâm leh mi duhlei rerêng nih chun (mi duhlei chu ruk sawnhtu asi) Krist leh Pathian Ram ah chun tingvo rêng an nei lo ti nan theih asi.

2 TIMOTHE 2:12

Kan tuar chun a lâirêlnâk ah lâi kan rêl lai. Amah kan phehtâk chun anih khawm nih hawng kan phehtâk lai.

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

HEBRAI 1:14

Vânmifial tla chu zei an si ne? Annih tla chu Thlarau ver Pathian rianṭuantu, ruangsuahnâk tawngtu ding mi tla sinah ṭangpi ding hen fial an si.

HEBRAI 11:16

Ram ṭha dauh, vân ram duh mi an hawng si le; Pathian nih an Pathian ti hen an kawh ding chu a ningzak loh, an rangah khuapi a timhtuah piak na rawh ruangah.

HEBRAI 4:3

Kannih lung rawh mi tla hi chu lût hen Pathian sinah kanna dîn asi. “Ka thinthawk le, ka siatsirh hâwi khan ka sinah lût hen anna dîn lai lo,” a ti hâwi khan. Laikulh siam tîr thawk hen a rian tla chu ṭuan thluh rawh khawmsele ti thu hi a sim asi.

HEBRAI 9:26

Chu hâwi si lah sele tual tuah tîr thawk hen vei tam tak a tuar rawh ding asi; sikhawmsele, tuliau hun dawnghlei ah hin bâwlnâk ah va a mang chawlh hen sual veihnâk ding hen veikhat ah a hawng lang asi.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

1 PETER 1:9

Nan lungnâk thiltum, nan thlarau tla ruangsuahnâk chu nan tawng ruangah.

1 PETER 3:9

Sual chu sual hen rulh lah u, siatbarhtu chu siatbarh bâk lah na u, chu ngâk chun mal lam sâwm lehlam na u. Churuang chun malsâwmnâk ting ding hen Pathian nih a nan kawh na asi.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.

THUPHUANG 19:16

Chun, a puan leh a kê ah min rîn, “lal tla Lal leh hotu tla Hotu,” ti hen a um.

THUPHUANG 21:7

A nehtu vial nih chubang tla chu ka sinah mi a tawng lai le, anih chu ka fa asi lai.

THUPHUANG 5:10

Kan Pathian rianṭuan ding hen Lalram bâwlpu ah na siam na rawh, chun, tual ah chun lâi an rêl lai,” ti hen la thar an sak rawh.