MATHAI 24:6 - Bawm Common Language Bible Version

⁶ Chun, tuknâk thuthang nan theih teh lai; nan lawksawng lonâk ding hen a thiamthih u; chubang tla chu a hawng tlung ding rêng asi. Sikhawmsele, dawnghnâk chu asi lai lo rih.

MATHAI 24:6 ပူးပေါင်းရင်းမြစ်များ

SAM 112:7

Thâwngthâng ṭhalo a theih khawm ah a ningṭih lo; a lungnâk chu a bir le, LALPA a rinhsanh.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 7:4

Râlring zet hen dâisip um ding hen va simh, ningṭih hen a thinlung a nawktir lah seh. Lalchem Rezin leh a mi tla leh Lalchem Pekah chu ṭhianṭhunh panih mei nih a muat mi khû tluk hen khawm ṭihnung an kâi lo.

JEREMIA 47:6

‘LALPA nâmsâu! Zeitiang na vei awt? Na pâi ah kîr le, chunah chun um le, a dîn rawh,’ ti hen na âu.

EZEKIEL 21:28

“Thikho mi minung, thu simkan rawh. Kei, LALPA Zahkâi nih ka sim mi hi Amon mi tla Israel zauhnawmhtu tla sinah sim. Hi hâwi hen simh na: ‘Nâmsâu chu veih ding hen tîm chia asi le; Mîmthlalek hâwi a tlêu hen thah ding hen tât asi rawh.

MATHAI 2:3

Chun, lalchem Herod nih chun chu chu a theih kâ hen a lawksawng rawh. Jerusalem mi zawzawng khawm an lawksawng bâk.

MATHAI 24:14

Chun, hi Ram Thâwngthâng Ṭha hi phun zawzawng theihtirnâk ding hen laikulh zawzawng ah sim hen a um lai; churawhchun a dawnghnâk a tlung lai.

MATHAI 26:54

Sikhawmsele, ngiar menza khawmsele zeitin Pathian lasui thu hi hâwi hen a hawng um ding mi thu hi a hawng tlung kho lai?” a ti.

LUK 21:19

Nan felfênâk nih nan nungnâk a hum lai.

LUK 21:9

Chun, tuk thu leh nawknâk thu nan theih tikah ṭih lah u. Chubang chu a hawng tlung masa ding rêng asi. A dawnghnâk lam chu a tlung sawm lai lo rih,” a ti.

LUK 22:37

Ka nan simh na hi, ‘Anih chu misual lakah an rêlsih rawh,’ ti rîn kha ka tlûnah a hawng tlung ding asi; ka thâwngthâng thu tla kha a tlung dih awt rawh,” a ti.

JOHAN 14:1

“Nan thinlung lawksawng lah seh; Pathian zumh u, kei khawm hawng ka zumh u.

JOHAN 14:27

“Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

2 THESALONIKA 2:2

tinâk thlarau ruangah mawh, thu ruangah mawh, kan sin thawk hen lasuikuat hen mawh, nan thinlung â nîn sawm lonâk ding leh nanna nawklonâk ding hen kan ngiar na.

THUPHUANG 6:4

Chun, rang dang a sen mi a hawng suak nawlh le, a tlûnah â chuan mi sinah chun tual tuknâk umtir ding hen thuneihnâk an pêk, khatlei khatlei anna thah tawnh ding hen; chun nâmsâu lianpi an pêk.