MATHAI 24:30 - Bawm Common Language Bible Version

³⁰ Chu tik ah chun Minung Fapa singsiahnâk chu vândum ah a lang lai. Chu tik ah chun tual ah chi kip nih an ir an chumh lai le, chun Minung Fapa hi thiltikhonâk leh rokualnâk fâk tak hen vân sûm tlûnah a hawng kal mi an muh lai.

MATHAI 24:30 ပူးပေါင်းရင်းမြစ်များ

DANIAL 7:13

Chu zân ah langhnâk lakah chun, minung hâwi lek mi ka muh, sûm tuam buk hen ka leiah a hawng le, nung kumza mi leikângah a va kal le, a sinah a va a pêk.

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

ZEKARIA 12:11

Chu tikah Jerusalem ah lungfâknâk chu Megido phâi ah Hadadrimon ruangah an lungfâk mi hâwi tluk hen an lung a fâk lai.

MATHAI 24:3

Chun, Oliv Tlângah chun a to liauah ṭhiruai tla anmah lâwng hen a sinah an hawng kal le, “Chubang chu zeitik ah me a hawng um lai? Na hawng kal nawlhnâk leh laikulh dawnghnak singsiahnâk chu zei me si lai? Hawng kan simh rawh,” an ti.

MATHAI 24:37

Chun, Noa dam liau hâwi khan Minung Fapa hawng kal nawlhnâk chu asi lai.

MATHAI 24:39

Buanso a hawng tlung le, an ektê hen a lâk ver na lânlo chu zeikhawm an theih lo. Minung Fapa hawng kal nawlhnâk chu, chu hâwi ber asi lai.

MATHAI 26:64

Jisu nih a sinah, “Si ta a. Sikhawmsele, ka nan simh, hi nûnah Minung Fapa hi thiltikhonâk vawrhlei ah to hen, a vân sûm tlûnah a hawng kal mi nan muh awt asi,” a ti.

MARK 13:26

Chu tikah chun Minung Fapa hi thiltikhonâk fâk tak leh rokualnâk fâk tak hen sûm lakah a hawng kal mi an muh lai.

MARK 13:4

“Chubang chu zei tikah a hawng um lai? Chubang zawzawng chu a hawng tlung awt tikah singsiahnâk zei me a um lai? Hawng kan simh,” ti hen, a thup hen an deih.

LUK 21:27

Chu tikah chun Minung Fapa hi thiltikhonâk leh rokualnâk fâk tak hen sûm lakah a hawng kal mi an muh lai.

LUK 22:69

Sikhawmsele, tu rî hen chun Minung Fapa hi Pathian thiltikhonâk vawrhlei ah a to lai rawh,” a ti.

THILTI 1:11

Annih nih chun, “Galili ram mi tla, zei rangah vân lei zauh hen nan dîr ko? Hi Jisu nan sin thawk hen vân ah kâi hen a um mi hi vân ah a kâi mi nan muh hâwi ber hen amah ngelchel hi a hawng kal nawlh lai,” an ti.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.

THUPHUANG 12:1

Chun, thilchê rokual tak vân ah a hawng lang le, nunau nî hen â thuam le, a kê tangah thlâpa a um mi, ârfi leinih hen siam mi lallukhuh â khuh mi a um.