MATHAI 24:9 - Bawm Common Language Bible Version

⁹ “Chu tikah chun hamh tuar ding hen a nan tleihtir na lai le, an thah na lai; ka min ruangah phun zawzawng huat nan si lai.

MATHAI 24:9 ပူးပေါင်းရင်းမြစ်များ

THUFING LASUIBU 29:27

Mirep nih misual a hua, misual nih mirep a hua.

DANIAL 11:33

Mifing ruitu tla nih midang tam tak tla rangah an finghnâk an ṭhenh na bâk lai. Sikhawmsele, sâwtlotê kar chu a zeimaw mi chu râltuknâk ah an thah lai le, a zeimaw mi mei hen thi thlo an duah lai le, a zeimaw mi rêngin ah an thlâk na lai.

MATHAI 22:6

midang tla nih chun a to-aw tla chu an tleih le, ningzakkâi tak hen an siam le, an thah ving.

MATHAI 23:34

Churuang chun nan sinah khuavâng tla, mifing tla, Dân sîntirtu tla ka hawng fial awt; zeimaw mi nan thah lai le, kraws ah nan khenh lai, zeimaw mi nanna pumhnâk in tla ah savun ri hen nan vuak lai le, khua kip ah nan nehsawh vima na lai.

LUK 11:49

Churuangah, Pathian finghnâk khawm nih, ‘An sinah khuavâng tla leh mifial tla ka fial lai le, a zeimaw mi an thah lai le, a zeimaw mi an nehsawh lai.

LUK 21:12

Sikhawmsele, chubang thil zawzawng a hawng tlung lânah chun a nan tleih na lai le, an nehsawh na lai. Pumhnâk in tla ah an kalpi na lai le, rêngin tla ah an khumh na lai; lalchem tla leh governor tla mâika ah an kalpi na lai.

JOHAN 15:18

“Laikulh nih a nan hua na chun, an hua na lân khawm ah keimah an ka hua ti nan theih.

JOHAN 15:21

Sikhawmsele, hi bang thil zawzawng hi ka min ruangah nan tlûnah an ti lai, hawng ka fialtu an theih lo ruangah.

JOHAN 16:2

Pumhnâk in ah mi an nar na lai le; asi, âuzawng an thah natu vial nih Pathian tlûnah thil ṭha ti hen anna ruat lai, chu tik chu a hawng tlung awt.

THILTI 28:22

Khawmsele, hi murui hi ram kip ah simsiat an si le, nangnih zeitin na ngaih, theih kan duh,” an ti.

THILTI 7:59

Chun, Stephen nih, “Lalpa Jisu, ka thlarau lâk rawh,” ti hen, Lalpa a kawh liauah lung hen an seh chiam.

1 PETER 4:16

Sikhawmsele, Kristian na si ruangah na tuar chun ningzak lah, Krist min hen na tuar ruangah chun Pathian sinah lâwmthu sim lehlam rawh.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,