MATHAI 24:35 - Bawm Common Language Bible Version

³⁵ Tual leh vân a vei lai le, ka thu lam chu a vei lai lo.

MATHAI 24:35 ပူးပေါင်းရင်းမြစ်များ

SAM 102:26

An vei lai le, nang lam chu na um lai; puan hâwi hen an nawh ver lai le, na nawng lai le, an vei lai.

SAM 119:89

LALPA, na thu chu zungzãl tiang a um lai le, vân khawm ah san dawnglo asi.

SAM 19:7

LALPA dân chu a rangtling le, chaknâk thar a pêk. LALPA thupêk chu zumh a kâi asi. Mifinglo tla rangah finghnâk a pêk.

SAM 89:34

A sinah thudân ka tuk mi chu ka siat lai lo le, a sinah thu ka pêk mi pakhattê men ka veih lai loh.

THUFING LASUIBU 30:5

“Pathian nih a thutiam chu a kil. Himnâk ding hen amah kiltu rangah chun phaw hâwi asi.

ISAI 34:4

Nî, thlâ leh ârfi tla valeidip hâwi hen an mân dip lai. Vân chu lasuibuzual mi hâwi hen vei ving hen zual asi lai, ârfi tla chu grep leh theipi nah an tlawng mi hâwi hen an tlâ lai.

ISAI 40:8

Asi, belh chu a uai le, chawmpâr chu a chuai le, sikhawmsele kan Pathian thu chu zungzâl a um kumza lai,” a ti.

ISAI 51:6

Vânlei zauh le tual zauh! Vân chu meikhû hâwi hen a vei ving lai le tual chu puan li hâwi hen a ṭet lai. A minung tla chu thovâi hâwi hen an thi lai. Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu a dawnghnâk asi lai.

ISAI 54:10

Tlâng sâng leh tlâng tênâu tla chu â râwk kho. Sikhawmsele ka nan dâwtnâk chu zeiliau khawm a dawng lai lo; thlangamnâk ka thutiam chu ka theihkumza lai,” a ti. Churuangah LALPA a nan dâwttu nih a sim asi.

ISAI 55:11

Chu hâwi hen thu ka sim mi chu a um lai le, ka tum mi thil chu pakhat khawm a tlawlhnâk a um lai lo; Ti ding hen ka hawng fial mi thil zeizawng chu ti asi lai.

DANIAL 4:28

Chu zawzawng chu lal Nebukadnezar tlûnah a hawng tlung rawh.

NUMBER 23:19

Pathian chu minung hâwi hen âwkrâwl thusim mi asi lo; Minung hâwi hen thinlung dang lemang mi asi lo. Thu a tiamh rawh mi chu a ti vima; A sim mi chu a ti ngelchel.

MATHAI 5:18

Thungâi tak hen ka nan simh na, tual leh vân hi a vei lânlo chu Dân thu ah mi lasui ṭialtê mawh lasui ṭialtê khingkhuai mawh pakhat khawm a vei lai lo, a ektê hen a tlungkim lânlo chu.

MARK 13:31

Tual leh vân a tlâu lai le, ka thu lam chu a tlâu lai loh.

LUK 21:33

Tual leh vân a tlâu lai le, ka thu lam chu a tlâu rêng lai lo.

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

1 PETER 1:25

sikhawmsele, Lalpa thu lam chu zungzâl hen a um kumza asi,” ti hen a sim hâwi khan. Thâwngthâng Ṭha an simh na mi chu hi thu hi asi.

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.

THUPHUANG 3:14

“Laodikei khua kawhmi vânmifial sinah chun rîn rawh: “Amen thawk hen theihpitu zumhkâi tak leh diktak, Pathian thilsiam bul nih khan hi thuchah hi a sim asi.

THUPHUANG 6:14

Chun, vân chu lasuibu an zual mi hâwi hen a tlâu rawh; chun tlâng leh tikulh kip chu an umnâk mun ah mi ṭhial hen an um rawh.