MATHAI 25:21 - Bawm Common Language Bible Version

²¹ Anih nih chun a sinah, ‘To-aw ṭha leh zumhkâi, na ti zia a ṭha, tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 25:21 ပူးပေါင်းရင်းမြစ်များ

THUFING LASUIBU 14:35

Rianṭuan ṭha nih chun lal tla a lawmhtir le, sikhawmsele ṭuan lotu tla chu an rêp na.

THUFING LASUIBU 28:20

Mi zumhkâi tla nih chun, thinlung ah duhnâk tling hen nunnuam tak hen an um lai. Sikhawmsele neih mawhlah tuk na si chun, rêp hen na um lai.

MATHAI 24:45

“To-aw zumhkâi, fing tak, a pu nih a tik kip ah an buh ting ding ṭhen piak ding hen a dâwngsung tla tlûnah hotu ah a siam mi chu, a zei mi chem me asi lai?

MATHAI 24:47

Thungâi tak hen ka nan simh na, a neih zawzawng tlûnah hotu ah a siam lai.

MATHAI 25:23

A pu nih chun a sinah, ‘To-aw ṭha leh zumhkâi na ti zia a ṭha; tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 25:46

Chun, chubang chu zungzâl rêpnâk ah an kal lai; mirep tla lam chu zungzâl nungnâk ah an kal lai,” a ti.

LUK 12:44

Dik tak hen, ka nan simh na, a neih zawzawng tlûnah hotu ah a siam lai.

LUK 16:10

Âuzawng tâwmtê lakah zumhkâi chu tam tak lakah khawm zumh a kâi tâwn, âuzawng tâwmtê lakah zumhkâilo mi chu tam tak lak khawm ah zumh a kâilo tâwn asi.

JOHAN 12:26

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

JOHAN 14:3

Chun, nan rangah mun ka va siam chun, ka hawng nawlh lai le, ka sinah ka nan lâk na lai; ka umnâk ah nannih khawm nan um kho bâknâk ding hen.

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

ROM 2:29

Khawmsele, a lêngpuan si lo hen Juda mi si chu Juda mi tak asi. Chun, fêmtan tak chu thinlung leikângah tan asi, lasui thu ah ko si lo hen thlarau ah asi; chu lakah chun minung sawr a lawh lo le, Pathian sawr an lawh dauh asi.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 KORIN 10:18

Mah simṭhat nih chun sawr a lawh lo le, Lalpa nih a simṭhat mi chu sawr a lawh dauh asi.

2 KORIN 5:9

Churuangah, um sele, um lah sele, amah lawmhkâng si kan tum thlir tâwn asi.

PHILIPI 1:23

A lâi laklawh ah hin a ngaihnâk theihlo hen ka um ko asi, suak hen Krist sinah um duhnâk ka nei ruangah, chu chu thungâi a ṭha dauh asi.

1 TIMOTHE 3:13

Kawhmi rianṭuan leikâng ṭha tak hen ṭuan rawh mi tla nih chun Krist Jisu ah dîrnâk ṭha tak leh lungnâk leikâng ah râlṭhatnâk lian tak anna ting.

2 TIMOTHE 2:12

Kan tuar chun a lâirêlnâk ah lâi kan rêl lai. Amah kan phehtâk chun anih khawm nih hawng kan phehtâk lai.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

THUPHUANG 21:7

A nehtu vial nih chubang tla chu ka sinah mi a tawng lai le, anih chu ka fa asi lai.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.

THUPHUANG 7:17

Laltophah lâiah a um mi Dawrâ Fa chu an vêngtu asi lai le, nungnâk tiva ah a kalpi na lai; chun, Pathian nih an mit ah mi mitthli zawzawng a nâwt piak na lai,” a ti.