MATHAI 23:7 - Bawm Common Language Bible Version

⁷ sumtuah mun ah chibai bûk tla, mi nih ‘Sîntirtu,’ an ti na mi tla an duhzia tâwn.

MATHAI 23:7 ပူးပေါင်းရင်းမြစ်များ

MATHAI 11:16

“Sikhawmsele, tu san mi tla hi zei hen me ka tahṭhimh lai? Ngâksia sumtuah mun tla ah to hen, an hâwi tla auh hen,

MATHAI 23:8

Nannih lam chu ‘Sîntirtu,’ ti ding hen um lah u, an sîntir natu chu pakhat asi le, nannih vial chu unau nan si.

MATHAI 26:25

Chun, a tleihtirtu ding mi Juda nih a sâng le, “Rabbi, keimah ma?” a ti. Anih nih chun a sinah, “Si ta a,” a ti.

MATHAI 26:49

Chun, Jisu chu a va fûk sawm le, “Chibai, Rabbi” ti hen, a châwchawk chiam.

MARK 10:51

Chun, Jisu nih chun amah chu a hawng sawnh le, “Na lakah zeitin an ti sele na ka duh?” a ti. Chun, mitchâw nih chun a sinah, “Rabboni” muh kho ka duh,” a ti.

MARK 11:21

Chun, Peter nih a theih pup le, a sinah, “Rabbi zauhnik, theipi kûng hawlhsiat na barh mi kha a uai ver rawh,” a ti.

MARK 12:38

Chun, a sîntirnâk ah chun, “Dân sîntirtu tla lakah a thiamthih u; annih nih chun kawrdawh fual ruk hen tawih an duh tâwn le,

MARK 14:45

Chun, a tleng kâ hen amah a va fûk sawm le, “Rabbi,” ti hen, a châwchawk chiam.

MARK 9:5

Chun, Peter nih Jisu a sawnh le, “Rabbi” kan rangah hinah um hi a ṭha; basâ pathum kan khuar lai, nang rangah pakhat, Mosi rangah pakhat, Elija rangah pakhat,” a ti.

LUK 11:43

“Nannih Farisai tla, nan tlûn a pit! Pumhnâk in ah tophah ṭha chem tla leh sumtuah zâwl ah chibai bûk lebang nan sunhsak tâwn.

JOHAN 1:38

Chun, Jisu â hawi le, an hawng zûl mi a muh le, an sinah “Zei me nan hâwl?” a ti. Chun, annih nih chun, “Rabbi, (chu chu Sîntirtu tinâk asi), zeiah na um?” an ti.

JOHAN 1:49

Nathanael nih, “Sîntirtu, Pathian Fapa na si, Israel tla Lalchem na si hi,” ti hen a sâng.

JOHAN 11:8

Chun, ṭhiruai tla nih chun a sinah, “Sîntirtu, mazannâi ko khan Juda tla nih lung hen seh an tum mi kha; chunah chun na kal nawlh awt mazei?” an ti.

JOHAN 20:16

Jisu nih a sinah, “Mari,” a ti. Anih chu â her le, a sinah Hebrai hawlh hen, “Rabboni,” a ti; chu chu “Sîntirtu” tinâk asi.

JOHAN 3:2

chu chu zân ah Jisu sinah a hawng kal le, a sinah, “Sîntirtu, Pathian sinah mi sîntirtu ding ah hawng kal na si ti kan nan theih; Pathian an sinah a um lo chun hi singsiahnâk tla na ti hâwi hi âukhawm an ti kho lai loh,” a ti.

JOHAN 3:26

Chun, Johan sinah an hawng le, a sinah, “Sîntirtu, Jordan râlah na sinah um, a thu na theihtir mi nih khan, ngâinik, kha nih khan a baptis na le, mi zawzawng a sinah an hawng kal asi!” an ti.

JOHAN 4:31

Chu karah a ṭhiruai tla nih chun a sinah, “Sîntirtu, ei rawh,” an ti chiam.

JOHAN 6:25

Chun, rilî râl ah an tawng le, a sinah, “Sîntirtu, zeitik me hi leiah na hawng tleng?” an ti.

JOHAN 9:2

Chun, a ṭhiruai tla nih a sinah, “Sîntirtu, mitchâw chia hen a suak mi hi âunih me thil sual a ti, hi nih hin ma, a nu leh a pa nih?” an ti le, an deih.