MATHAI 24:21 - Bawm Common Language Bible Version

²¹ Chu tikah chun hamhnâk fâk tak a um awt ruangah; chu hâwi hen a fâk mi chu tual umtir thawk hen tutiang hen a um dah lo le, um khawm zeitik khawm ah a um nawlh lai lo rawh.

MATHAI 24:21 ပူးပေါင်းရင်းမြစ်များ

EZEKIEL 5:9

Ka hua mi thil zawzawng na ti ruangah Jerusalem chu a lânah ka ti dahlo mi leh ti khawm ka ti awtlo rawh mi rêpnâk hen ka rêp awt.

DANIAL 12:1

Puan nêm aih mi vânmifial nih, “Chu tik chun na mi tla vêngtu vânmifial rokual tak Mikael a hawng lang lai. Churawhchun, lawksawngnâk tik a hawng um lai le, phun tla a hawng um dawmhnâk hen a fâk chem mi asi. Chun hun chu a hawng tlung tik chun na mi tla Pathian lasuibu lakah an min rîn hen a um mi vial an him lai.

DANIAL 9:26

Chu chu hun dawngh ah chun Pathian nih ruitu a thîm mi chu diklo tak hen thah hen a um lai. Lâirêltu thiltikho tak rûntu kawrsen tla nih khuapi leh Biakin khawm an râwk lai. A dawnghnâk chu tîlian hâwi hen Pathian nih a timhtuah mi râltuk leh siatnâk a hawng tlung lai.

JOEL 1:2

Nannih tar tla leh Juda ram ah um mi zawzawng tla, nan nâ thlîr hen ngâi u. Hi bang hâwi mi thil hi nanmah san ah leh nan pa san ah a tlung dah tâwn ma?

JOEL 2:2

Thimnâk leh mûinâk ni asi lai le, dum kul hen sûm zîng ni asi lai. Khâubawk kawrsen tla nih, mûinâk nih tlâng sâng tla a khuh hâwi hen an khuh lai. Chu hâwi hen thil a dum dahlo, um khawm a um nawlh dah lai lo rawh.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

MATHAI 24:20

Nan tek tik ding busik ah mawh, Dinhni ah mawh a hawng tlung lonâk ding hen thlacham u.

MATHAI 24:29

“Sikhawmsele, chubang hamhnâk ni tla nûntê ah, ‘Nî mûitir hen a um lai, thlâ a chêu lai lo rawh le, vân thawk hen ârfi tla an tlâ lai le, vân thiltikhonâk tla chu ninh asi lai.

MARK 13:9

“Sikhawmsele, a thiamthih u; lâirêltu tla an tleihtir na lai le, pumhnâk in tla ah an vuak na lai. Keimah ruangah governor tla leh lalchem tla mâika ah anmah tla theihtirnâk ding hen nan dîr teh lai.

LUK 21:24

Chun, nâmsâu ah an thi lai le, phun kip sinah sal ah put hen an um lai; chun Phundang tla tik a dawng lânlo chu Jerusalem chu lamhbêk hen a um lai.

1 THESALONIKA 2:16

ruangsuah an si khonâk ding hen Phundang tla sinah thusim an khap tâwn; an sual tahnâk khattir tâwn ding hen: Sikhawmsele, thinrunhnâk chu dawng rît hen an tlûnah a hawng tlung rawh.

THUPHUANG 16:18

Chun, mîmthlalek tla, aw-hâu tla, khuari tla, lî fâk tak â nîn le, tual ah minung siam tîr thawk hen chu hâwi hen lînîn fâk chu a um dahlo.

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,