MATHAI 23:39 - Bawm Common Language Bible Version

³⁹ Ka nan simh na, ‘Lalpa min hen a hawng mi chu a thaw a suak,’ nan ti lânlo chu tu thawk hen nan ka muh lai lo rawh mahi,” a ti.

MATHAI 23:39 ပူးပေါင်းရင်းမြစ်များ

SAM 118:26

LALPA min hen a hawng mi chu Pathian nih malsâwm seh! LALPA Biakin thawk hen mal kan sâwm.

HOSEA 3:4

Chu hâwi hen Israel mi tla chu lal leh ruitu lo hen bâwlnâk leh lung thenhlimh phun mi nei lo hen milem leh thlalâk chamchawhnâk rangah umlo hen hun sâwt tak an um ding asi.

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

MATHAI 21:9

Chun, mi zapi a mâi leiah kal mi tla leh a zûltu tla nih chun, “David Fapa sinah Hosana! Lalpa min hen a hawng kal mi chu a thaw a suak. Chungnungchem ah khin, Hosana!” ti hen, an âu.

LUK 17:22

Chun, ṭhiruai tla sinah chun, “Minung Fapa dam liau ni tla hi ni khat tal nan muh duh ni a um teh lai, sikhawmsele, nan muh lai lo rawh.

JOHAN 14:19

Sâwtlotê ah laikulh nih a ka muh lai lo rawh; sikhawmsele nannih nih chun nan ka muh lai; keimah ka nung ruangah nannih khawm nan nung bâk lai.

JOHAN 14:9

Jisu nih a sinah, “Philip, hi tiang nan sinah ka um le, chu khawm ah na hawng ka theih lo mu? Âuzawng hawng ka muhtu chu Pa muh asi, ‘Pa chu hawng ka zauhtir rawh,’ zeitin zia hen ti me na si?

JOHAN 8:21

Chun, anih nih chun an sinah, “Ka kal ving awt, nannih nih nan ka hâwl lai le, nan sual mawhnâk lakah nan thi lai; ka kalnâk ding ah nan hawng kal kho lai loh,” a ti nawlh.

JOHAN 8:24

Churuangah, nan sinah, ‘Nan sual mawhnâk lakah nan thi lai,’ ka ti mi kha; anih chu kasi ti nan lung lo chun, nan sual mawhnâk lakah nan thi lai,” a ti.

JOHAN 8:56

Nan thlâktu Abraham kha, ka ni muh ding asi ruangah thungâi â lâwm tâwn; chun a muh le, â lâwm,” a ti le, a sâng.

ROM 11:25

Unau le tla, thuthup hi nan theih loh ka duh lo, chu lo chun nanna fingtir lai le; Phundang tla rangtlingnâk a hawng tlung lânlo chu Israel mi zeimaw mi tla tlûnah thinlung changnâk a hawng tlung rih asi, ti hi.