MATHAI 25:10 - Bawm Common Language Bible Version

¹⁰ Chun, châwk ding hen an kal kar chun mo dâwngpu chu a hawng tlung rawh. Chun, a râlring mi tla chu amah hen lâwinâk puai ah an lût le, chun, in chu an khâr rawh.

MATHAI 25:10 ပူးပေါင်းရင်းမြစ်များ

GENESIS 7:16

a nunau leh a mipa chu Noa sinah lawng ah an lût bâk rawh. Churawhchun, LALPA nih Noa dunglei ah kawtkâ chu a khâr rawh.

SAM 95:11

Ka thin a thawk le, thutiam fâk tak ka siam: ‘Dinhnâk ding ka nan pêk na mi ram ah chun nan lût rêng lai lo,’ ” ti hen.

MATHAI 24:42

Churuang chun a ringrâwn u, zei ni ah me nan Lalpa a hawng kal awt nan theih lo ruangah.

MATHAI 24:43

Sikhawmsele, hi hi theih u, mifîr a hawng kal tik ding in dâwngpu nih theih sele, a vêng lai le, a in a rawktir lai lo.

MATHAI 24:44

Churuangah, nannih khawm râlring kumza hen um u, nanna râlring lo tikah Minung Fapa a hawng kal awt ruangah.

MATHAI 25:6

“Chun, zân lâi chirah chun, ‘Ngâinik u, mo dâwngpu a hawng kal rawh, amah dawng ding hen hawng suak u!’ ti hen, âu hâu a hawng um rawh.

MATHAI 7:21

“ ‘Lalpa, Lalpa’ hawng ka titu namên Vân Ram ah an lût lai lo; ka Pa vân ah mi duhzia titu lam chu an lût lai.’

LUK 12:35

“Nan tâisâwm sâwm zet hen, nan khâwnvâr khawm alh kumza hen um u;

LUK 13:25

In dâwngpu a thawk hen, in a khâr nûnah chun, nannih lênglei ah dîr hen, ‘Lalpa in hawng kan awnh,’ ti hen, inkhâr nan hawng kik tikah anih nih: ‘Kha zei lei mi me nan si ka nan theih na lo;’ ti hen a nan sâng na lai:

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

1 PETER 1:13

Churawhchun, rianṭuan ding hen nan thinlung ah a tîm u. A ringrâwn ule, Jisu Krist a hawng a langh tikah malsâwmnâk a nan pêk na ding mi lakah nan lungumnâk zawzawng chu ngauh u.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.

THUPHUANG 19:7

lâwptlo tak hen kan um lai le, amah kan chawnglawmh lai, Dawrâ Fa nupi neih chu a zâ rawh le, a nupi khawm â tîm zet rawh,” a ti mi kha ka theih.

THUPHUANG 22:20

Hi thu theihtirtu nih hin, “Ka hawng kal tuan awt,” a ti. Amen, hawng kal ko me, Lalpa Jisu!