MATHAI 24:7 - Bawm Common Language Bible Version

⁷ Phun dang leh phun dang anna do lai le, ram dang leh ram dang anna do lai. Mun dang dang ah pâm a tlung lai le, lî tla â nîn lai.

MATHAI 24:7 ပူးပေါင်းရင်းမြစ်များ

2 CHRONICLES 15:6

Pathian nih hamhnâk leh nawknâk a tlungtir ruangah phun leh phun, khuapi leh khuapi anna do.

ISAI 19:2

LALPA nih, “Aigupta ram sungah donâk ka siam lai le, u leh nau karah donâk leh zâwlbâwm leh zâwlbâwm kar lakah donâk ka lêngtir lai. Helnâk khuapi tla chu anmah leh anmah anna do lai, lalchem hel tla khawm thiltikhonâk ah zuam hen anna do lai.

ISAI 29:6

Lâkkhatko ah ruatlo hâwi tak hen LALPA Zeizawng tikho nih ruah tukpi lakah khua a rî mi leh linîn hen ruang a nan suah na lai. Thlipi leh meialh a hawng fial lai le;

EZEKIEL 14:21

Hi hi LALPA Zahkâi nih a sim mi chu asi: “Jerusalem tlûnah rêpnâk ṭhalo chem pali, râltuknâk, pâmnâk, ramsa tla leh râi, ran leh minung bang cho veihtu ka tlungtir awt.

EZEKIEL 21:27

A râwk rawh, a râwk rawh! Asi khuapi chu ka râwk rawh. Sikhawmsele khuapi rêptu ding ah ka ruat mi minung a hawng kal lânlo chu hi hâwi hi a um lai lo rawh. Chu tik lam chun amah ka pêk lai.

ZEKARIA 14:13

Chu tikah chun LALPA nih thungâi a nawktir na lai le, lâu hen mikip nih an kiangah mi an deih hen an do na lai.

LUK 21:11

lî fâk tak â nîn lai le, mun dang dang ah pâm a tlung lai le, râi a lêng lai le; vân thawk hen thil ṭihnungkâi tla leh singsiahnâk cherkhet tla a hawng um lai.

THILTI 11:28

Chun, an lakah minung pakhat a min, Agaba a dîr le, laikulh zawzawngah pâm fâk tak a tlung awt ti Thlarau simh hen a theihtir le; chu pâm chu Klaudia lal liauah a hawng tlung rawh.

THILTI 2:19

Chun, tlûnlei vân ah thilchê tla, leh tanglei tual ah singsiahnâk tla ka muhtir lai. Thisen, mei leh meikhû tla hen;

HEBRAI 12:27

“Veikhat chu ka ninh nawlh lai,’’ ti mi nih hin, thil â nîn lo mi tla chu a um kumza khonâk ding hen thilsiam tla chu ninh leh ṭhial hen a um awt ti fiang tak hen a langhtir asi.

THUPHUANG 6:12

Chun, Dawrâ Fa nih singsiahnâk paruknâk chu a samh mi ka zauh le, chun lî thungâi a hawng a nîn le, nî chu samul puandum hâwi hen a hawng dum le, thlâ khawm thisen hâwi hen a hawng sen.

THUPHUANG 6:5

Chun, singsiahnâk pathumnâk chu a samh kâ hen, thilnung pathumnâk nih chun, “Hawng rawh,” a ti mi ka theih; chun ka zauh le, rang dum ka muh, a tlûnah â chuan mi nih chun khinghnâk a put.

THUPHUANG 6:6

Chun, thilnung pali tla lâiah chun aw-hâu hâwi hen, “Ni khat lawhman wheat fâng khîng khat, ni khat lawhman hen barley fâng khîng thum; oliv thing leh grep zûn lam chu râwk lah,” a ti mi ka theih.

THUPHUANG 6:8

Chun, ka zauh le, rang a dâng mi ka muh le, a tlûnah â chuan mi min chu Thihnâk an ti, a dunglei ah Mithi khua nih a hawng zûl sawm. Nâmsâu hen thah ding leh pâmnâk, râi leh sarâng hen thah na ding hen tual mun li ṭhen hen mun khat tlûnah thuneihnâk an pêk.