MATHAI 25:31 - Bawm Common Language Bible Version

³¹ “Sikhawmsele, Minung Fapa hi, a vânmifial tla zawzawng hen, a rokualnâk hen a hawng kal tikah a rokualnâk laltophah ah a to lai.

MATHAI 25:31 ပူးပေါင်းရင်းမြစ်များ

SAM 9:7

Sikhawmsele, LALPA chu zungzâl Lalchem asi; lâirêl ding hen a laltophah chu a toh.

ZEKARIA 14:5

Chu tlâng panih tivakuam a ṭhen phawknâk hen nan suak lai. Juda lal Uziah san ah lî ninh liauah an thlâk natu an tek mi hâwi hen nan tek lai. LALPA ka Pathian chu a vânmifial tla zawzawng put hen an hawng lai.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 19:28

Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

MATHAI 25:6

“Chun, zân lâi chirah chun, ‘Ngâinik u, mo dâwngpu a hawng kal rawh, amah dawng ding hen hawng suak u!’ ti hen, âu hâu a hawng um rawh.

MATHAI 26:64

Jisu nih a sinah, “Si ta a. Sikhawmsele, ka nan simh, hi nûnah Minung Fapa hi thiltikhonâk vawrhlei ah to hen, a vân sûm tlûnah a hawng kal mi nan muh awt asi,” a ti.

MARK 14:62

Chun, Jisu nih, “Ka si; Minung Fapa hi thiltikhonâk vawrhlei ah to hen, vân sûm lakah a hawng mi nan muh awt asi,” a ti.

MARK 8:38

Âuzawng tu san zumhkâilo leh thilsual ti mang tla lakah keimah leh ka thu zahpitu zawng chu, Minung Fapa nih hin vânmifial thenhlimh tla hen a Pa rokualnâk ah a thuam hen a hawng kal tikah chun chu minung chu a hawng zahpi bâk lai,” a ti.

LUK 22:69

Sikhawmsele, tu rî hen chun Minung Fapa hi Pathian thiltikhonâk vawrhlei ah a to lai rawh,” a ti.

LUK 9:26

Âuzawng keimah leh ka thu zahpitu zawng, Minung Fapa nih hin, amah rokualnâk hen leh a Pa rokualnâk hen vânmifial thenhlimh tla rokualnâk hen a hawng kal tikah chun, chu minung chu a zahpi lai.

JOHAN 1:51

Chun, Jisu nih a sinah, “Thungâi tak hen ka nan simh, vân â awng hen, Pathian vânmifial tla Minung Fapa tlûnah hin ṭum leh kâi nan muh teh lai,” a ti,

THILTI 1:11

Annih nih chun, “Galili ram mi tla, zei rangah vân lei zauh hen nan dîr ko? Hi Jisu nan sin thawk hen vân ah kâi hen a um mi hi vân ah a kâi mi nan muh hâwi ber hen amah ngelchel hi a hawng kal nawlh lai,” an ti.

1 THESALONIKA 3:13

Chun, kan Lalpa Jisu a mi thenhlimh zawzawng tla hen a hawng kal tikah, kan Pathian leh kan Pa mâika ah nan thinlung tla thenhlimhnâk leikângah simsâwi kawplo hen a nan birhtir kho na lai.

1 THESALONIKA 4:16

Lalpa tak chu âu hâu hen, vânmifial chungnungchem hâu hen, Pathian tâwtawrâwt hâu hen, vân thawk hen a hawng ṭum awt dangâiah; chun, Krist ah thi rawh tla chu an thawk masa lai le;

HEBRAI 1:8

Fapa leikâng thu ah lam chun Pathian nih, “Aw Pathian, na laltophah chu zungzâl hen a um ding hen asi, diknâk hen na ram tlûnah lâi na rêl.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

JUD 1:14

Adam thawk hen san sarihnâk Enok nih chun chubang tla thu chu hun sâwt tak thawk hen a simkan rawh asi, “Ngâinik u, Pathian lunglotu tla nih an thilti leh an thusim ṭihnungkâi tak leh Pathian an simsiat ruangah, lâirêl ding hen Lalpa chu a vânmifial thenhlimh sâng tam tak hen a hawng awt,” ti hen.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.

1 SAMUEL 2:10

LALPA mêlma tla chu veih an si lai le, vân thawk hen khuarît hen a do na lai. LALPA nih laikulh pumpi lâi a rêl lai le; a lal sinah thiltikhonâk a pêk lai, a lal thîm ruangah nehnâk a pêk lai,” a ti.