MATHAI 25:32 - Bawm Common Language Bible Version

³² Chun, a mâika ah phun kip anna pûm lai le, dawrâ vêngtu nih kêl lakah mi dawrâ a thlei hâwi hen annih tla chu a thlei lai.

MATHAI 25:32 ပူးပေါင်းရင်းမြစ်များ

SAM 1:5

Misual tla chu Pathian nih a mawhtir na hen a mi tla thawk hen a thlei na lai.

SAM 78:52

Churawhchun, a mi tla chu dawrâ vêngtu hâwi hen a rui na le, ramkaro ah a lanpi na.

SAM 96:13

lâirêl ding hen LALPA a hawng tik chun laikulh mi chu dik tak leh ṭha tak hen lâi a rêl piak na lai.

SAM 98:9

laikulh lâirêl ding hen a hawng ruangah. Laikulh minung tla chu ṭha tak leh dik tak hen lâi a rêl piak na lai.

EZEKIEL 20:38

Nan lakah mi hel mang leh misual zawzawng chu ka lâk peng na awt. Tuah an umnâk ram ah mi ka lâk na lai le, sikhawmsele Israel ram leiah lam chun ka kîrtir na awtlo. Chu tikah kei, LALPA kasi ti nan theih lai,” a ti.

MALAKI 3:18

Veikhat chu ka mi tla nih mirep leh misual tlûnah thil a hawng um ding mi tla, ka rianṭuantu leh ṭuanlotu tlûnah â dang zia an muh teh lai,” a ti.

MATHAI 13:49

Laikulh dawngh tikah chun chu hâwi ber hen a um lai. Vânmifial tla chu an hawng suak lai le, mirep lakah mi misual tla chu an thlei na lai;

MATHAI 28:19

Chuvachun, kal ule, phun kip lakah mi ṭhiruai tla ah siam na ule, Pa leh Fapa leh Thlarau Thenhlimh min hen baptis na ule, thu ka nan pêk na mi zawzawng zâwt ding hen sîntir na u.

MATHAI 3:12

A kut hen a zâpnâk a put lai le, a chîlnâk mun ah a zâp phin lai le, a siahnâk ah fâng a râwn lai, a hî lam chu mei mit kho lo hen a duah hep lai.”

JOHAN 10:14

Kei lam chu dawrâ vêngtu ṭha kasi; Pa nih a ka theih mi leh kei nih Pa ka theih hâwi hen ka tâ ka theih le; ka tâ khawm nih an ka theih asi;

JOHAN 10:27

Ka dawrâ tla nih ka aw an theih tâwn, kei khawm nih annih chu ka theih na le, annih nih chun an hawng ka zûl tâwn;

ROM 2:12

Âuzawng Dân nei lo hen thil a sual mi chu Dân lo hen a vei lai, chun Dân nei hen a sual mi chu Dân ah lâirêl hen a um lai.

ROM 2:16

Pathian nih Thâwngthâng Ṭha ka sim hâwitê hen minung thinlung tla lakah mi thuthup tla chu Jisu Krist mang hen lâi a rêl ding Ni ah chun rêl hen an um lai

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.

1 SAMUEL 2:10

LALPA mêlma tla chu veih an si lai le, vân thawk hen khuarît hen a do na lai. LALPA nih laikulh pumpi lâi a rêl lai le; a lal sinah thiltikhonâk a pêk lai, a lal thîm ruangah nehnâk a pêk lai,” a ti.