MATHAI 24:45 - Bawm Common Language Bible Version

⁴⁵ “To-aw zumhkâi, fing tak, a pu nih a tik kip ah an buh ting ding ṭhen piak ding hen a dâwngsung tla tlûnah hotu ah a siam mi chu, a zei mi chem me asi lai?

MATHAI 24:45 ပူးပေါင်းရင်းမြစ်များ

EXODUS 36:4

Churawhchun, mi zungthiam rianṭuantu tla chu Mosi sinah an va kal le,

THUFING LASUIBU 14:35

Rianṭuan ṭha nih chun lal tla a lawmhtir le, sikhawmsele ṭuan lotu tla chu an rêp na.

THUFING LASUIBU 28:20

Mi zumhkâi tla nih chun, thinlung ah duhnâk tling hen nunnuam tak hen an um lai. Sikhawmsele neih mawhlah tuk na si chun, rêp hen na um lai.

EZEKIEL 34:2

Nannih Israel dawrâ vêngtu tla, nan vânduai rawh! Nanmah kawngkâ cho nan ruat le, sikhawmsele dawrâ nan zauhkhenh lo.

EZEKIEL 46:24

Chu minung nih chun, “Hi bang tla hi mi nih bâwlnâk an ap mi Biakin rianṭuantu tla buh-an suangnâk in asi,” ti hen hawng ka simh.

MATHAI 10:16

“Ngâinik u, chingngia nâwngah dawrâ um hâwi hen ka nan fial na hi: chuvachun, rûl hâwi hen fing hen, vaṭhu hâwi hen pawi khawih lo hen um u.

MATHAI 13:52

Chun, anih nih chun an sinah, “Chu hâwi asi chun, Dân sîntirtu Vân Ram lampi sîntir hen um mi vial chu in dâwngpu a robâwm lakah mi thil thar tla leh thil li tla thuak tâwntu hâwi chu asi,” a ti.

MATHAI 24:46

A pu a hawng kal tik ah to-aw chubang hâwitê ti hen a hawng muh mi chu a thaw a suak lai.

MATHAI 25:2

An lakah panga an â le, panga an fing.

MATHAI 25:21

Anih nih chun a sinah, ‘To-aw ṭha leh zumhkâi, na ti zia a ṭha, tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 25:23

A pu nih chun a sinah, ‘To-aw ṭha leh zumhkâi na ti zia a ṭha; tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

MATHAI 7:24

“Chuvachun, mikip hi bang ka thu theih hen zâwttu zawng chu, mi fing lungpi tlûnah in saktu hen tahṭhimh ding asi.

LUK 19:17

Chun, anih nih chun a sinah, ‘To-aw ṭha, na ti zia a ṭha; tâwmtê tlûnah zumh na kâi ruangah khua râ lakah hotu ah um rawh,’ a ti.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

1 TIMOTHE 1:12

Kan rianṭuan ah hawng kan chaktirtu kan Lalpa Jisu Krist sinah lâwmthu ka sim asi. Zumhkâi hen hawng ka ruat le, amah rianṭuantu ah hawng ka ruat ruangah a sinah lâwmthu ka simh.

2 TIMOTHE 2:2

Chun, theihtu tam tak tla lakah ka kâ ah thu na theih mi tla kha, chubang chu mi zumhkâi midang tla sîntir singsuan khotu ding tla sinah chun kiltir rawh.

HEBRAI 3:5

Pathian in ah Mosi chu to-aw hâwi hen zumh a kâi le, Pathian nih mâilei ah a sim ding mi thil tla thusimtu asi.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

RUTH 2:6

Anih nih, “Ramdang mi nungâk, Moab ram thawk hen Naomi a hawng kîr mi sinah a hawng bâk mi ma khi a!