MATHAI 24:27 - Bawm Common Language Bible Version

²⁷ Mîmthlâ saklei ah a hawng lek le, thlanglei tiang khawm hen a lang tâwn le, Minung Fapa a hawng kal nawlhnâk chu chu hâwi chu asi awt ruangah.

MATHAI 24:27 ပူးပေါင်းရင်းမြစ်များ

JOB LASUIBU 37:3

Chung vân ah mîmthlâ, khatlei kâwlkil tiang a lektir.

JOB LASUIBU 38:35

Mîmthlâ chu lek ding hen thu na pêk na chun, na sinah hawng kal hen “Hinah kan um hi” an ti lai ma?

ISAI 30:30

LALPA nih a lâirêl diknâk chu mikip rangah a theihtir lai le, a thinthawknâk fâk tak a theihtir na lai. Chunah chun, meialh tla, sûmpi tla, rial tla, ruah tukpi tla a hawng um lai.

EZEKIEL 1:14

Chu thilnung tla chu mîmthlalek lakah chun khatlei khatlei ah an per.

ZEKARIA 9:14

LALPA chu a mi le tla tlûnah a hawng a langh lai le, mîmthlalek hâwi hen a thalzum tla chu a kah lai. LALPA Zahkâi nih tâwtawrâwt a tum lai le, simlei thawk hen thlipi lakah a kal lai.

MALAKI 3:2

Sikhawmsele a hawng kal ni ah chun âunih tuar kho lai? A hawng lang tikah âu a him kho lai? Anih chu sabung chak tak hâwi leh thîr zawrtirnâk mei hâwi asi lai.

MALAKI 4:5

Sikhawmsele LALPA ni ṭihnungkâi leh rokual tak a hawng tlung lânah nan sinah khuavâng Elija ka hawng fial lai.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

MATHAI 24:26

“Chuvachun, nan sinah, ‘Zauhnik u, ramkaro ah a um, a nan ti na chun suak lah u; ‘Zauhnik u, in kardang sungah a um, a nan ti na chun lung lah u.

MATHAI 24:3

Chun, Oliv Tlângah chun a to liauah ṭhiruai tla anmah lâwng hen a sinah an hawng kal le, “Chubang chu zeitik ah me a hawng um lai? Na hawng kal nawlhnâk leh laikulh dawnghnak singsiahnâk chu zei me si lai? Hawng kan simh rawh,” an ti.

MATHAI 24:37

Chun, Noa dam liau hâwi khan Minung Fapa hawng kal nawlhnâk chu asi lai.

MATHAI 24:39

Buanso a hawng tlung le, an ektê hen a lâk ver na lânlo chu zeikhawm an theih lo. Minung Fapa hawng kal nawlhnâk chu, chu hâwi ber asi lai.

MATHAI 24:44

Churuangah, nannih khawm râlring kumza hen um u, nanna râlring lo tikah Minung Fapa a hawng kal awt ruangah.

MATHAI 8:20

Chun, Jisu nih a sinah, “Kâwlui tla nih kua an nei le, tlûn zuang vâ tla nih bû an nei le, Minung Fapa lam nih chun a lû ngauhnâk a nei lo,” a ti.

JEM 5:8

Chun, nannih khawm felfê tak hen um u. Lungnâk bir tak nei ule, Lalpa hawng kalnâk ni chu a nâi rawh.

2 PETER 3:4

“Ka hawng kal lai, a ti mi chu a hawng lo ne? A zei ah a um? Hawng kan thlâktu tla khawm an thi ver rawh, laikulh tuah tîr thawk hen thil zeizawng a mahmun kumza ko ne?” ti hen an nihsanh na lai.