MATHAI 24:37 - Bawm Common Language Bible Version

³⁷ Chun, Noa dam liau hâwi khan Minung Fapa hawng kal nawlhnâk chu asi lai.

MATHAI 24:37 ပူးပေါင်းရင်းမြစ်များ

GENESIS 6:8

Sikhawmsele LALPA nih Noa chu a lawmh.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 24:27

Mîmthlâ saklei ah a hawng lek le, thlanglei tiang khawm hen a lang tâwn le, Minung Fapa a hawng kal nawlhnâk chu chu hâwi chu asi awt ruangah.

MATHAI 24:3

Chun, Oliv Tlângah chun a to liauah ṭhiruai tla anmah lâwng hen a sinah an hawng kal le, “Chubang chu zeitik ah me a hawng um lai? Na hawng kal nawlhnâk leh laikulh dawnghnak singsiahnâk chu zei me si lai? Hawng kan simh rawh,” an ti.

MATHAI 24:30

Chu tik ah chun Minung Fapa singsiahnâk chu vândum ah a lang lai. Chu tik ah chun tual ah chi kip nih an ir an chumh lai le, chun Minung Fapa hi thiltikhonâk leh rokualnâk fâk tak hen vân sûm tlûnah a hawng kal mi an muh lai.

MATHAI 24:39

Buanso a hawng tlung le, an ektê hen a lâk ver na lânlo chu zeikhawm an theih lo. Minung Fapa hawng kal nawlhnâk chu, chu hâwi ber asi lai.

HEBRAI 11:7

Lungnâk hen Noa chu thil a lang lo rih mi leikâng thu ah Pathian simhkannâk thu a ngâi le, Pathian thu zâwt hen a dâwngsung tla ruangsuaknâk ding hen lawng a sâi; chu nih chun laikulh chu a mawhtir rawh. Churuang chun, lungnâk ruangah repnâk chu Pathian thawk hen â ting rawh.

2 PETER 2:5

Pathian nih tuan liau laikulh kha a zuah lo le, amah sunhsak lotu umnâk laikulh ah khan buanso a tlungtir rawh; sikhawmsele, Noa repnâk thu simtu leh midang pasarih chu ruang a suah na asi.

2 PETER 3:6

Chubang lakah chun, chu liau mi laikulh chu tî nih a nîm le, a tlâu rawh ti anna theihtir lo asi.