MATHAI 24:5 - Bawm Common Language Bible Version

⁵ Mi tam tak nih, ‘Mesia chu kasi,’ ti hen, keimah min sâl hen an hawng kal lai le, mi tam tak an perpet awt ruangah.

MATHAI 24:5 ပူးပေါင်းရင်းမြစ်များ

JEREMIA 14:14

Sikhawmsele LALPA nih a sâng le, “Khuavâng tla nih ka min hen âwkrâwl thu an sim, mi tla chu Kei nih ka fial na mi an si lo, an sinah thu ka pêk na lo, kâ khat khawm an sinah thu ka sim lo. Langhnâk thu an sim mi khawm Kei thawk hen mi asi lo; an simkannâk tla an ruat mi khawm zeikhawm asi lo.

JEREMIA 23:21

LALPA nih, “Chubang khuavâng tla chu kei nih ka fial na lo, sikhawmsele an kal. Zei thu khawm ka chah na lo, sikhawmsele ka min hen thu an sim.

JEREMIA 23:25

Khuavâng tla nih ka min hen âwkrâwl thu an sim le, an mang leiah thuchah ka pêk na mi ti hen an sim.

JEREMIA 37:9

Babulon chu hawng ding nget an si ruangah Kei, LALPA nih ka nan simhkan na mi lakah hin Babulon mi tla chu an hawng kîr lo ding hen thinlung ah ruat lah u.

MATHAI 24:11

Chun, khuavâng telê tam tak khawm an hawng suak lai le, mi tam tak an perpet lai.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

JOHAN 5:43

Ka Pa min hen ka hawng mi asi, nannih nih nan ka pawm lo; midang amah min hen hawng sele, anih chu nan pawm lai.

JOHAN 8:24

Churuangah, nan sinah, ‘Nan sual mawhnâk lakah nan thi lai,’ ka ti mi kha; anih chu kasi ti nan lung lo chun, nan sual mawhnâk lakah nan thi lai,” a ti.

JOHAN 8:28

Chuvachun, Jisu nih, “Nannih nih Minung Fapa hi nan thlâi tikah, anih chu kasi ti leh kei nih mah thu hen zei thil khawm ka ti lo, Pa nih hawng ka simh hâwi vima hen hi bang thu hi ka sim dauh asi ti nan theih teh lai.

1 JOHAN 2:18

Ka fa le tla, tik dawnghnâk chu a nâi rawh, Krist Mêlma a hawng kal lai ti nan theih rawh hâwi khan, tu khawm ah Krist Mêlma tam tak an hawng suak rawh, churuangah chun tik madung chem asi rawh ti kan theih.

1 JOHAN 2:22

Jisu chu Mesia asi ti lunglotu nûnlêm chun mi âwkrâwl âu me um? Krist Mêlma chu Pa leh Fapa lung lotu hi asi.

1 JOHAN 4:3

Sikhawmsele, âuzawng Jisu taksa ah a hawng a chang ti êltu chu Pathian lakah mi Thlarau neitu asi lo, chu chu Krist mêlma thlarau a hawng kal ding nan theih mi asi, tu khawm ah laikulh ah a um chia rawh asi.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.